[ يَـعْنِـيْ : ]

[عبدالله العويمر]

مساؤكم صدقـ



الـشعر عرش ولا علا العرش مسكين=والفـكـر سـلطـه ، والـبـراهين دستور


والــراي مـاغــيـر وجـود الـسـلاطين=وقـبـر الـظلام بفـاس الانـوار محفـور

ياهــل الـشـعـر ماعـادهـا بـس ركـنين=قـاف ووزن ، واذا انكـسر قيل مكسور


لـلعــيـن نـظـره بـس مـايـنـكـر العين=الـلي مـلك عيـن وعـرف قـيـمة النور


الـــشـعــر فـكـر وتـســكـبـه للمحبين:=اهـل الـوعي ..والا الجهل مات مقهور



يا..سـين.مـانقـصـد بـها إسـم ياسين=ولاهــوب ذنـبـي لاكـسا الجـهــل جـمهور


إن قـلـت ،.قـالـولي خطا.اترك الدين=جـاهـل وقــولـك يـوقـعـك بـالـف محظور


صرت الغبي واهل الجهل هم فهيمين=وصرت الحداثي ولابس الكفر بالزور


وحطوا على شعري لغيري نـيـاشين=واللي رمى أعمى ..ولاصوّب قصور


مفهومهم لـ /امين : تدعي على مين؟=تـجـاهـلوا دعـوات لـلـ مـيـن بسرور


يالـيـتـهم مـثــل اول الـعـرف:جـاثين=سـكبـه ونحـسـب فـيـهم العلم موفور


رفــعـتهـــم بـالـظـن فــوق الـموازين=وحـطــيـتهـم مابـيـن دارس ودكـتور


ويوم انتثر ماعندهم قلت لي : وين؟=وين انــت رافـعـهـم؟طلع كل مستور


طارت حمامه..والغصن يشكي البين=وهب الجفا..ومواسي الغصن عصفور

والـنـاي يـعـزف والـبـكـا لـلحـزينين=ولاشــال عــازف نايهم غير: مشكور


مخلوقة ٍ من طيـن ، رفـت جناحـين=وطارت وانا غصن ٍ وله قلب مكسور


كـتـبـتها ، والـلي فـهــم بـس: أثـنين=واغــلـب جماهيري حمل اسم جمهور


جمهور أمـاسي يعجـبه صفـقة ايدين=واذا صفـق واحـد صفـق ألف مغرور


يعني:..بلاش اقول : واكسب عدوّين=دام الجهــل جـمهـور..والـسب دستور

[خالد صالح الحربي]

*

مَاأجمَل البَسَاطَة..
عِندَما.. تسحب.. البساط.. من تحْت [أقلام].. العُمْق!
أعجبتني.. هنا.. الفكرة../. والألفاظ الـْ..مُنتقاة.. بعناية..
بعيداً.. عن.. السّائد.. والمكرور.. والسطحيّة.. المقيتة.
شُكراً../. بطول قامَة.. هذه.. القصيدة.

[شــمــ نـجـد ــس]

مفهومهم لـ /امين : تدعي على مين؟ ........... تـجـاهـلوا دعـوات لـلـ مـيـن بسرور

:

رفــعـتهـــم بـالـظـن فــوق الـموازين ........... وحـطــيـتهـم مابـيـن دارس ودكـتور

:

ويوم انتثر ماعندهم قلت لي : وين؟ .......... وين انــت رافـعـهـم؟طلع كل مستور



الشاعر عبد الله العويمر ..

وبوحك الرائع هو الأصدق هنا ..

اتسمح لي أن اشاطرك القصيده لبرنامج .......... المليون :)

تقديري لك ..

[العـنود ناصر بن حميد]

للعين نظـره بـس ماينكـر العيـن

اللي ملك عين وعرف قيمـة النـور

***

الشعـر فكـر وتسكبـه للمحبيـن:

اهل الوعي ..والا الجهل مات مقهور


العويمر

كل من يحب ( الشعر ) بصدق لابد أن يصل له الحرف

ويلامسه النور

دمت بخير

[نواف التركي]

يا عبدالله


تعال نكتبنا بلا جمهور وحضور ومكـان
.................................................. . نطلق جناحين الشعر مثل الطيور محلّقه
نفتح للأفكار المدى يمكنها تلقى الأمان
.................................................د ام أكثر عقول البشر بـ أفكارها متغلّقه


سلّم على قلبك

[صالح الثبيتي]

عبد الله العويمر

صباحك سكر

صح لسانك

جزل يا عبد الله

حروف لها الاثر الكبير على القارئي

خالص الود

صالح الثبيتي

[فهد محزم]

ياااصبااح الشعر


عبدالله العويمر


نص يفوق الوصف


صح كلك


أطيب المنى لقلبك

[شهيق ورده]

منْ قال عِلْمِكْ ما يِشُوفِه كثِيرِين
.............البِيِرْ فَاضَتْ من لَظَى حَامِي الجُوْر

سلمـ غاليكـ ومِرْجِيكـ الفاضل عبدالله..

غَصَّه وانكتبتْ على جبين الوجع..

واختلاف الآراء لا يُفسِدْ للأُنْس بقِّيــه :)