- قَصَائِدِي -

[فاطمة ناصر]

http://7mmlbs.com/uploads/130588315418.png

شفني وأنا في تربة الشِعر مزروع = قصايدي تشــرب فؤادي وتآكل

http://7mmlbs.com/uploads/130587552127.png
WIDTH=0 HEIGHT=0
.

[فاطمة ناصر]

http://7mmlbs.com/uploads/130588315418.png

اكتب على نهج النقا والموازين=اشطح ولكن في حدود امعقوله
من أنت ؟ ياشيال هرج المجانين=مالك بأرض اهل المواجيب دوله
وفي صفحة الاشراف مالك عناوين=تسقط من امثالك معاني الرجوله
الحقد يسري بك على وين ومنين؟=بلشه إذا لك نفس ماهي خجوله
يللي تهاجمني بليّا قوانين=لاانت ولاأمثالك خذاني ميوله
وأعرف تراني لو ابيها ميادين=لانخي بها الاجواد واكسب بطوله
في مواجه الانذال ماهم مقفين=بإذنه تعالى وقوة الله وحوله
ومن عال يلقى في طريقه براكين=ويلقى الجزا جنس العمل من فعوله
قصر الحكي في ظاهره والمضامين=أهل الجنوب اطهر شرف توّجو له
عند القبايل كلنا عرفنا زين=رح فتش التاريخ وانشد فصوله
تِهمان حنّا من بلاد الميامين=ورجّالنا لاغاب مَ انت بكفو له
( لو الشرف ورده فـ حنّا البساتين ) =واسمع كلامي وافتهم للمقوله
أبعد عن اللي خلفوها النقيين=ولا يلفتك منظر لثامه وزوله
متسلسله من روس اصل القحاطين=عز الله انك ابتلشت بحموله
سلومنا مابيعها بالملايين=والوقت يبطي والظفر ماتنوله
داري جنوب العز دار السلاطين=مافيه حبٍ فاق حبي لأصوله
إلا محبة من خلقني من الطين=ومحبة المبعوث فينا رسوله


http://7mmlbs.com/uploads/130587552127.png
.

[فاطمة ناصر]

http://7mmlbs.com/uploads/130588315418.png

خبيتْ حْزني في غيَابكْ ولا فَاد =وحَاولتْ في دَمعْي ولَكنْ كشفني
تعبت أرتب فالضلوع التنهآد = الموت فغيابك لبحره غرفني
وش عذرنا لا خاننا الملح والزاد = وانته غيابك فالهوى مانصفني
بين الـألف والميم والياء والضاد =دوّر على عنوان روحي وشفني
على طريق الجرح سرداد مرداد = شكلْ الفرح مايوم جا واعترفني
القلب ظهر إنسان والبعد جلاد =رفع بروحي للسما ثم حذفني
والشوق لا من زاد سلّال الــأكباد = أما اقترب والا ليا غبت عفني
ماهو تجي لاطاولك هرج حسّاد = كني علاجك للوجع تصترفني
مليت من كسر ٍ على سكة أوغاد = من شافني بعدك حشا ما عرفني
ومليت اسافرلك من بلاد لبلاد = كني غريبه والوطن ماصدفني
ماعن اثر ليّه من الخلق نشّاد = مدري جرفت اليأس ولا جرفني
أكبر مصيبه حب في قلب حقّاد = و أكبر هدية موطن ٍ يرتشفني

http://7mmlbs.com/uploads/130587552127.png
.

[فاطمة ناصر]

http://7mmlbs.com/uploads/130588315418.png


لاعاش فيك الربو واستوطن منافذك وهواك = اخذ العوض من بارد أنفاسي بمد الطيبين
واليا أختنقت من الهواء والبرد واخطاني دفاك = تعال واخذ النار من صدري وكل الاوكسجين
وأن خانك التعبير سلم لي على زرقاء سماك = ياملتقى الاطياف والاحساس والدر الثمين
وش ملحها عينك ليا لديت لي والله هداك = ماكنها الا البحر لا هاجت شواطي المقلتين
تدري وش اللي في حياتي منك واليك واقتداك = أنك عن العالم لحالك بين خشم وبين عين
العاطفه ساحة عطا والقلب فض الاشتباك = بين المشاعر فوضوية رق واحساسٍ دفين
سبحانه اللي عن مزايا الناس من فضله حباك = مالا حبى غيرك من الاحساس والعقل الرزين
أذا غضبت أغضب معك واليا رضيت ارضا لرضاك = امشي معك فيما تبي لا لي يسار ولا يمين
أمشي بطوع الحب والأشواق ومسامر غلاك = ينساب فعروقي هيام وتنتثر لك دمعتين
يامبتداي ومنتهاي ولذتي حتماً معاك = ماني من اللي ينظر العالم بعين الملتهين
أدري بتقصيري معك ياللي رفيعٍ مستواك = أخذ العوض مني ولك والله يعين المستحين
http://7mmlbs.com/uploads/130587552127.png
.

