ارجل طفل .. مرثيه

[أمجد الدبيسي]

/
/
/
...............................
/
/
/




في مثل هذا الوقت اخذته ويآ ليت=في مثل هذآ الوقت مآجيت اخذته
بعز انشغآلي مآ ادري اشلون له جيت=ويآليتني من قبل مآ امشي حضنته
جآني وحب يديّ .. وْلِيِديه حبيت=من طبعه الليّن وحُبه .. عشقته
قلت احضنه اذا وصلنآ الى البيت=وللحين ادوّر حظنه اللي فقدته
بلمحة بصر حنا اصتدمنآ بوآنيت=ومن بين خمسه وآحد اللي خسرته
صحيح انا مع الثلآثه تآذيت=إلا ان موتي بْكل مآصآر ذقته
ربي كتب .. وانا رضيت وتعنيت=والوقت لو يرجع .. وربي رجَعته
فقيدنآ يطري إذآ اصبحت وامسيت=اكلمه واقول كلْمآ لمحته
هو صدق يآ خآلد..؟ يقولوآ توفيت=واحس كنّه رد .. كنّي سمعته
لا احدن يقول اني بمآ قلت جنيت=ياكم شعور بوسط عيني دفنته
ما انسآه لو اني معآكم تنآسيت=ولا انسى بعد وشلون بِيِدي قبرته
وخآلط ترآب القبر دمعي .. وبلّيت=اخر لقآ .. بآهآت قلبٍ سكبته
باللي مضآ كآن الغلآ ذآيع الصيت=ما اذكر مابين اخوآني اني نهرته
دون الاخوّه كنت مُعجب وحبيت=الطيب والعزّة وشي مآفهمته
ارجل طفل .. عليه يآمآ تحديت=ويآكم كسبت ارهآني اللي رهنته
يآهو ينومس كآن عنّه تحآكيت=وشلون لو بين السوآلف نظرته
وللمدرسه يآمآ تمنى .. وتمنيت=اني اشوفه لآكبر .. ليت شفته
خذآه ربٍ يحيي النآس ويميت=وانا على كلْمآ عطآني شكرته
بآقي كثييير وباختصر في شطر بيت=ما اذكر فقدت انسآن قد مآفقدته
وين انت يآخآلد وليه انت قفيت=وتركت اخوك اللي تمنى .. حظنته
/
/
اليوم : السبت
الوقت : المغرب
كُتِبَت بتآريخ 24 / 4 / 1433
رحمك الله يآخآلد
>>

[ميــرال]

والله لم ابكي مثل بكائي الآن ياامجد
الله يجبر عزاك

[عبدالإله المالك]

رحم الله خالد وتقبل في طاعته وتغمده بفسيح رحماته
جبر الله مصابكم يا أمجد

[عبدالله الجودي]

امجد
عظم الله اجركم ورحم الله خالد
وجمعك الله به في جنات النعيم

[رشا المطيري]

عظم الله اجركم يا أمجد
رحم الله فقيدكم وجعله شفيعا لكم وطائرا من طيور الجنه
لانملك سوى الدعاء له
ابكيتني يا أمجد

[علي الحسني]

أخي أمجد

أحسن الله عزاءك

ونسأل الله أن يكون شفيع لكم

هكذا هي الدنيا قدر الله وماشاء فعل