أحــــاسيس

[رنين الذهب]

جيتك واناحلمي بيمناي غافي
يصحى على صوتك وبفراقك يغيب
غريب ضاقت به جميع المنافي
وحيد ماحوله ضيوف ومعازيب

[رنين الذهب]

اللي صحى من لذيذ النوم وشهو له
احسن له ينام ويصبح على الغالي
يمكن نسيم الصباح يجيب مفعوله
ويمر عيني كثر مامر في بالي

[رنين الذهب]

العتب عصفور فوق الغصن صاحي
ينتظر صبح الدفا ويروح همه
محتويه البرد من كل النواحي
فاقدن عشه عقب ماراحت امه

[رنين الذهب]

هذا المسا ملهم والاحلام عشاق
ومرايتي خجلى والاقدار صلفه
ابوح شعر وياكثر بوح الاوراق
يطوي الحزن ويسكر الباب خلفه http://t.co/wNjITMuCn2

[رنين الذهب]

اللي يصب الغلا في راحة يديني
فنجال كيف الغزل يضوي على فاله

[رنين الذهب]

من ذاكرة الشتاء


@23Rnoon: طل الشتاوالحنايا ورد
والليله عيوني المنفى
خل المواعيد تضوي سرد
الا مواعيدنا تكفى
علمني احتاج اعيشك برد
واعلمك كيف لوندفى

[رنين الذهب]

الارض يغرقها المطر
والصدر غارق بالجفاف
لومرته نفحة عطر
يتذكر السبت ويخاف
واللي على بالي خطر
اهدى وجودي للخلاف

[رنين الذهب]

#يا_ناشدن_عني_تراني ليا ضقت
اسدل بوجه الوقت عتمة مزاجي
لين الشتا يورق على دوحة الوقت
والقى الدفا يرخي غصون احتياجي