تسجيل الدخول

مشاهدة النسخة كاملة : الخطوط الساخنه ..!!!


عبدالرحمن المالكي
02-11-2012, 12:05 PM
من منطلق تعريفنا الحريه=ولمس الخطوط الساخنه المنهيه
بكتب قصيدة من بنات افكاري=توصل بسرعه للقلوب الحيه
ماهي قصيدة من يدوّر شرهه=أو شاعر(ن) مغرم بحب بنيه
قصايدي لو ما تلامس واقع=وش فايدة شعري وطيب النيه
أول كلامي للمقام السامي=بكسر حواجز بيننا مبنيه
جيتك وانا طمعان يابو متعب=مثلك بنطمع في كرمه وشيّه
صوت المواطن خانقته العبره=مسكين سائت حالته النفسيه
المجتمع أصبح يمثل غابه=وخير البلد محجوز في محميّه
إللي يدوّر قوت يوم عياله=غيره ينقّـط فالمساء روسيّه
وإللي قضى عمره وهو مستأجر=غيره سكن بقصور باريسيه
وإللي مريض يموت ما جا الموعد=يقلون صحه ما بها صحيه
وإللي تخرج محتضنه الشارع=نشكي بطاله في بلد نفطيه
ماظن حافز هو علاج العاطل=شفنا شروطه مضحكه مبكيّه
حتى الطرق زادت جروح الامه=في كل يوم معلمه وضحيه
أما الفساد فعندنا مستفحل=يُدرس بخطه غامضه مخفيه
فساد مالي منبعه أخلاقي=وين الرقابه للجهه الرسميه
ويوم إن جده في مطرها غرقت=وين الحدود الصارمه الشرعيه
لجنة تقصي للحقايق صارت=لجنة تستر عالورق وهميه
اما الغلا أقسم بربي فاحش=لا دعم للسلعه والا خصميه
واللجنة إللي تحمي المستهلك=نامت بطيف احلامها الورديه
وأم المصايب يوم صار الجاهل=يفتي لغيره مسأله فقهيه
وآخر كلامي يالملك عبدالله=أنظر وشوف أوضاعنا الحاليه
أضرب بسيفك كل فاسد خاين=لا تاخذك رحمه ولا حنيّه
منّي لمثلك يا جناب القايد=كل الدعاوي الصادقه القلبيه

سعيد الموسى
02-11-2012, 10:28 PM
الجميل : عبدالرحمن المالكي .
النص يحمل الكثير من النبل والوجع , نص يحاكي المجتمع وشريحة كبيرة من الناس
أتمنى أن تصل رسالتك في هذا النص .
أشكرك كثيراً

ماجد عبدربه
02-11-2012, 10:44 PM
:

هذا الوجع /
يوحي بك .. ويشي بما يعتمر في عقولنا ..
يسري بصدورنا .. بأرواحنا .. وبذاكرتنا ..

يمثّلنا .. ونتمثّل به ..

شكرًا لهذا الشعر المحكي عنّا ..

بدرية البدري
02-11-2012, 11:01 PM
عبدالرحمن ..
نعم !
إن لم يحاكي الشعر واقعاً فمن الأفضل له الا يُكتب

رائع

شقران الزيادي
02-12-2012, 03:31 PM
عبدالرحمن المالكي /.. حضورك نور وحديث الارواح الصادقة يصتدم بــ اذان صما
من ينصت لمثل هذا الصدق ؟ لا يسمعون يا سيدي
راقت لي القصيدة والطرح مع تحفظي الشديد على هذا الشطر من ناحية المعنى:
أو شاعر(ن) مغرم بحـب بنيـه

صح قلبك يالمالكي
اعطر التحايا

عبدالإله المالك
02-12-2012, 04:07 PM
عبدالرحمن ..

كل ما في القصيدة جميل من حيث فنيات الشعر وابداعه .. والمحتوى والمضمون وفحوى الرسالة.
دمت بود