[فاطمة ناصر]

http://7mmlbs.com/uploads/130588315418.png

غيره وزفرة آآآه وأشباه ووجيه =وعيون فيها شي وعيون لاشي
وتيهٍ يولد حزن واحيان تنبيه = بآن الزمن وجهين للعدل والغي
لعل جرحي ما تناولني ايديه= ويصير بي ميّت وانا اصير به حي
لا عادت الفرحه على خاطري ليه=قربْ يابو جمره وكثر ْ بي الكي
يا غيرته سووي من الحرص ترفيه= وخلي كرمها من كرم حاتم الطي
يا غيرته عادي ولاعاد تطريه= صمتي على ماجاب بين الضما فيْ
على هواه وما يسوْي يسويْه = هو فيه غيره ما بكت جرحي النيْ
وابستمع له لين تهدا طواريه = على امل يطوي معاليقنا طي
ان كان جرحي عن همومه يسليه = عسى عروقي له ومن ذي قبل ذي
طافت حلولي من متاهة مساريه = وأشعلت له قنديل يكفي عن الضي
والعين باتت دمع يا هيه ياهييه = كل الشوارع صمت والبوح للحي
غيره بلا مضمون تبقى مشاريه = وحبٍ بليا عهد يا صاحبي سيْ

.

[فاطمة ناصر]

http://7mmlbs.com/uploads/130588315418.png

لا شفتني مع بزوغ الشمس كلي طرب = عرفت بأني بصبح لي بوجهٍ حلو
انسى السهر والمنادم والعنا والغضب = واقول ربي لفى بأحبابي اللي جلو
واصب فنجال وأقدع من عذوق الرطب= واهمس لنفسي واقول احبابنا ما سلو
ويغرد الطير وانسام الفجر تنسحب = لمصافح النور وازهار الغلا سبلو
اطراف كم الزهر وانظارها للعنب = يا زين حظ السما لاباشرت وانزلو
في غبة الشوق يا ما من كفاح ونصب = في خاطري مربع الأحباب لو ارحلو
وش حيلتي في النصيب اللي من الله انكتب = اللي اشربو من نهر ( فطّام ) فجأه كلو
لحمي وخلو عظامي للخلا والمهب = ماكنهم في حنايا الروح فيني ولو
يا صبح لو وجهك الشاحب فضحه التعب = تبقى ملامح من الذكرى لناس ٍ خلو
احاول اسكبك في صدري ولو ما انسكب = في بارد انفاس والا الناس يا ما علو
يا صبح مالك طرب والا تعال وطرب = نسناسك العف صافحني بكلمة هــلو



.

[فاطمة ناصر]

http://7mmlbs.com/uploads/130588315418.png

يا رحلة العمر مدري .. يا عتاب المسير = يا فرصة النوح والا.. يا لحون الحمام
يا سوط الأقدار يا صبر الزمن وش مصير = النفس في طرد غايات الهوى والغرام
كم مات من حلم في لحظة غياب الضمير= وكم عاش من غيْ في صحوة عيال الحرام
وكم تاه من راي لحساب الخطا والضرير = وكم فات من فرصة صوّت عليها السلام
وكم طير حاول يطير ورف وأزرى يطير = وكم قصر فاخر ولا به راحةٍ وأنسجام
وكم ضحكةٍ تبعث الأوجاع واللي يصير = صمتٍ يكسّر صخور الثرثره والملام
يعني ليا طاح حظ العاقل اللي يغير = على مباديه اقول .. الطَّق ( فَ ڪّ) اللَّحَّام
وش العجب !! والليالي فالزمان الأخير = أحداثها يا بشر فيها بلا وأنقسام
الواقع اللي نشوفه غير والناس غير = يعني على قوله الأجواد ماهو تمام
بصبر واعدّي ضنون الوقت وأقول خير = يمكن يجينا الفرج من قبل مسك الختام


.

