محمد فرج
06-05-2011, 12:24 AM
عاتب لطيف الروح بشويش بشويش
ترى العتب بين المحبين سنه
الطير لازم يصفق الريش بالريش
لا خالفه في سيرة الريح ظنه
الــود يظهر ما يبا كثر تفتيش
ميرالـــــظروف تغار منه وتكنه
لا تلحق المقفي كثير الطواريش
ولا تسأل الا مشة القلب عنه
حتى يجي مثل المزون المراهيش
فيها فرح خاطر وأنفاس جنه
لا تقول للهاجر وللمنتحي ليـــــش ؟
حتى يعود وتقبل العذر منه
يمكن يحده وقته و( لقمة العيش )
ولا يجرب فن ماهو بفنه !
القلب غبه والمشاعر بها تجيش
ضحكه تبين ، وتختفي ألف ونه
والأغنيا في الحب مثل الدراويش
كلهم تحدتهم طروف الأعنه
يا لايمي بشويش بشويش بشويش
أنا فدى رمشن عليه تسنه
خذني بقايا روح في غاية الطيش
ولا بقيا طيش مليت منه .
ترى العتب بين المحبين سنه
الطير لازم يصفق الريش بالريش
لا خالفه في سيرة الريح ظنه
الــود يظهر ما يبا كثر تفتيش
ميرالـــــظروف تغار منه وتكنه
لا تلحق المقفي كثير الطواريش
ولا تسأل الا مشة القلب عنه
حتى يجي مثل المزون المراهيش
فيها فرح خاطر وأنفاس جنه
لا تقول للهاجر وللمنتحي ليـــــش ؟
حتى يعود وتقبل العذر منه
يمكن يحده وقته و( لقمة العيش )
ولا يجرب فن ماهو بفنه !
القلب غبه والمشاعر بها تجيش
ضحكه تبين ، وتختفي ألف ونه
والأغنيا في الحب مثل الدراويش
كلهم تحدتهم طروف الأعنه
يا لايمي بشويش بشويش بشويش
أنا فدى رمشن عليه تسنه
خذني بقايا روح في غاية الطيش
ولا بقيا طيش مليت منه .