- شَوَارِد تِهَامِيَّة -

[فاطمة ناصر]

.


وشلون اببدأ الشوارد فيك ياركني = وأنت أجمل اللي لبس تاج الثلاثيه
ثلاثة ابيات لو الحزن يربكني = ماهمني دام شعري ناره الحيّه
خلوني ابحر مدام الصدق مالكني = رغم اختلاف البشر روحي حقيقيه



http://s111t.com/vb/downloads//dd9ada3fc1_v0Y.gif
.

[فاطمة ناصر]

.



حاول تطيبّ خاطري بـ أي حاجه = ماهو بعيب إنك تراضي غروري
المشكله ماهي بوقت المواجه = المشكله لاصار وصلك ضروري
تدري متى تلبس من الحُب تاجه = لاصرت تنطرني وأطل بحضوري




.

[فاطمة ناصر]

.



ماهو ضروري يكون ما عندك احساس = احياناً الاحساس يجبرك تصفع
مليت اعاند ضيقتي وأدفع الياس = أزريت الاقي لآهتي صدر مدفع
وياللي تقول ( العفو ) للقلب نوماس = ابسالك هي " طيبة القلب " .. تنفع !؟




.

[فاطمة ناصر]

.



مدري وش أكتب لك على شان تفهم = تعبت المح لك ذبحني برودك
الروح فيما ترفع الراس تهتم = والا أنت مدري وش مبرر صدودك
كم لي ابادر لك ومن قلب أسهم= ولا طالني عطفك ولا شفت جودك




.

[فاطمة ناصر]

.




كانـت اطـلال حبـك مثـل فقـد الـكـلام=ليـن صافحتنـي ب اشواقـك بمـرقـدي
ويـوم غـاب الحنيـن وزرانـي بالمنـام=قلت وين الطريـق اللـي لـك بيهتـدي
بس مايقتل المصباح ثوب \ الظلام=لـــو الـــوّح بــروحــي مـاتـلــوّح يــــدي







.

[فاطمة ناصر]

.




غصب ٍ علي أقول ماهمني ( أنت ) = أكذب وأنا روحي غيابك طعنها
مهما تسوي في عيوني فلا هنت = روح أنشد عيوني وتخبرك عنها
ب أنك على عرش الضماير تمكنت = مثلك ملك فالروح تآآمر وتنها







.

[فاطمة ناصر]

.


نسنس الفجر حتى صاح صدر الصباح = واشرق الصمت في عيني وضاق الصدر
يا صباح التفاؤل ياخيوط الكفاح = لو تطول الليالي ضيق يطلع بدر
النسايم علاج اللي يبي الـأنشراح = دام ربي وكيل ٍ للقضاء والقدر


.

[فاطمة ناصر]

وش صار يعني لـ نتهينا وتدري = ما مت من صدك ولافاتني حي
لانقصت ايامي ولا زاد عمري = عاآآدي بسيطه ماحصل لي ولا شي