لا يضيق صدرك يالشمالي على شيّ

[فرج البلاز]

ابارك واهنّي الشاعر / خلف المشعان بمناسبة زواجه جعل الله زواج خير وبركه ورزقه الذريه الصالحه ...





لا ياخلف من جاء واللي بعد راح = لا يضيق صدرك يالشمالي على شيّ

لجل المحبه والغلا خاطري ساح = ياعزوة اللي فزعته تكفي الحيّ

يالكوكب الدري ياشمس الاصباح = ياسيفي اللي في يميني على ايديّ

كم ليلة ٍوالضيق في صدر الاشباح = ليت القصايد خففت واقعي ليّ

ورق القصيد اللي على دفتري ناح = يتبع ورى برق المشاعر يبي ميّ

يامزبن المضيوم في ليل الاجراح = يانخوة الفدعان يافزعة الخيّ

بعين الفرج شفتك وانا همي انزاح = وشلون اضيع وكوكبك بالسماء ضيّ

نجم الشمال ان بآن جذاب الارواح = لا يضيق صدرك يالشمالي على شيّ

[شقران الزيادي]

يانخوة الفدعـان
نبارك له وعليه نبارك لـ خلف المشعان اكمال نصف دينة
فرج نص باذخ وجدا ويستاهل خلف كل خير
شكرا للنص ومليون شكرا لخبر زفاف خلف
والشكر بعد الله لشخصك الكريم
اعطر تحياتي

[سعيد الموسى]

ألف مبروك لأبو موسى زواجه ...
نص جميل يافرج ويحمل الكثير من الوفاء ..
إحترامي .

[جمال الشقصي]

:
بعين الفرج شفتـك وانـا همـي انـزاح
وشلون اضيع وكوكبك بالسما ضيّ


:

ونبارك له جميعاً، فـ خلف المشعان شاعر له تأثيره الواضح على المرحلة،
وهو الصديق والإنسان الذي قضينا معه أجمل الأوقات.
:
والقصيدة أعلاه.. عالم من نور، وجملة من الشموس التي تضيء عتمة المشاعر.

[عبدالإله المالك]

جميل هذا الشعور وتلكم المشاعر منك يا فرج
وجميل تهنئة الشاعر للشاعر
والنعم بصدر الشمالي

[فرج البلاز]

صحت ابدانكم جميع واشكركم على مروركم ومتابعتكم

ويستاهل خلف كل خير ..