صَوْتُ الصُّعْلُوك

[مرضي البلوي]

الصعلوك يعنى الفقير الذى لا يملك المال الذى يساعده على العيش و تحمل أعباء الحياة
و الصعاليك فى الماضى ثلاث فئات

الأولى فئة الخلعاء الذين خلعتهم قبيلتهم بسبب أعمالهم التى لا تتوافق مع أعراف القبائل التى ينتمو إليها

الفئة الثانية هم أبناء الحبشيات السود ممن نبذهم آباءهم

الفئة الثالثة فئة إحترفت الصعلكة إحترافا و حولتها إلى ما يفوق الفروسية من خلال الأعمال الإيجابية مثل عروة بن الورد سيد الصعاليك

[مرضي البلوي]

.


.
.
الشغل ماهو عيب بس أننا عيب
نكل ونرجع ثاني اندور ( أفراش )

للحين طالب بس مدري عن الغيب
يمكن سوات أبويه اصير ( فراش )

والله لو يطلع على راسي الشيب
وموت ما مديت يدي ( للأوباش )

[مرضي البلوي]

،،

ياليتني مسمع وياليت ماشوف
وياليت عمري ماتبين ضياعه

وش أستفيد اليوم لاصرت معروف
والبيت لافتحت عيني مجاعه

وش أستفيد احزان واعيش مكسوف
بين الوجيه الطيبه والجماعه

لاتسألوني ليه والحال مكشوف
فقير ماحبيت يوم القناعه

يكفي تمر البيت جيران وضيوف
والله متاخذ علي الباب ساعه

[ قشرا حياتي ] كلها جملة ظروف
حتى مع الأقراب صارت قطاعه

خلاص أنا مليت مليت ياخوف
بكره تموت امي و أنا بالوضاعه

يمه تعالي وتركي شغلت الصوف
ليت الفقر رجال وغسل شراعه

[مرضي البلوي]

أخذت لي في هزمان ادروس
وأخذت لي منها كذا ( عبره )
:
لازم تعيش وفي معاك فلوس
ولازم تموت وما معك ( كبره )

[مرضي البلوي]

لو صحيح إن الفقر ذيب الرجال
( مالقيت أبوي تشهد له يديه )
:
يكرم الضيفان لو باقي ريال
كلنا فـ البيت نتهاوش عليه : )

[مرضي البلوي]

بعد الصلاة اليوم حسيت بحساس
إني سعيد اليوم و ( أمي ) سعيده
..
صحيح مانفرح مثل باقي الناس
ولا عندنا حتى ملابس جديده
..
لكن على عز وعلى طيبه وساس
عشنا رغم أنف الحيات العنيده
..
الله يعز الساس ويعلي الراس
والله يقرب كل حاجه بعيده ..!

[مرضي البلوي]

♥
♥

فديتك "
ياعسى مبكيك

فديتك "
يا أعز الناس

فديتك "
والعُمر فاني
،
فديت بدنيتي (أمي)
،


( شالفايده مني إذا ما اهنيك )
( في دنيتك وساعدك في حياتك )
:
أبجتهد وابني لك بيوت " زي ذيك "
أوعدك احقق لك جمييع أُمنياتك

[مرضي البلوي]

http://im11.gulfup.com/2011-12-02/1322863693691.jpg

فستانها تشتريه أبـ مبلغ فلاني
وتقول هذا قليل المبلغ شويـه
..
الله يخلف علينا والعمر فاني
ماجربت تشتري فستان جمعيـه
..
أنا وابويه وكل البيت وخواني
مانقدر أنجيب لأختي بس أبو ميـه

[مرضي البلوي]

:icon20:

هذا نصيبي راضي وماتـكلمت
مافيـه داعي دام هذا نصيبي
:
بعيش أنا في صمت واموت في صمت
أنا ما احب الناس تسمع نحيبي
:
طبعي كذا ومن الليالي تعلمت
تحرقني الأيام ويزيد طـيبي
:
ياما وياما ياحبيبي تألمت
من قال بس اليوم ذا ياحبيبي