[فاطمة ناصر]

http://7mmlbs.com/uploads/130588315418.png


يسعد مساء الورد ياعطر باريس = يابولغري وشانيل كوكو مع اديور
هبت رياح الشوق لهفه وأحاسيس = وفاحت نسايم طلتك عطر وزهور
خذني وجاوز بي حدود وتضاريس = خذني وجاوز بي مسافات وبحور
خذني بروض معشب ٍ ما بعد ديس = روضٍ خضر من باكر الوسم ممطور
وخذني بعين ٍ والفتها القرانيس = لا صار فيها الملح يضحك له النور
أسستني وياك من دون تأسيس = وصارت حياتي بين منهي ومامور
غلاك ما عشته بخلف الكواليس = بياض حبك كنه الدر منثور
يا عمر ليلى بعد ما صرت لي قيس = خذني على كيفك من السور للسور
ياجعل عيني فدوة/ن للنواميس = ويسعد مساء الحب مع طلت النور
http://7mmlbs.com/uploads/130587552127.png
.

[فاطمة ناصر]

http://7mmlbs.com/uploads/130588315418.png


شكراً على ماصار عآآدي ولا أقول=غير ان بعض التضحيه مثل الــأمواس
تجرح ضمير ٍ عفْ وتحيّر أعقول = وتقتل رجاوي روح وتشرّع اليآس
لاحول من بعض المخاليق لاحول =يميل فكره كل ما هب نسناس
مايوزن أعقول البشر عقل مشلول = ولا يقدّر الأحساس خالي من أحساس
الواقع أصبح شئ مرعب ومجهول = والباب دونه قفل محكم وحرّاس
ضحيت بأخلاصي وطيبي على آصول = ولقيت قدامي مصاقيل واضراس
كذا يهون الطيب والطهر معقول = وأنا حسبتك غير عن كل هالناس
يعني عشان الحُب تجرح على طول = والا عشانك ملهم لكل هوجاس
لا باس ياقلبٍ من الجرح مذهول = وعن ماجرى لك من هل الطعن لا بآس
ماعاد فيها حسبة العرض والطول = الصمت في بعض المواقيف نوماس
لا صار بذلي بين اياديه مقتول = أكليب ذاق الغدر من رمح جسّاس
أمرّ شي ٍ يذبح الروح ويهول = أنك تمد ألماس وتكافأ أنحاس
وشكراً على ماصآر عادي وأنا اقول = ( آآمنت بــ أن الجرح أوفى من الناس )




http://7mmlbs.com/uploads/130587552127.png
.

[فاطمة ناصر]

http://7mmlbs.com/uploads/130588315418.png


أتساما عن كلام ٍ يمر ولا يطول= راسي الشامخ وهو ما وصل حتى أقدمي
دام زادي ذكر ربي وماقال الرسول = عن مجاراة السخافات وقّف يا فمي
خلّهم يمشون في غيّهم عرضٍ وطول = الجبل ثابت ومن حوله ضعاف الرمي
من تجرّد من مباديه وأخطته الآصول = ماهو أكبر هم لأحساس قلبي وقلمي
اشمخي يا بنت قحطان مابه من يحول = دون عزك دام مالك مع العالم سمي
الفخر ثابت وشامخ ولايمكن يزول = حيها من لابةٍ في فخرها ننتمي
بالمواقف والفضايل وفي بيض الفعول = من شرب من طيبنا طول عمره ما ضمي
لجل هذا لو تغاضيت عن قرع الطبول = من وفا نفسي ومن طيب راسي وآكرمي
استريحو يا هل الهرج واضعاف العقول = الله اللي في يده كل أمر الآدمي
مايحرك ساكن العقل هرج اللي يقول = دام عقلي فرصته بالمكارم ترتمي


http://7mmlbs.com/uploads/130587552127.png
.

[فاطمة ناصر]

http://7mmlbs.com/uploads/130588315418.png


يا ضيق كافي .. شتت الصمت صدري = يا صمت لا تلبس على الصدق جلباب
يا صدق .. أدري واكثر أحيان ماادري = يا صدق مليتك مسمّر ورى الباب
بدري على آآهي والأحلام بدري = تعكس وضوح الواقع اللي شهر ناب
ضللت روح وجيت في فيْ جدري = كني غريبه مالها أحباب واقراب
ونفثت زفراتي على نبض ندري = وكني منحت الحزن باقات وثياب
طبيعتي ترفع مع الناس قدري = والوقت سل ْ اسيوف والبال ما طاب
ويومه كمل بين الفضااءات بدري = تاهت عيوني يا طريقي بلا اسباب
لو دمعتي صورة لتعزيز صبري = ماملني جفنٍ للاقدار طلاب
بكيت واصوات التباريح تسري = في داخلي من غدر وانيابه ذياب
واقفيت يانورٍ تبنْاه عذري = في طعنته لاحساس ما جاه كذاب
احساس حي ولو توسدْه قبري = بقت ينابيعه سحابات واعجاب
يا نور لا لامست مكسور سدري = اياك تجزع والضما ماله حساب
مهلك ترى يابس غصوني يهذري = في قطرةٍ تجذب على اليانع اسراب
وصبرك ترى فوحه دموعي لجمري = توقد قناديلٍ على أشفاه الاغراب
ما أطري اكيد ولو فالبال تطري = مريت مثل الثلج في جرح صباب
يا كاسرٍ قلبي تجاهلت جبري = حتى غدى عطفك حكايات غيْاب
ضاع المصير وصار ماهو بخبري = وانا اتحرا فزعة احباب لاحباب

