نبرة الااااه

[موج القصيد]

::

:

http://www.m.v90v.com/data/media/17/images_16.gif?sessionid=65430668152e684ed9ac19685f 7be4ec



لامن ذكرته ترتفع نبرة الاااااه = واضيع مع طيفه ضياع الذواري
وقلبي يحن وتبلغ اللهفه اقصاه = وصدري غدى لسهام لشواق عاري
طيفٍ طريته ليت ما جبت طرياه = ويا ليت ما جبنا لالحباب طاري
كان استراح الجوف من شي اضناه = واضماه في وقتٍ تشح الخباري
وكان استراح الخد من مزنٍ اسقاه = ماءٍ غدى من جور الاشواق ناري
دمعِ فضحني كل ما جبت ذكراه = فار وغمر خدٍ على العز ضاري
من بعد ظنيت الفرح دوم يزهاه = اصبح عليه من الكأبه مواري
والله عجيبه خد اعظم مزاياه = انه غدى للحزن كاتب وقاري
كله سبايب غاليٍ ذقت ويلاه = وذقت البعاد اللي يزلزل وقاري
اشتقت له واشتقت لديار ترعاه = الله يا شوقي لذيك الصحاري
حياه في صدري وبالروح حياه = وحياه في فكرٍ مع الطيف ساري
وحياه في وسط الخفوق اللي اعطاه = حبي بدون مشئيتي واختياري
القلب بيته والخلايا رعاياه = وعروق جسمي جوفها الحب جاري
تفداه روحي والمعاليق تفداه = ويفداه قلبٍ دايم الدوم شاري
ويفداه كل اللي نوى ياصل احماه = ناس من اسلوم المراجل عواري



http://www.m.v90v.com/data/media/17/images_15.gif?sessionid=65430668152e684ed9ac19685f 7be4ec


موج القصيد

:::

::

:

[صالح الحريري]

أمواج الوجع تتلاطم على صدر القصيد هنا...
وحده شاطئ الإبداع يمد أيادي الامتنان لهكذا حضور يــ موج القصيد ..!


أهلا بك ..
بهذا الكيان الأدبي الأبعادي ...

[عون القحطاني]

الشاعرة / موج القصيد

اهلاً بكِ كثيرا
ارحب بك في ابعادك . .

هذا النبض يتدفق وريداً وريداً من ارتفاع نبرة الاه .. وحتى خلايا قلب الشعر


حضور مكتنز بالشعر العذب . احساسك المترف اغدق النص بما يطرب الذائقة
وبحرٌ يحرضنا على الغناء .

صح نبضك شاعرتنا
شكراً تليق بك وبحرفك الملفت

ودي وتقديري

[وليد الفالح]

موج القصيد
أهلا بك في أبعاد الأدب
نص يستحق الأحتفاء
تقديري

[عبدالناصر الأسلمي]

موج القصيد
أهلا بك ومرحبا
بهذه امشاعر الاجمل
تحياتي اليك

[عبدالإله المالك]

الشاعرة موج القصيد

الشعر .. والطيف .. والوريد .. والنبض .. والآه ..
وعذب القصيد ..

مرحىً بكِ ..

[شذرة السيف]

حي هلابك يا موج

صح لسانك اخيتي

جميله مليئه بالحب


http://www.7looo.com/uploader//uploads/images/7looo.comccb9d8b7af.gif

[عبدالله العويمر]

دمعِ فضحني كل ما جبت ذكراه
ــــــــــ فار وغمر خدٍ على العز ضاري

حُضور يُنبئ بِهُطُول ٍ جَمِيْل

موج القصِيد

أهلا ً بك ِ