تسجيل الدخول

مشاهدة النسخة كاملة : أهــــ ل الندر ..!


فهد الغبين
07-08-2011, 01:21 AM
يا :هل الندر ..الى من جيتوا ..اللي صد عني=بلغوه ..احلى الكلام ..اليا تكن كن في كلامه

وان بدا في شمسها لون الغسق قولولها اني=شاقني مشراق شمس ٍ ..ليلها طرقة لثامه
بلغوا ذاك الغزال ..إن الهوى به حس جني=ماعليه من العدام ..ولا بعد ..بعده عدمه

المعاني ..دو / دهني ..يم ..دو ..الدو ..دهني=يوم طيرت الحمام ..ولابقالى ..لو حم امه
في غصون الاه ..تنبت ..كل وردة أأه ..مني=كل ماناح الحسام ..بطعن من سمي حسامه
ياجنون الشعر ..إني ..كل ما ابدا ..ابني=التقي ..في صد ..خام ..ولا ذبحني ..غير خامه
طفل ..يلعب في قليبي ..لعب ورع مرجهني=عاش ماعاش الخصام ..ولاشكى مره اخ صامه
راح ..واقفى بي ..وقفى ..في خفوق صاح حني=يامطوعت العنيد الزام ..من يبغى.. لزامه
برق شوق الحب غني ..رحت عنه ولا مكني=طفل ماحس التمام ..وغاب بدره في تمامه
وقفي ..الحلم وتعالي ..من ورى الواقع ..وغني=ماعليك الا السلام ..ولا على مثلك ..سلامه
ياجنون بالوله ..مريت مني ..ولا أنت ..مني=ماعليك من الملام ..ولا على مثلك ..ملامه
في شعورك ..كل حس ٍ جره الاحساس عني =لا تزامى ل الغمام ..وزم من فوق الغمامه
الهوى والشوق طفلين التقوا.. لحظه تمني=لاتوجه ..كل شامي في هواه ..ليم شامه
سندسي الحس إني ..ما احس بيوم اني=الا طفل صام فرح ..ولا تحلل من صيامه
اغلب الاحيان اشعر ..اني بالاحساس كني=شايب هام الديار ..ولا تفود من هيامه
الصراحه ..طفل ٍ أبكم ..والده جاء بالتبني=عاش لحظات الفطام ولا وصل يوم لفطامه
بنت يابنت ..( الوله ..والشعر) لحظاته تجني=بين من قام القيامه ..قبل تاتيه القيامه
وبين من عاش التمني ..وانكسر قبل التمني=شاعر ٍ عاش الهيام ..ولاشعر به قلب هامه
ياضبي ودي حنيفه ..لا تقول إن إنت مني=ما نت مني ..وانت قلبي ..من يمينك به علامه
شاعر مجنون لكن لابدا المعنى يغني =ياسلامه ياسلام السلم من دون السلامه

عون القحطاني
07-08-2011, 03:07 AM
وانت من هل الندر يافهد .

نص يحمل بصمتك . اعجبني كثيراً ما قرأت هنا من شعر

صح قلبك . كان لي شرف الحضور

وافر الشكر

فهد الغبين
07-08-2011, 07:54 PM
وانت من هل الندر يافهد .



نص يحمل بصمتك . اعجبني كثيراً ما قرأت هنا من شعر

صح قلبك . كان لي شرف الحضور


وافر الشكر



الغالي عون


حضورك شرف لحروفي فشكرا لك

دمت بود

ميــرال
07-08-2011, 08:02 PM
فـي شعـورك ..كـل حـس ٍ جـره الاحسـاس عـنـي

من هذا الشعور انسكب الشعر
رائع الحرف كعادتك يافهد

فهد الغبين
07-10-2011, 05:49 AM
فـي شعـورك ..كـل حـس ٍ جـره الاحسـاس عـنـي


من هذا الشعور انسكب الشعر

رائع الحرف كعادتك يافهد


الراقيه ميرال


حضورك شرف لحرفي فشكرا لك بك


دمتي بود