http://7mmlbs.com/uploads/130587552127.png
.
WIDTH=0 HEIGHT=0

[فاطمة ناصر]

http://7mmlbs.com/uploads/130588315418.png


جُرْعَة مِنَّاعُه


ياليت للأشواق جرعة مناعه = وأحصن الاحساس بالفين حقنّه
لكن بلاي من الغلا واندفاعه= اللي وسط بحري تقبطن بسفنه
أموت أنا بصوته وأعيش أستماعه=والحب والآحساس والذوق لبنه
يبني بها صرح الغلا وأرتفاعه = فوق السحاب اللي من الطهر وزنه
هو نور قلبي غايته واقتناعه = فرصة سعيده وأرتمت وسط حضنّه
لا هو ولد عمي ولاحنا جماعه =مير الوكاد إنه من الثوب خبنه
له خافقي شاري ولا يوم باعه =ومن كل عرق وعرق يختال حسنه
ازعل عليه وزعلتي نص ساعه=ضمه على صدره وأجي تقل قطنه
ولا صرت أنا المركب وهوه شراعه= وشلون ابصبر باقي العمر .. غبنه
وموج البحر لاهاج وأشتال قاعه = لقيت لي من بين اياديه زبنه


http://7mmlbs.com/uploads/130587552127.png
.

[فاطمة ناصر]

http://7mmlbs.com/uploads/130588315418.png



يا مستريح الضمير .. ولك غياب ٍ يطول=شي ٍ بليا سبـب مـن يحملـه للعتـب
لا صار عينك تشوف وفيك فرصة فضول=الناس محـدٍ بفاضـي للغـلا والتعـب
تغيب من غير داعي والرضـا مايحـول=بينك وبين الحقيقه يـا كثيـر الصخـب
مافيه شئ ٍ يعارض للبشـر والآصـول=الا تركّهْ الزمان يمـوت غطلـة غضـب
تعرف غيابك يجيب الشك حتـى نقـول=أنك علينـا تحـاول تختبـر وش نحـب
وأحيان نحتار وش نعزف لقرع الطبـول=أحيان نلقى سبب وأحيان مابـه سبـب
شفني على كثر ما حاولت أعيش الفصول=قريت وجهك ولبستـك حـروف الذهـب
وشفني من أيامك اللي كفنتنـي ذهـول=أنساب لك من وفا وتزّفني لـل \ لهـب
دوّرت لك عذر يمنحني بريـق ٍ يطـول=وأثر التواصل معي بأحساسنا ما أنكتـب
وسطّرت لك مايروق وتنذهل له عقـول=وعانقت بك طلة القمرا وطهـر السحـب
وبحت العزا في غيابك والنهآيـه تهـول=كلش فدا بس جرح الطيـب والله صعـب
مافيه داعي ندوّر معك بعـض الحلـول=بعض السهر يمنح العـزّه لـذل الهـدب
وأجول بيني وبين اللي بروحـي يجـول=أغيب مع حيرتي وأفـوق كلـي طـرب
واقول نبضي يعدينـي علـى كـمّ زول=قبل المفاخر وتأصيل الحسـب والنسـب


http://7mmlbs.com/uploads/130587552127.png
.

[فاطمة ناصر]

[ وش عذرنا ] !! (http://ftll.cc/?p=22996)

تحلق في سماء مجلة فتل !!

20 سَبْتَمْبَر, 2011 بِوَاسِطَة مُحَمَّد الْبَدْرَانِي

.

.

شُكْرَا مُحَمَّد http://www.shamsdubai.net/vb/images/ssmil/rose.png







اليَوْم 20 سَبْتَمْبَر, 2011 بِوَاسِطَة مُحَمَّد الْبَدْرَانِي