يد اختياري !

[فهد النويحل]

:


:





إكتبيني في مــدا صفحة نــــهاري

_____________ دامك أيامي وانا فيك إكــتبيني


لي معاك أعــوام هي سن انـتثاري

_____________ من ثمان سنين حبّك مبــتليني

ليـــل : ماجيتك أرد الْ ك إعتباري

____________ ماسَهَرْتك عِشق منشانك تبيني !


جيت أحط الآآه في صدرك قراري

____________ لاتعيد الأمس وهــمومي تجيني


كثر حبّات الرمل وقت إنتـ ـظاري

____________ ساعة الفــرقى ثوانيها سنــيني


ياغرامي : كان يكـــــفيك إنكساري

____________ إنثنيـلك بـس أبي لي تنثنيني

لاتقولي ( مُجْمله ) حبك طـواري

___________ لاتسيئي الظن بي بس اسمعيني


لو بنات الكون في قبضة يساري

___________ وانتي لوحْــدك هنا بيد اليميني


جيت يمّك والهوى يدّ إخــتياري

____________ قبْضته ماخلّت الناس بيديني !


إرتخت كفّي ثم اسدلته ستــاري

__________ ثم تساقط من يدي كل عا شقيني


ومابقى للي تشرّه في ديــــاري

____________ غير يرحل او نـهاياته دفيني


بعد هذا وش تبي غير انحساري

__________ بين أصابع قسوتك مخلوق ليني


جرّني مثل القلم مادمـت داري

__________صفحتي بيضا من ايامك سجيني!

:


:


:

[بدرية البدري]

فهد النويحل ..
يتجلى الشعور على هيئة شعر

ود

[صبــــا الجهني]

صح لسانك شاعرنا..
ابيات مليئه بالشعور الجميل..

[أحمد الهايس]

احساسك عالي بالكتابة يا فهد
ما أجمل الشعر عندما ينسكب هكذا بكل صدق وعفوية
ما أعذبك يا فهد وما أعذب هذا النص القراح ...

[إيمان محمد ديب طهماز]

احساسك عميق يا فهد

وروح تطل من نوافذ الحروف شعرا

تقديري

[وليد الفالح]

فهد النويحل
حضور مختلف ومميز
اكتفيت شعرا
كل التقدير والشكر لهكذا شعر وحضور

[ناصر العلي]

شاعرنا المبدع فهد النويحل
اطربتنا بهذا النص الرائع