أفرح وهي ميّتة ؟!!

[بندر الصقر]

رحمة الله عليها ,, كانت رفيقة درب , وشريكة شقاء , و ونيسة وحدة .. وكل فرحٍ بعدها ناقص









قضيت عمري وانا بين العطش والسراب = أصبح وهمّي على مركاي وأبيّته
لو كان همّي جبل حبيت يدها وذاب = وإن زارني حزن واستني على جيّته
واذا انقفل باب تفتح بالدعا الف باب = واذا لفى خير قامت قبلي وحيّته
واليوم يومي نويت افرح بعد هالعذاب = زجرت قلبي وعاتبته على نيّته
يزورني طيفها متبسّمٍ في عتاب = كأنها تقول لي ( تفرح وأنا ميّته ؟!! )

[تفاصيل منسيه]

بندر الصقر
جميل هذا الوفـــــــــــــــاء
والأجمل منه هذه الأبيات العابقه بالذكريات والحنين..
صح لسانك ملآيين..
تقبل مروري
دمت بود

[بندر الصقر]

بندر الصقر

جميل هذا الوفـــــــــــــــاء
والأجمل منه هذه الأبيات العابقه بالذكريات والحنين..
صح لسانك ملآيين..
تقبل مروري

دمت بود


ياهلا يا تفاصيل , اشكرك يا غالية على رأيك ..

الأم لا تصل إليها يد الوفاء ولا تفيها كل الكلمات ..

أشكر مرورك .

[عون القحطاني]

بندر .. موجعه هذه الابيات
وش اقول غير ان الله يصبر قلبك ..
ويسكنها فسيح جناته
تأكد ان فرحك يسعدها في قبرها
لا تستسلم لوساوس الشيطان .

دمت بخير

[عبدالعزيز العميري]

بندر الجميل

هذه الابيات
لامكان لها إلا القلب ياصديقي

رائع

رائع

[هـيـفـااللاّفـي]

.
.
ادعو لها بالرحمة ولك الصبر يالصقر
صح بوحك الحزين :icon20:

[مرضي البلوي]

يااااااااااه يابندر

[خلف المهيلان]

الله يرحمها ويبقي راسك يالغالي ابكية قلبي والله يرحم والدي ويبقي والدتي ويرحم موتى المسلمين شاعر اختصرت الحزن والشعر
لاباس إنشالله اخرالاحزان وماتشوب باس وهذا حال الدنيا كل ماعليها فان ويبقا وجه ربي ذلجلالي والاكرام سبحانه