عبدالله العتيبي
03-03-2012, 12:19 AM
الله اكبر على الأيام ياهي نكوف=حسبي الله عليها عقب محنا سوى
فرقتنا ودقّت للفراق الدفوف=وابتدت حفله الآلام حزن ونَوى
بين برد الموادع وارتجاف الكفوف=ذيب الأحزان في تلعة لقانا عوى
مانويت المفارق واختلاف الصفوف=ولا حبيبي على الفرقا بيوم (ن) نِوى
لكن الوقت هذا واحتكام الظروف=وانتحار الأماني فوق سفح الهوى
بعثر اشلاء صبري والميادين خوف=والمواني تلاشت والسفين انزوى
ثم طاح الأمل على ظِلال السيوف=وفي رماد الليال الماضيات انعوى
غرب ميهاف حلمي بان لون الكسوف=واعتمت شمس حب (ن) في حياتي ضوى
وبين عيني وعينه ذكريات وطيوف=أنطوت مثل عمراً بالزمان أنطوى
وأبتدت في خطاها غربتي والحتوف=أحتوت كل شيء عن غلانا حوى
كل حظاً عدا حظي عيون ويشوف=وش عليه الحظيظ اللي بحظه غوى
فرقتنا ودقّت للفراق الدفوف=وابتدت حفله الآلام حزن ونَوى
بين برد الموادع وارتجاف الكفوف=ذيب الأحزان في تلعة لقانا عوى
مانويت المفارق واختلاف الصفوف=ولا حبيبي على الفرقا بيوم (ن) نِوى
لكن الوقت هذا واحتكام الظروف=وانتحار الأماني فوق سفح الهوى
بعثر اشلاء صبري والميادين خوف=والمواني تلاشت والسفين انزوى
ثم طاح الأمل على ظِلال السيوف=وفي رماد الليال الماضيات انعوى
غرب ميهاف حلمي بان لون الكسوف=واعتمت شمس حب (ن) في حياتي ضوى
وبين عيني وعينه ذكريات وطيوف=أنطوت مثل عمراً بالزمان أنطوى
وأبتدت في خطاها غربتي والحتوف=أحتوت كل شيء عن غلانا حوى
كل حظاً عدا حظي عيون ويشوف=وش عليه الحظيظ اللي بحظه غوى