هم سات

[سعد مرزوق الاحبابي]

شجرة الحرمان بين ظلوع صدري من غرسها!؟=غير حظً حطّم احلامي وطوّقني بياسي
صرت طفلاً قاسوا ثيابه ومات ومالبسها=اااااه لوقاست لي الايام ثوبً من مقاسي

[سعد مرزوق الاحبابي]

لاتامن الكرسي الدوار =يفتر وتطيح من فوقه

وتصير بكره بليا دار=وتستنشق الذل وتذوقه

أخلص لشعبك وخلك بار =وإنزل معه وأعطه حقوقه

ولاتقمع الجائع ليا ثار=واموال دولته مسروقه

[سعد مرزوق الاحبابي]

لوّحت كف الضلام لطلة الصبح الحزينه =وارتحل حزن المسا القاسي وجا حزن"بداله
وابتدت شمس النهار تعانق اطراف المدينه=والجريح يعانق الذكرى ويسرح مع خياله
مارضى بالبعد والحرمان بس (الله يعينه)=كل مايرجع لماضيه الجميل يضيق باله
علموا من ودع إحبابه ولا رده حنينه =لأيصدقني ولو قلت اني(بخير وسهاله)
وخبروه ان جرحي النازف على حطة يدينه =ياقساوة جرحي النازف ويابعد إندماله

[سعد مرزوق الاحبابي]

كنت شاعر وكان الشعر له قيمه=وصرت عادي وهذا شعري العادي
كنت اعشق السماء واغازل الغيمه=ويوم طاح المطر مابلل فوادي
والله ان التعاسه مابها شيمه=رافقتني غصب من يوم ميلادي

[سعد مرزوق الاحبابي]

دمعتين وطاحت البارحه قبل الغروب =وليتها ماطاحت وليت مابه بارحه
تاهت دروبي وضاقت الفضاء من كل صوب =ومالقيت انسان يصدق معي وأصارحه
ويش يجبرني على الصدق والواقع كذوب=مرحبا بالكذب دام الصراحه جارحه

[سعد مرزوق الاحبابي]

ماطاعت احلامنا تصدق ولا مره!!=واستعصت ظروفنا والحظ خالفنا
(عشنا وشفنا)الحياه الحلوه.المره=وللحين ماكننا عشنا ولا شفنا!!