[مرضي البلوي]

تــحــبــنـــي مـــــــــن جـــــــــد و لانــــكـــــاده
يـا ذا [الفـقـر] مــن طــاري الـحـب مـلـيــت



خـــذيـــت مـــنــــي فــرحــتـــي بـالــشــهــاده
وتــقــول يــــا كــــذّاب مــــن جــــد حـبـيــت



الـــكـــذب خــيــبــه و [الـمـحــبــه] قــــــراده
الله [يـخـرّب] بيـتـك ان كـــان لـــك بـيــت



خـلـيـتــنــي مــــــــن دون عــــــــزم و إراده
هـذا و أنا صـاحـبك شـف كيـف ســويــت ؟؟



يـــــا لـيـتــنــي مــاجــيــت يــــــوم الــــــولاده
ولا بــعـــد مـاجــيــت [يـالــيــت] مــاجــيــت



فـرقــاك عــنــدي عــيــد [ســكــر زيــــاده]
لاهـنـت فارقـنـي مــن الـحـب عـانـيـت !!



تـحـبـنــي و [الـشـيـطـنـه] فــيـــك عــــــاده
لكـــن عــلــي فــكــره إذا انــــي تـعـزويــت



بـعـلـم [أبــــن غـنـيــم] و [أبــــنّ رفــــاده]
ربـعــي لـهــم فـــي قـمّــة الـمـجــد تـثـبـيـت



أنـــت [الـفـقــر] يـعـنــي عــــدو الـسـعــاده
[طــوّلــت بــالــي] لكــــن الــيــوم شـبّـيــت



ابــغــى أكــــون [إنــســان] أكــثــر إفـــــاده
إلـــــى مـــتـــى أحـــتـــج واقــــــول يــالــيــت

[مرضي البلوي]

يقول من جرب مشاوير الأقدام
لو لا الشعر مافيه باليد حيله

مليت من جور الليالي والأيام
يكفي تحملت السنين الطويله

أمشي واقول إن الفرج فيه قدام
واليوم حسيت القهر والفشيله

تعبت نفسي بتمني والأحلام
لاكن .. فرجها عند شيخ ( القبيله )

( إبن رفاده ) لو نصيته من العام
بيجيب لي فكسار في ظرف ليله

الشيخ متعود على طيب الأكرام
( إبن رفاده ) مايمد الهزيله . ...!

أصلاً ( بلي ) حكام وعيال حكام
عند الطلب وتحقق المستحيله

لو مانصيت ( الشيخ ) كل بلوي قام
يقول .. . من عندي تجيك الجزيله

ويقول .. . من جرب مشاوير الأقدام
ضاقت وأنا في وجه (( شيخ القبيله ))

[مرضي البلوي]

ليت الفقر لاعيبوني فيه من ضمن العيوب
( عشان لا قالو فقير ؟ أقول لا والله غني ) !!

الفقر ماهو مال لادخلت يدك .. ( فالجيوب ) !
الفقر إذا ما انت بلوي ولا إذا ما انت جهني

[مرضي البلوي]

تخيلو .. مرضي يصير بخير
ويصير مايحزن ، ولا حاجه !

أنا : حقيقه ما أصدق مير !
( ربي تزين الحاَل بفراجه )

[مرضي البلوي]

هذي مراحل حياتي في بدايتها
ومن البدايه تـصير أشياء مقواها !

والله مدري حـياتي وش نهايتها !!
لكن ، عسى خاتمتها زي مابغاها

[مرضي البلوي]

الثقه بـ الله حل من الحلول
والتفاؤل حل يـ حتاج الثقه !

دايم المؤمن ليا ضاقت يقول
باَكر ، الأغصان تصبح مورقه !

