عبدالعزيز الرميحي
12-09-2006, 08:49 PM
لو ينهدم سفح الهرم من ملمس كفوف النمل= ويصير ما فوق الثرى كله مجرد ذكريات
او يقترب نو الوسم ويكون في برج الحمل = او يلتقي عظم وزهر في ناظر الشايف نبات
ما اعجب / واقول اللي حصل امرٍ بسيط ومحتمل= اشلون والعيشه معك شبهتها بالمعجزات!؟
لجل اتقي لفح العطش اركض واجي ( حفنة ) رمل = شفتك سراب من الوله بعيون تطلبك الثبات
رغم اندفاعي بالوفاء طاح الوفاء طيحة جمل = تنزل على صدر الوفاء طعنات من كل الجهات!
ابغى اقترب من واقعك / ايش السوايا والعمل = تلعب باحاسيسي مثل لعبك بشالك والعباة
فيك النواظر تشتعل تصرخ تجددبي امل = تسرق من عيون الزمن عطف القلوب الحانيات
جرح الهوى جرح الوفاء يمكن يموت ويندمل = لكن ترى جرح العمر يبقى معي حتى الممات
او يقترب نو الوسم ويكون في برج الحمل = او يلتقي عظم وزهر في ناظر الشايف نبات
ما اعجب / واقول اللي حصل امرٍ بسيط ومحتمل= اشلون والعيشه معك شبهتها بالمعجزات!؟
لجل اتقي لفح العطش اركض واجي ( حفنة ) رمل = شفتك سراب من الوله بعيون تطلبك الثبات
رغم اندفاعي بالوفاء طاح الوفاء طيحة جمل = تنزل على صدر الوفاء طعنات من كل الجهات!
ابغى اقترب من واقعك / ايش السوايا والعمل = تلعب باحاسيسي مثل لعبك بشالك والعباة
فيك النواظر تشتعل تصرخ تجددبي امل = تسرق من عيون الزمن عطف القلوب الحانيات
جرح الهوى جرح الوفاء يمكن يموت ويندمل = لكن ترى جرح العمر يبقى معي حتى الممات