بوح المشاعر!..حديث الذات!

[فرج البلاز]

يكفيني اني لابغيتك لقيتك= في نبض قلبي عايش ٍ بالمشاعر
بديوان شعري صفحة ٍمانسيتك=يكفي وجودك يفتخر فيه شاعر
اقول روحي فدوتك يافديتك=لامااعتبرها دامك تمون حاضر
يكفي حضورك في يوم ٍلقيتك=تقرا لبصماتي وبوح الخواطر

[فرج البلاز]

روس الفخر تعلا متون ومناكب =والطيب بفعول الرجال ايتهيّا
والمرجله بفعول اهلها تواكب =لوما استحى وجهٍ من الطيب عيّا
على طريق الجود ماشي وراكب =ما يحسد اللي بالفيافي تفيّا

[فرج البلاز]

ياعايب اهل الطيب عالج معـايبك=ذنبك تـعـدى المبتلى فـي ذنوبه
لاشفت طيب الناس ثارت لهايبك=على الـذي دربـك قـصـر عـن دروبه
لا مانـعٍ عـن عــرض غـيــرك كتايبك=ولا سـرت مثله مع هل الطيب نوبه
هذي ركاب القوم فاقت ركـايبك=وثوبك قـصـيـرٍ عـن تفاصيل ثوبه
دام الجـرب يجدع طوارف حلايبك=عالج بحالك لين تبرى جنوبه
وعـز الـلـه أنــه ماربح راس شايبك=دامك من اللي بالقوافي حروبه
اترك مصايبنا وعالج مصايـبك=وأكرب خـبوبك قـبل تكرب خبوبه
رح للمحاكم لاجـل تـنهي طلايـبك=وألا علاجك عارفيـنٍ حبوبه
ياعايب أهل الطيب عالج معـايبك=ذنبك تعدى المبتلى في ذنوبه
لا رافعٍ صيتك ولا صيت شايبك=وراع الجرب يقعد يهارش جنوبه





مجاراة تشرفت بها من الشاعر القدير عبد اللطيف العوني



يالدهمشي بالطيب هبت هبايبك=والناس طيبك كلهم سولفوا به
إترك ردي الذات واغنم باطايبك=كلٍ فعوله بالنهايه تنوبه
أنت ابلجٍ بالخير تمطر سحايبك=صيتك بروق العز تضوي نصوبه
شاعر وعز للابتك ولقرايبك=يوم الردي بالعيب مالي جيوبه
اسلم ودم بالطيب تذري هبايبك=واللاش بالشينات تذري هبوبه

دم بعز وتقبل إجلالي





مجاراة تشرفت بها من القدير أحمد الهريش





بسم الله الرحمن الرحيم
السلام عليكم ورحمة الله وبركاته

أرحب بكم جميعا وأهديكم هذه القصيد ياجايب اهل الريب
والتي هي عبارة عن محاكاة لقصيد ياعايب اهل الطيب

للشاعر القدير : فرج الدهمشي ..

* بداية أستأذنه في أن أرتقي لمحاكاة قصيدته ..
* ثم أني لست بشاعر ..
إنما أنتقي من الحروف ومن القوافي ما أعبر به عن بعض ما يجول في خلدي : )



( يا جايب اهل الريب )
أبو ريناد


ياجايب اهل الريب هذي دوايبك=تجيبهم من دون أيّت صعوبه
تعصف ولا ترحم أحد من زلايبك=صرصر على منهو تجلّى عيوبه
وجّه سهام الويل ورّي عجايبك=سهمٍ عرف مسلك طريقه وصوبه
وسلّ سيفٍ صانعه من لهايبك=سيفٍ تسلط فوق نفسٍ لعوبه
أعلنت انا الإعجاب كله سبايبك=يادهمشي ياراعيَ اصل العروبه
شِعرك حكى أصلك ومعدن ترايبك=تزرع حروفك في أراضي الخصوبه
إن غبت يبقى بيننا الحرف نايبك=الشاهد اللي في المعارك خطوبه
والسِلم فيه الشعر ينثر أطايبك=أنشودةٍ تعزف لحونٍ طروبه
غيثِ علينا هاطلٍ من سحايبك=شلال مايٍ ينهمل في عذوبه
تنشر نسيم الحب فينا هبايبك=نسيم ترجم للمعاني هبوبه

[فرج البلاز]

http://www.weelan.org/getimg.php?image=2406





هناك من يتمنى لك الاخفاق .. !!لكنك ستبلغ الهدف حتماً إذا أكملت المسير ..!!

[فرج البلاز]

العيـد مـن دونـك معـانـاه وسـهـاد=حسبي عليهـم كـان عنـك حدونـي

[فرج البلاز]

الشاعر فايز العبدلي

المهره



http://www.youtube.com/watch?v=XLexfWonk0w

[فرج البلاز]

الشاعر فايز العبدلي

المهره



http://www.youtube.com/watch?v=xlexfwonk0w








المقطع لا يعمل

حكمه لهذا الموقف

قد يدرك المتأني بعض حاجته ..‏ وقد يكون مع المستعجل الزلل‏

[فرج البلاز]

http://dc11.arabsh.com/i/03335/57d2to4tcnm4.png





هلت تباشير الفرح ليلة العيد = وسقت التهاني بالبيوت الجزيله
اسمى التهاني سقتها لباشة الغيد = اصدق مشاعر من خليل لخليله
للّي غلاها داخل القلب تحديد = سبة عناي وعلتي كل ليله
ياما انتظرته بين حسره وتنهيد=عيني اسليها ونفسي عليله
الغاده اللّي وصفها غير يازيد = ام العيون الناعسات الضليله
اللّي غيابه يشعل النار ويزيد = وسط الحنايا مثل جمر المليله
من لوعة الفرقا وكثر التناهيد = هز الكيان وخافقي عزتي له
ليا اقبلت مثل المزون المراجيد = تسقى خفوقي والضلوع النحيله
لعيونها نبض القصايد اناشيد = تروي حكايات الليال الجميله
اكتب لها شوقي وصدقي بتأكيد = بالغايه اللّي كل بارق تخيله
للشامخه بنت الرجال الصناديد = اللّي غلاها ما ادور بديله
واجمل هديه تحتوي فرحة العيد = فيها التهاني والمعاني النبيله


http://dc11.arabsh.com/i/03335/57d2to4tcnm4.png




http://dc11.arabsh.com/i/03335/ogytnyvaxt16.gif