[مرضي البلوي]

الخطا مو عيب واخطائي كثيره
أعترف لو جاتني منكم شماته !

أصلاً الإنسان لو يعرف مصيره !؟
( كان مايندم نهائي في حياته )

[مرضي البلوي]

ماعلى الدنيا ضمير يعيش راحه ..
إلا ، انا وحدي ضميري مستريح

عايش او مرتاح لكن .. الصراحه !
( من سوات ابوي واخواني جريح )

[مرضي البلوي]

شاعر او ماصرت شاعر من فراغ
الحزن ، خلاني أكتب ما أحسه

الحزن في داخلي ما يستساغ !!
( ما قدرت أتحمله .. ولا أدسه )

[مرضي البلوي]

( طبايع الناس .. ماهي كلها واحد )
لاخاب في شخص ضنك عاود الكره !

هذاك وافي معاك او ذاك لك جاحد
( وهذا يحبك ) ( وهذا يكرهك مره ) !

[مرضي البلوي]

التجارب فـ الحياة أكبر شهاده
وخرو عني شهادات المدارس

خالي جمعه يعطي الدنيا إفاده
والمصيبه أمي او شغال حارس

[مرضي البلوي]

أنجرح وموت عادي
لو يكون إبلا سبب

قالها قبلي عبادي
ماعلى الدنيا عتب
...
http://www.youtube.com/watch?v=MOWdOvDmn50 (http://www.facebook.com/l.php?u=http%3A%2F%2Fwww.youtube.com%2Fwatch%3Fv%3 DMOWdOvDmn50&h=1AQE-MzxWAQEuDdXiA05mxVUUh7pBAGdB9XEDgVp6CWPafw)

[مرضي البلوي]

إنتقم لي من زماني ، يازماني
( جـاتني فرصه وضيعها عليه )

اكتب الأبيات وابصمتي أعاني
يازماني مين يـ أخذ في يديه ♥

[مرضي البلوي]

لذكريات القديمه في خفوق السنين
مكانت المُحترم / والصاحب الغالي !

رغم المأسي ورغم إني فقير او حزين
أضحك ، ليا مرت الذكرى على بالي !

[مرضي البلوي]

طفولتي قاسيه كانت على الحرام
بـ عيش طول الليالي ماتناسيتها !

وإذا بغيت الكلام اللي عليه الكلام
رغم إنها قاسيه ( بالحيل حبيتها )

[مرضي البلوي]

عانيت من قال : ماعنيت !
عانيت في دنيتي من جد

كنت أطلع أحياناً من البيت
( واروح أنام في المسجد )

[مرضي البلوي]

أنا التجارب علمتني سواتك !
صرت اعرف اعدائي واعرف الحبايب

( إذا تـبي ماتنجرح في حياتك )
اغسل يدينك من جميع القرايب

[مرضي البلوي]

هذا المسا .. باين عليه اليوم
جايب معاه اشيا من الماضي

هادي وشايف في سماه غيوم
ماضنتي هذا المسا .. فاضي !

[مرضي البلوي]

طول عمري مانسيتك لو نسيتيني معاهم
أن ذكرتيني حبايب وأن نسيتيني حبايب !
:
ليه أناديهم بعد ماقفو و ليه امشي وراهم !
أكثر الطعنات في صدري من يدين القرايب

[مرضي البلوي]

العز .. بخشوم البنادق يقولون !
ماهو بخشمك ياريال السعودي
:
فقير اعيش العمر كله ومديون
ولا اعيش بدون طاري جدودي

[مرضي البلوي]

يصيب الرجال أحياناً الخوف ويذلون !
من الموت كن العمر باقي لهم دايم
/
ترا الموت .. ماعنه إذا كان مايدرون !
( مصير الرجل بيموت حتى ولو نايم )

[مرضي البلوي]

عداكم العـيب والله زين سويتو !
أنا .. تألمت من خذلانكم كافـي

ياللي تحبون / زي حبي ماحبيتو
رغم الألم بـ المحبه صادق او وافي

[مرضي البلوي]

