[ أكتبـ/هم ! ]

[فيصل الحلبوص]

[ الهلا : هيل ! ]


الليل وأصوات الغنا والمواويل
.................خلوة شعور مبللة بالاماني
ما كان هذا احساس من نزوة الليل
................كانت عروق الويل تنفض كياني
تعليلتك قهوة سمر والهلا: هيل !
...............همسك حلا والحيل حلة أواني
الصمت يتبدد بصوت الهلاهيل
..............والشمع يتمدد يذوب بلساني
أقطفني وأغرس شعوري بمعاميل
.............وأهديك نكهة تنبعث من حناني
تدري حلاة الحب (ندرة تفاصيل!)
.............يتكون بشوق وجنون وتفاني
نلغي ظلام غياب نشعل قناديل
............نسكب عطور بقرشة احساس ثاني
بحر الحنين بداخلي موجه يشيل
............مركب ! ومجداف الحنين لمواني
جلسة مع اللي نحب وأحلى التعاليل
.............تعادل العمر الطويل بثواني







جريدة الرأي العام

http://www.alraimedia.com/Alrai/Article.aspx?id=277815&date=11032011

[فيصل الحلبوص]

أتمضمض بـ صمتي بـ فم الحكايات
....................وآفضفض لـ ليلً سكوته كساني
كن الحزن خمرة أسى بـ كوب حانات
.................... أثمل سهر وأتحول أنسان ثاني
طشيت في وجه المساءات أبيات
..................... يمكن تغير من ملامح مكاني
دام المسا وجهه تجاعيد / أموات !
..................... أكيد من موته تموت المواني
لملمتني من فقد في ليلة شتات
........................ غرستني بذرة أمل بالمحاني
يمكن يمر الصبح ينسج لقاءات
......................... من عقب عتمة خاطري لو ( ثواني ! )

[فيصل الحلبوص]

سكيك الفقد والشارع سكونه
................. سبب تنهيد من أهل المدينه
ماهو ذنبي رواية بؤس كنا
................ بدايتها ونهايتها / حزينه !






هِبهْ :

قلبي خذه ما دام ينبض عشانك
................... خذ العيون وما تبي غيرك تشوف
هز العذوق الناضجه من حنانك
.................... شفني وأنا أتساقط تمر / نخلة الجوف !

[فيصل الحلبوص]

أخر نص كتبته أتمنى أن يعجبكم
في جيب كل من يمر هُنا أضعها (f)




من كثر ما تسمع بـ غدر الرجاجيل
.................... قالت أخاف وداخلي الخوف لا زال
ماني بـ ذيبً يحتري صيدة الليل
......... ...........عنده ترى نهش البشر مثل فنجال
البعض ظن المرجله بالتعاليل
........ ...........جلسه سمر وعلوم وشماغ وعقال
ما أكذب اللي قال أنا أعسف الخيل
....................مافيهم اللي لا أعتلى الخيل خيال
أبختصر يا بنت كل التفاصيل
........ ...........أنسان أنا من قبل لا أكون رجال
يبقى الوفا بيني وبينه مواصيل
....................والصدق نخلً جاله الريح ما مال
خلي الوصل ما بيننا بالمراسيل
........ ............مو شرط حنا نبتدي بـ وصل جوال
بيني وبينك عهد مافيه تبديل
......... ...........أن ما عطيتك حب أعطي لك آمال !


http://www.anhaar.com/arabic/index.php/permalink/11320.html

[فيصل الحلبوص]

أشعل سراجك أغمر الليل بـ النور
.................... ودي أشوفك واضحً بـ التفاصيل
الريح خلّها تحمل أنفاسك عطور
................... خل العطر بيني وبينك مواصيل
خذني بيدينك غصن وأعتقني / طيور !
....................... وأبعثني صبحً من بعد عتمة الـ ليل !

[فيصل الحلبوص]

أتشرف بمتابعتكم لـ لقاءي
في منتديات مجلة فجر الأحساس
وطرح أسئلتكم من خلال بريد المجلة


على هذا الرابط لـ المتابعة
رابط اللقاء

http://www.2aaa2.com/vb/showthread.php?t=5888

[فيصل الحلبوص]

أشعل سراجك أغمر الليل بـ النور
.................... ودي أشوفك واضحً بـ التفاصيل
الريح خلّها تحمل أنفاسك عطور
................... خل العطر بيني وبينك مواصيل
خذني بيدينك غصن وأعتقني / طيور !
....................... وأبعثني صبحً من بعد عتمة الـ ليل !

[فيصل الحلبوص]

أتقول خذني لك وأنا أقول حياك
....................... قلبي وطن وضلوع صدري / معابر !
أنتي تعالي وأعتقي الشوق بـ خطاك
...................... كلي دفى وأحساس وأحلى مشاعر



http://www.youtube.com/watch?v=ISqMHHIzRzA

[فيصل الحلبوص]

أبي رئه ثالثه تستوعب شعوري
................ عشان لا أختنق صدري تساعدني
أن جيت كلي حنين بـ لحظة عبوري
.............. أما أنا أحضنك أو أنت تحضني ؟

[فيصل الحلبوص]

طوحت صوتي في ممرات : ليله !
........................ يمكن يمر ؟ ويسمع الصوت : يشتاق !
هو غير شوق بـ داخلي جابني له ؟
....................... خلاني أسفك محبرة بوح بـ أوراق

[فيصل الحلبوص]

العيب مو عيبي ولا الذنب فيني
................... العيب مو عيبك ولا الذنب ذنبك !
العيب حظي والذنوب بـ سنيني
.................. العيب ظرفك والحزن ذنب قلبك !

[فيصل الحلبوص]

نصيحة شتويه لـ الكل : )

لو لقيت اللي تحبه تاركك
..............لا أتعلق فيه .. خله وأتركه
إن لقيت أنسان جاك وشاركك
..............بـ الدفا والحب روح وشاركه

[فيصل الحلبوص]

-


العقل أحيان يكمن بـ الجنون
.......من يشوفك كيف يهدى ويْعَقلْ
أيه مجنونك وتأسرني العيون
.......في عيونك أنت : أحلى معتقل !


-

[فيصل الحلبوص]

-

بين ( أحيا بك ) و ( أموت بك )
إختلاف جذري في الشعور
فـ الأولى : ميلاد
والثانيه : مأتم !


-