تابوت

[خالد خزيم السهلي]

..



ابعاد ..

اشتقت لمصافحتكم ..





الشعر .. لو اتركه .. في الصدر .. منحوت
احساسه .. الليل .. والالهام .. خفاش !


ماعاد ينفع ليا من صرت .. مكبوت !!
لو ما تكلمت .. شفت ايديني .. رعاش !!


كنت ابني بيوت ! وارجع واهدم بيوت
مدري ! ولكن عجزت القى بي .. انعاش !


ماكل غلطه .. تعدّي لازم تفوت !
الجرح .. كذاب !! ومخادع .. وغشاش !!


في موعدي جيت .. ادور ..للبشر صوت
لكن بعض الهقاوي .. في الزمن .. ماش


اخاف من يوم .. ما تنفع به بشوت
يالله عفوك .. قبل يلفني .. الشاش !


العمر .. رحلة .. وذنب العمر .. تابوت ..
والآخره تفصل .. الطيّب عن اللاش !


يعيش الانسان .. ما يدري عن الموت !!
ويموت فجأه !! كأنه مابعد عاش !!

[نوف سعود]

العمر .. رحلة .. وذنب العمر .. تابوت ..
والآخره تفصل .. الطيّب عن اللاش !
يعيش الانسان .. ما يدري عن الموت !!
ويموت فجأه !! كأنه مابعد عاش !!
.
.
.
الله عليك ..
فعلاً .. عزفت ونزفت نور ..
سلمت الأخ القدير / خالد السهلي ..
تشرفت بالمصافحة الأولى للقصيدة ..
تقديري وأمتناني وتحيه ..
بوركتْْ ..

[خالد خزيم السهلي]

سعيد بان يكون نصي المتواضع قد نال على إعجابك


شكرًا لك مجدولينا

[وليد الفالح]

خالدالسهلي
حضور فاخر وزاخر


ونص يستحق الأحتفاء


كل الشكر

[لمار سعد]

قصيدة نبضها الصدق
تلامس الروح وتبعثها لـ عليين الإحساس

خالد خزيم : لروحـك السلام