محمد علي السعيد
04-03-2012, 08:55 AM
.
.
.
جفاك الماطر الهمّال يا فلاح=وراح العمر تترقب محاصيلك
شجن زرعك تبدّل ونةٍ وصْياح=وغدت زفرتك تغني عن مواويلك
تبي ترتاح من همّك ولا ترتاح=ولا فادتك (يا عينك) و (يا ليلك)
تبي تشعل من اطراف الفرح مصباح=بعد ريح الحزن طفّت قناديلك
عبث جود عْرقك لاْن السنين شْحاح=كأن الياس عشعش في مداهيلك
أمانيك الخرز بس انقطع مسباح=ولا تسبيح تختم به تراتيلك
يقولون الصبر للي انقفل مفتاح=واشوفه ملّ صبرك من غرابيلك
سموم القيظ تحرق والظما ذباح=تحس ان الزمان يْصيح : يا ويلك
يحاصرك الجفاف القاسي ويجتاح ..=.. سنابلك وهي بْحسرة تنادي لك :
أنا مثلك حزينة ما عرفت افراح=يباسي يحتري عطفك وتدليلك
ولكن يوم تبكي من قهر يا صاح=ولا به كف تمسح لك هماليلك
أنا بلسم مواجع او ضماد جْراح=كذا تصبح محاصيلك : مناديلك !!
.
.
.
.
.
.
جفاك الماطر الهمّال يا فلاح=وراح العمر تترقب محاصيلك
شجن زرعك تبدّل ونةٍ وصْياح=وغدت زفرتك تغني عن مواويلك
تبي ترتاح من همّك ولا ترتاح=ولا فادتك (يا عينك) و (يا ليلك)
تبي تشعل من اطراف الفرح مصباح=بعد ريح الحزن طفّت قناديلك
عبث جود عْرقك لاْن السنين شْحاح=كأن الياس عشعش في مداهيلك
أمانيك الخرز بس انقطع مسباح=ولا تسبيح تختم به تراتيلك
يقولون الصبر للي انقفل مفتاح=واشوفه ملّ صبرك من غرابيلك
سموم القيظ تحرق والظما ذباح=تحس ان الزمان يْصيح : يا ويلك
يحاصرك الجفاف القاسي ويجتاح ..=.. سنابلك وهي بْحسرة تنادي لك :
أنا مثلك حزينة ما عرفت افراح=يباسي يحتري عطفك وتدليلك
ولكن يوم تبكي من قهر يا صاح=ولا به كف تمسح لك هماليلك
أنا بلسم مواجع او ضماد جْراح=كذا تصبح محاصيلك : مناديلك !!
.
.
.
.