هي المُعاناة بس اللي / تخليني !
بحساسي أكتب شعر لناس وغني
:
كل شي مُألم بهدنيا حصل فيني
ومع كل هذا ولا واحد درى عني !
:
أحاول انسى ولاكن وش ينسيني ؟
ماضني انسى ولو بالحلم ماضني

[مرضي البلوي]

المأسي .. فوق تصوير الجميع
أخـتنق في عبرتي عند الكلام
:
ودي .. اتكلم ولاكن مستطيع
أكتـفي بالصمت يمه والسلام
:
عند .. ربي كل حاجه ماتضيع
لا حلال يـ ضيع لي ولا حرام !

[مرضي البلوي]

تعبت الحق مشاويري وأنا امشى على رجلي
تعبت اكذب على نفسي سنين طوال أمنيها !
:
تعبت امشي ووقف بعد مامشي بطريق شوي !
( واشوف الناس تتعدى واحاول ما التفت فيها )

[مرضي البلوي]

شحت يدينك بالعطا والجود
يعني غريبه شحت إيدينك !
:
أعطيتك من اول بدون حدود
متى يبان الطيب في عينك ؟
:
هالحين يعني باليال السود
أدورك .. ماحصلك .. وينك !؟
:
جزاي انا ماهو جفاا وصدود
لو شلتني ماوفيت لي دينك
لو شلتني ماوفيت لي دينك

لو شلتني ماوفيت لي دينك

[مرضي البلوي]

صايره مـاتستحي دمعة عيوني
( أستحي منها واعني مادرت ) !
:
مابي أحرجكم ولاابي تحرجوني
كل مـاغمـضت من عيني جرت !

[مرضي البلوي]

للحزن في صدري مكانه رفيعه
( أنا احب الحزن واحب طاريه )
:
الحزن صاير في حياتي طبيعه
هو مـايخليني .. وأنا ما اخليه !

[مرضي البلوي]

محتاج لك ضمني يابوي !
اتعب .. أنا وانـت ماتدري
//
بيني مشاكل وبين اخوي
محتاج صدرك على صدري

[مرضي البلوي]

يمكن لو تضمني وابكي بصدرك واصيح
جميع ماحس فيه من التعب .. يـنجلي
//
اللي مخليني أصبر بالحياه .. الصحيح
( شيمتك يابوي ثـم شيمة قبيلة بلي )

[مرضي البلوي]

غريب ! مالك يالغريب
( إلا تموت من القهر )

مالك بهالدنيا حبيب
ولا بهالدنيا .. ظهر !

[مرضي البلوي]

الشمس تشرق في بلادي ثم تغيب
لا مال عندي / لا وظيفه لا سكن /

أنا .. الغريب أنا الغريب .. أنا الغريب
( اللي يدور في بلاده عن وطن ) !!

[مرضي البلوي]

يا صاحبي خذني معك للإمارات
مليت ادور في بلآدي ، وظيفه !

خذني وخذ معك الورق والشهادات
( محد ترى يوظفني إلا خليفه )

[مرضي البلوي]

واضح علي التعب والضيق بالسلوبي
مافيني أضحك ولا فيني اسولف بعد

يارب ترحمني .. او تغفر لي ذنوبي !
( مليت ادور وظايف شاغره فالبلد )

[مرضي البلوي]

منك .. تعلمت الكثير
يكفي تعلمت الأدب

عادي إذا قاالو : فقير
يكفيك يابوي النسب

[مرضي البلوي]

يموت حلم او ينولد دآخلي حلم !
خلوني أحلم .. دام الاحلام مجان

وش استفدنا كُل ابونا من العلم
اللي ماهو عاطل موظف بدكان !

