شـتا قـريـة , وبـرق , ولـيـل !

[هجاج الوسوس]

هنيا كانت الدنيا..
شتا قريه..وبرق..وليل
هنيا كنت تتألم !
وأنا والريح كنا نوح ؟
هنيا كانت الدمعه كحل
وأبهامي المنديل
تحت جنح
الدجا .. والخوف .. والبارق
تجي .. وتروح ؟
رحـــلــت ..
وعشت أنا بعدك على الذكرى
ونـفـحـة ويـل !
لـ..لاح البرق لـ..عيوني
كأنه ينتزعبي روح ؟

[هجاج الوسوس]

آه..ياليل القرايا
كل مالف الدجا سور المباني
تهجع الديره !
وتنشلّ الشوارع..من عدم !
وأتلاجا للدروب..وتنسدم !
يستجن الليل ويل..
وحشة..وبرد..وعتيم
يستبد صمت المقابر
يقطعه عابر سبيل..
ولايقيم .
يستثير الحزن نوح الريح..
في ناي النوافذ
والغضى يغفى ..ويرقد
تبرد الأطراف..والخفّاق موقد
:
أتحاشا للأنام ؟
وأفتح لطيفك منافذ
وأنحر لـ..وصلك ملام !
:
آه ياليل المقابر
كيف أكابر ؟

[هجاج الوسوس]

القرايا صيفها صيف..وشتاها شتا
مايدفي بردها النار..وبشوت الوبر !
وأنت ياللي تشعب ركاب صدك.لامتى ؟
وأنت حاديني على البرد..والدرب الغبر !

[هجاج الوسوس]

لو تهجع العين..مثل الخلق ماتهجع
ماصرت عـزّ الشباب..وخافقي شايب !
والورق لـ..أنفض سمّـار الونس..يسجع
على جروح الفراق..وضلعي الذايب
عادي يطول أنتظارك غايبك يرجع
بس المصيبه..إذا ماعاااد لك غاااايب !

[هجاج الوسوس]

أحتفلت بعيد ميلادك لحالي=بين طيفك..والرسايل..والقصيد
أتخيّل صورتك تاقف قبالي=في ثغرك يذوّب الجمر الجليد
كل ماتقفين أنادي لك تعااالي=يا أقرب أهل الأرض..للقلب البعيد !
والله أني لأذكرك طول الليالي=وأتنقى لك هديه كل عيد
لين معيه يحتفل باكر عيالي=وأنتمنى كلنا..(عامك سعيد)

[هجاج الوسوس]

التقينا..والنوافذ خضر..والشارع بدائي=وأفترقنا..والذهب حظ السياج من الحضاره
أصدقائي زيف..وأعدائي حقيقه..والفدائي..=لي.ضحى فيّ..وأعدم بعدي أطفال الحجاره
يبست أسئلتي..وصوتي مات مع مولد صدائي=ليلة الحلم أنتحر..والضوء فلسفـّه أنصهاره
كان حلم ٍ أكبر من الحظ..وأرحب من مدائي=وأصدق من الطهر..في غيث السحاب من الطهاره
لو قتل ياسه رجاي..وكفن الود بعدائي=ماعطت طيفه يمين عيون مغليه..ليساره

[هجاج الوسوس]

كلـ..شي يهون إلا إذا أحتجت في يوم
لـ..إنسان يعني لك سعه..مالقيته !
بك تطحن معارك الفرس..والروم
تمشي بليا فكر..لأطلال بيته
الجمر بعروقك..وبعيونك غيوم
لا أنت برجا يرجع..ولا أنته نسيته
أنقطعت أخباره..وقفابه الحوم
لا أخذت منه..ولا لحقت وعطيته !

[هجاج الوسوس]

من هنا ..
حيث يستبد السكون..وتنشل حركة الشوارع
بقرية ٌ نجديه.. وليلة ٌ شتائيه
تحت جنح ظلامها..وألتماع نجوم سمأها الصافيه
تتهادى نفحات الريف
مفعمة ٌ بالبرد..ورائحة المزارع الموسميه
قرية ٌ ..
تطل صحراء النفود..بقلب الجزيرة العربيه
على الجزيرة بقلبها منذو زمن !!
/
\
كلنا يعلم بأنه ..لكي تستمر الحياة :
الشيء الوحيد الثابت..هو التجدد المستمر !!
/
\
ولكونه لاينبغي إظهار الحقيقة عاريه
قد نظطر أحيانا ً بأن نواري سوئتها بالإبتسامة !!
لـ..تصل ..
*عند من لاتعنيه مشوّهه
*عند الآخر بهيئة ٍ لاشكل لها
*عند من هم بمستوائنا سواء ً تدنـّا أو علا
واضحه جدا ً.
/
\
وبرغم أن الكلام الصادق لايحتاج الى قسم ..
قد يحتاج قلبك :079: الأصدق الى يقين !

