[إرتِواء] . . !

[عيسى خلف العنزي]

مو ضروري اشعر بقلبك معاي . .
الضروري اشعر بقلبي معاك . . !!

ومو مهم تصير وياي بـ / عناي . .
المهم اصير وياك بعناك . . !!

كم عطيتك حب مغمور بدفاي . .
وما شعرت بقسوة البرد بدفاك . . !!

وكم رسمتك نجمةٍ تضوي سماي . .
وانت ماخليت . . تحضني سماك . . !!

يا حبيبي والوفا هذا وفاي . .
ما يُقارن لو لحظه في وفاك . . !!

ببتعد عنك وبمشي في هواي . .
وانت خلك يا حبيبي في هوااااك . . !!!



,

[عيسى خلف العنزي]

هذا المسا شكل المسا ماهو بخير . .
شعور احسه مرتمي في خفوقي . . !!

يا صاحبي والقلب ما يسكنه غير :
انسان ضيّعني وضيّع حقوقي . . !!

انسان أحسه فاق كل التصاوير . .
والمشكله ما قدّر إحساس شووقي . . !!

شيصير يعني لو هو يغيب شيصير ؟؟
دامه يغيب اليا شعر في شرووووقي . . !!!!


,

[عيسى خلف العنزي]

من أعماقي . .
سؤال ٍ دايم فـ / بالي . . طلبتك قوول وش باقي ؟؟؟

الم . . !!
والا
سهر. . !!
والا
تعب . . بس قوول وش باقي ؟؟

مع احلامي . .
لمحتك في مدى عمري . . بتاخذ اخر أيامي . . !!

ويا اوراقي . .
خريفك مالقى غصن ٍ يحبه . . غير اعماقي . . !!



فمان الله يا أوراقي . . !!
فمان الله يا أوراقي . . !!

[عيسى خلف العنزي]

الغياب . .
أمتلى داخل عيوني . . وأنتهك جفني وذاب . . !!

[عيسى خلف العنزي]

يتنفس الصبح اجمل [ طلةٍ ] .. كانت
ترسم [ ملامح غيابي ] .. في دفاترها

يقعد [ يغني ] .. واذا جا وقتها وحانت :
[ تحيي ] .. مشاعر توفت في مقابرهاا

يا [ ليلة الحلم ] ... لاهنتي ولا هانت
[ احلامك ] .. الي تراود نفس شاعرها

بعض [ المشاعر ] .. تجيب الموت لا بانت
وبعض [ المشاعر ] .. حرام انّا نكدرّهااااااااا



:34:

[عيسى خلف العنزي]

اعشقيني . .
وأنثري أنفاسك بصدري . . وأحضنيني . . !!

وسولفي لي ثم قولي . .
ودي ادفا . . !!




هات صدرك . .
ضمني له . . لين اغفى . . !!!

[عيسى خلف العنزي]

يا أنفاسي . .
تعالي وألمحي ناسي . .
تعالي شوفي اقربهم

م قدّر لوعة إحساسي . . !!


تعالي نطوي انفاس الزمان ودمعة الذكرى
................. تعالي نرسم الوان الحنين . . وعالم ٍ حالم

تعالي نوقف انهار الحزن ونغير المجرى
................. وأعيش العالم الواحد بـ واحد يسوى هـ العالم



ويا أنفاسي . .
على هووونك . .
تعالي وأتركي ناااااااااسي . . !!



:34:

[عيسى خلف العنزي]

http://a5.sphotos.ak.fbcdn.net/hphotos-ak-snc6/271170_174081065990018_100001643762843_515824_5237 04_n.jpg


.
.

يالله نعيش بصمت ونموت في صمت
افضــل مدام [ دروبنا ] . . ماتخاوت

يكفي احــس انك [ معي ] .. لاتألمت
ويكفي اشوف انفاس [ صدري ] تفاوت

لاتعتقد كلي [ فـرح ] . . لاتبسمت
ماشــفت كيف افراح عمري تهاوت

ابسـألك بالله لامــن [ تحلمـت ] . .
ماشفت كيف [ ذياب ] حزني تعاوت

ابشـرك اني معــك ماتندمت
وبقول لك صفحات [عمري ] .. تطاوت

احيان اقـول [ بطيبتي ] ماتعلمت
واحيان اقول [ جراح ] قلبي تداوت

اقسم [ قسم ] من كثر ماني تحطمت
ان دنيـــتي في وسط عيني [ تساوت ] . .



:34: