عبدالله فليج
03-10-2012, 09:57 AM
طوّل الليل يروي بي عروق السهر=لين أورق على قاع الخفوق الحنين
المسآ ليه ينفث بالصدور الشعر=كل ما مرت الذكرى على العابرين
بالدموع شهقت عيني وخان الصبر=واتكاثر على نفسي تطيح وتحين
هاجسي لو يمر الجرح لا تنهمر=خلها خلف بيبان الهدب لا تبين
صاحبي والليال المعبسات السمر=قلها لا تفل اللي بصدري دفين
شاعرك لو تظاهر بالفرح من كبر=آه لو تدري بقلبه كسير وحزين
كل ما حام في صدري حنين وقهر=انطوي بس مدري انطوائي لـ وين
وين ابهرب واشوفك في دروب السفر=كل ما نادت العزله على الحاضرين
كيف أبغفى وجرحك كل ما أغفى يمر=وانت طيفك مثل وجه الصباح المبين
أنت ياللي طعونك بالحنايا خضر=يآول العابرين وآخر الراحلين
جيتك أزرع من الفرحه حياة وعمر=ورحت اقطف من الفرقا حصاد السنين
المسآ ليه ينفث بالصدور الشعر=كل ما مرت الذكرى على العابرين
بالدموع شهقت عيني وخان الصبر=واتكاثر على نفسي تطيح وتحين
هاجسي لو يمر الجرح لا تنهمر=خلها خلف بيبان الهدب لا تبين
صاحبي والليال المعبسات السمر=قلها لا تفل اللي بصدري دفين
شاعرك لو تظاهر بالفرح من كبر=آه لو تدري بقلبه كسير وحزين
كل ما حام في صدري حنين وقهر=انطوي بس مدري انطوائي لـ وين
وين ابهرب واشوفك في دروب السفر=كل ما نادت العزله على الحاضرين
كيف أبغفى وجرحك كل ما أغفى يمر=وانت طيفك مثل وجه الصباح المبين
أنت ياللي طعونك بالحنايا خضر=يآول العابرين وآخر الراحلين
جيتك أزرع من الفرحه حياة وعمر=ورحت اقطف من الفرقا حصاد السنين