[هجاج الوسوس]

جيت ولقيت المسك يتكدس..ويكتض الضباب
تفرد ضلوعك للحياه..وتفتق أعناق مهدك !
أنا أدري إنك..تدري إني..أدري إن الكل ذاب
أغراب..في مفرق طرق..مهدود حيلي..وجهدك
ماعاد به درب ٍ معه..نرجي يعودون الغياب
تقطعت كل السبل..مابين حلمي..ولحدك !!
ومادام الارض اليا ظمت..ترجي مراويح السحاب
من الرساله . والعيون تخيل برقك ورعدك !
أحيانا ً الإنسان يتنبّا..ويشعر بـ..إنجذاب
يعني مثل تكفى..ودعوة سم..وأبشر بسعدك ؟
ماتت بلاد الشيطنه..ترسل مراسيل السراب
وأنته على خد السماء منفاك..والغيم بلدك
لو كان تاثق بالإياب..الأرض حنت للذهاب
وعيون قلبي..ماتقـرّ الا على راحت يدك !!
لاشك أنا رجل ٍ غريب ٍ..عن دروب العشق تاب
لو قربك حزنك لقلبه..صبح عيدك بعّـدك !!

[هجاج الوسوس]

قبل ماهي تستتيب الريح..حزني
والا حتى تستتيب الروح..روح !
\
/
أوقدّت لك ليل الشتاء..
ضلع !
وأشعلت لك نجم السماء..
شمع !
\
/
رتبت لك ليل السهر
فرحة رجا !!
لكن..
أرتد الضياء
منك دجا ؟
\
/
وإنسكابة روح..غربة ؟
ما أحتواها بك..وطن !!
\
/
يعني!!

الشموخ..اللي كسرته..عند برج غرورك=ياكثر من حلم عمره..يرتقي لعلوّه
والقصيد..اللي بروقه..حبر غيم سطورك=ماطرى لك..كم خطف شوف العيون بضوّه
أستوى وعدك..حنين..وفاض بك تنورك !=وأنفجر كبتك..وخوفك يختنق بغلوّه !
فؤهة بركان شوقك..تخمدك..وتثورك=كل درب ٍ..تقتدي به للصباح..يتوّه
من ذكاك أخترت زاوية ٍ تصب لنورك !=في دجا ليل العيون..وقلت..يالله قوّه
لو رضا عبرتك..تكسر بالنظر بلورك !=مافرق حلمك..عن العالم..وفاق سموّه
شوفتك..ضحكة سنيني..والحضور حضورك=ياهلا..والرعد..براقه..يطرّز نوّه

[هجاج الوسوس]

نشّفت ريقي هناك..ونشّفت دمي هنا
قلت فرصه قبل أسافر..بس أعرف السالفه
هوووه يادوحة غرامي..ياتباشير الهنا
سيّدة كل النساء والشعر..يامتخالفه !
خابر ٍ يقطين صدرك أبجديات دهنا
يستتيب الخلق فتنه..بنفصام الحالفه
قالت أصلا ً
قلت نصلا ً
ماوصل قلب وهنا !!
إستفيقي يابهيمه..وينك أنتي ذالفه ؟
أنتي مجرد مريضه كنت هناك..وهنا
المرض معاك مزمن حيل ! يامتوالفه !!

[هجاج الوسوس]

برد المشاعر يقتلك .. والجفا برد
والوصل دربه .. والدفا . شذرة السيف !
وأنا أقدر أرسم لك على حده الورد
لاشك ..
ماعشنا على ..لقمة الزيف !!


لا أؤمن ولكن ..
أشعر بأن البعد المتشتت
لغيباته التسيّد !
فإن كان ..حضوره !
فل يؤمن بمسك الختام ؟

[هجاج الوسوس]

ياهاشلي.. لاتهجر المدن للريف
والريف ..لعيون المداين مهاجر
ما عادت الدنيا ..طراد , وغطاريف
حتى تغار من السيوف الخناجر !
ولاعاد به ..بير ٍ .. تلم المواليف
ولاتبل حتى الراويه للحناجر
:
والا البدو بأرواحها تضيّف الضيف !
وتشب في سمر الضلوع . وتواجر ..
نار الوله .. للي جفته المحاريف
خسف ٍ على أعصابه .. من الضنك ضاجر

[هجاج الوسوس]

ماذا جبرك
/
\
/
لجرح حزني !!

[هجاج الوسوس]

ماذا جبرك
/
\
/
لقتل صمتي !!

[هجاج الوسوس]

ماذا جبرك
/
\
/
لجرح حزني !!
لقتل صمتي!!
لتعريتي!!

[هجاج الوسوس]

أترك أساطير الحزن , والغرابه
/
\
وكياااان كبت
/
شموخ طفل ٍ من ولد .
حلم الخضوع!!