[مرضي البلوي]

من يقول ان أكثر الآيام راحه ؟ !
هذا أنا .. ماشفت راحه بالحياه

يزعلون الناس من قول الصراحه
[ والصراحه .. مالنا عنها غناه ]

[مرضي البلوي]

يا فقير الحظ . . لو زاد الفقر ،
أنت نشمي لاتتعبك الهموم

الصقر يبقى مثل ماهو صقر
والرخوم بهالزمن تبقى رخوم

[مرضي البلوي]

مرضي مايحلف وهو كذاب
مرضي قبل يحلف مصدق

ماصرت شاعر وتوي شاب !
[ إلا من اهلي وكثر الدق ]

[مرضي البلوي]

شاعر .. ولاني بسيط شعور ،
[ فيني شعر ماهو بصاحي ]

ماكتب شعر قاصد الجمهور !
أكتب شعر قاصد ( إجراحي )

[مرضي البلوي]

تتعدد أسماي الشهيرة .. والألقاب
احتار ارضي الناس ولا ما أرضي

يامُجتمع جداً منافق .. وكذاب !!
أنا فقط من دون تلميع مُرضي

[مرضي البلوي]

شخصيتي .. نادره بالمجتمع قلهم
ليغرك أسود ولا يغرك حزين وفقير

( اللي مثل مرضي الإنسان ياقلهم )
واللي مثل حضرتك في مُجتمعنا كثير

[مرضي البلوي]

للعيد فرحه .. ولكن فرحته عابره
تمر من دون لانشعر مرور الكرآم

العيد ماهو مثل ماكنت أنا خابره !
إلا انه العيد ياتي بعد شهر الصيام

[مرضي البلوي]

العُمر لايضيع با الذات
خليك من هذي وذيه
:
يسحق جمال السعوديات
جمال وحدة ( كويتيه )

[مرضي البلوي]

^^

تبي العذوبه والجمال الحقيقي
وكل السعوديه .. جمال وعذوبه

اسمع كلامي وافهمه ياصديقي
مالك سوى بنت الوطن والعروبه

[مرضي البلوي]

كل عآم وجروحي على خبرك آول
والمشكلة كل عآم وجروحي تزيد

ياليت شهر الصوم ، يابنت طول !
ماني بمستعجل على جيت العيد

[مرضي البلوي]

مهما أوصف لك جروحي والآحزان
يخونني التعبير .. ويخون وصفي !

أنا الحزن لكن على هيئة ( إنسان )
( يطيح جفن الليل واهز كتفي ) !!

[مرضي البلوي]

مقرود بالدنيآ .. ولاني بمقرود !
آهم حاجه ( ما اخلي صلاتي )

واللي مضايقني على ضيقتي زود
اخاف احد بكره يزعل خواتي

أحبهم اكثر من محبة العود
عشانهم يارب طول حياتي

[مرضي البلوي]

تزين بإذن الله لو كان ضاقت
بعد العسر دايم يسر ياحياتي

إذنها الفرحه بوجهي مالاقت
تليق والله في محيى خواتي

[مرضي البلوي]

آبذل المجهود لكن مو عشاني
آبذل المجهود لخواتي عشان

ما ابي منهم ولا وحدة تعاني
مثل ماعانى اخوهم من زمان

[مرضي البلوي]

تشوفني ساكت وماسولف كثير
وتقول هذا طول عمره منطوي

والله ماتدري بحاسيس الفقير
لحتاج لي مساعدة وهو بلوي !

[مرضي البلوي]

مايغبنك ويحط في صدرك الهم
إلا إذا شفت القريب .. يسيبك

الخال ماينفع ولا ينفع ( العم )
ماينفعك في هالزمن غير جيبك

لتقول حنا من لحم واحد ودم
اول من يخليك وحدك قريبك

[مرضي البلوي]

أستفدت ، من التجارب بالحياه !
صرت اعرف اشياء ماكنت اعرفها

لآيغرك طيب شخص ، ولا رداه
جرب انت الناس حتى تكتشفها