هودج احلامـي

[عبدالله العتيبي]

درب شرق الأماني صار ممحـل وقـاع=طاحت الشمس من بعد المحل ف الغروب

وابتدأ في سفيـن البُعـد فـل الشـراع=والمجاديف صارت من ضلوعـي دروب

احتويت الألـم منـذو عرفـت اليـراع=واحتواني ألم عمـر الزمـان الكـذوب

في متاهات حزنـي ضيعتنـي وضـاع=كل معنن لسلم الفـرح عنـد الحـروب

ما سقاني خرير المـاي يـوم الـوداع=غير رشفة مسامع من جفاف الهبـوب

ولا حطبت الليالي يـوم كانـت متـاع=ولاحسبت الخطاوي يوم وقت الهـروب

اتعثـّر بريقـي واشـرق بربـع بـاع=كلمـا قالـب الفرحـة لمستـه يـذوب

هودج احلامـي اللّـي زفّنـي للضيـاع=ماركبته عبـث يـوم احتكـام الكـروب

كنت احسب السنيـن المقبلـه بتسـاع=وضيقة الصدر ما تاتيـك لـولا الذنـوب

لين صارت ثواني ساعتي في نزاع=مع ضمير الليالي يوم عيّت تتوب

من عذابي ولوعة خاطري والصراع=رابت النفس في عيني وهي ما تروب

انفضيني دخيلـك مـن شليلـك بسـاع=كان عيبي بصبري ياحلاة العيـوب

[إيمان محمد ديب طهماز]

صدقت ياعبد الله

ياحلاة العيوب ان كان الصبر منها

بوح جميل

أيها الشاعر أجدت

تقديري

[بدرية البدري]

ولا حـطـبــت الـلـيـالـي يــــوم كــانــت مــتــاع
ولاحسـبـت الخـطـاوي يــوم وقـــت الـهــروب


عبدالله ..
يا حلاة العيوب إن كانت تهدينا الكمال

رائع البوح أخي

[خالد بن منشار]

اي والله ياحلاة العيوب
صح لسانك ياعبدالله

لاهنت

دمت بخير