[ لـ اللااااش :بخشِيش ]

[عبدالله العويمر]

بلا مُقدمَات:


من ناظري طاحوا ولاقلت لي ليش=من طاح من عيني تساوى مع اللااااااش


والصحبه اللي تنكر الملح والعيش=ماهيب صحبه لو زمنها معك عاش


والطير يكفخ مااامنعه طيحة الريش=والارض ياما شالت بوقتنا قشاش


واللي يبي يحتال بيعيش ..واعيش=وله عيشته بين الحثاله والاوبااااش


ولو هو "لبس" شارب ..اشوفه على خيش=ثوبه وثوبه ممتلي "تبن وقشاش"!!


كم عسكري ماشرف الباس والجيش=يقسم على الشده وبالحرب ينحاش


وقسها على الصحبه وتلقى بها يطيش=واحد بها محسوب صاحب وهو مااااش


ولو هي صغيره قلت تحصل ومعليش=لكن كبيره يخذل الصدق غشاش


واللي خسرته من ورا العرف :بخشيش=انا اعتبرته ,,قبل مااندم على الكاش


طيحت من عيني وماقلت لي ليش=منهو تساوى في عيوني مع اللاااااااش

ولكم الحُب

[محمد البدراني]

فداك اللاش يا عبدالله !!

انت شامخ بالشعر ونحن نفتخر بالقراءة لك !!

محبتي !!

[عون القحطاني]

عبدالله العويمر


حرفك مليء بالصدق .. وهي عادتك المستحبة
رغم الالم الا انك قلت ما يجبر خواطرنا
من خانوا العيش والملح لا يستحق ان نحتفظ بهم
بل سقوطهم افضل


صح قلبك يابوعبدالعزيز
تنفست من خلال نصك .. فقد قلت ما اتمنى قوله واكثر
وافر الشكر

[ميــرال]

اعلم بأن الشعر سيصعد بنا للسماء ياعبدالله

شامخ هكذا هو حضورك وروحك وحرفك

هذه الدروس لن تنسى
يسعد مساك

[نواف التركي]

نحتاج لغربلة من وقت لأخر ..
من يسقط لا يستحق البقاء ..

صح قلبك يا عبدالله .

[شذرة السيف]

لكن كبيرة .. يخذل الصدق غشاش


عبدالله

صح لسانك يا طيب

جميل جدا هاذا النص


http://www.7looo.com/uploader//uploads/images/7looo.comccb9d8b7af.gif

[خميس الأسلمي]

والصحبه اللي تنكر الملح والعـيش
ماهيب صحبه لو زمنها معك عاش


الرائع عبدالله العويمر

دائما ماأقول أن خيانة العيش والملح " مرض نفسي "

لــ حرفك جزيل الإعجاب والترحاب

طابت لياليك

[حنان العصيمي]

وما زلنا نعيش ونراهم يسقطون ..

صح بوحك يا بو عبدالعزيز، لا هنت :icon20: