بقايا رهينه !

[عبدالرحمن مازن العطاوي]

.
.


السلام عليكم ورحمة الله وبركاته


sms :

تطيح من عيني واعوّد واشيلك
ابغاك بين الناس ( رجال طيّب )

وإلا انت كم واحد يحاول يزيلك
ومافيك بعفولك مع اسمك يخيّب

وإن كان تبغى الصدق الله وكيلك
في عالمك دايم ( تحب التسييب ) !


بقايا رهينه !

بسألك عن حاجه وداعك ذكرته
________ أمانتك ماهو في حقك غبينه
يوم ان حبّك وسط صدري حفظته
________ ليه السفر .! اهداك بحره سفينه
لكن .! عتابي من عقب جيت شلته
________ من خاطري والدم نشّط حنينه !
يالجوهر اللي لاطرالي سهرته
________ يالحب ، ودروب السلام ، وسنينه
الشعر شفني في حضورك ذبحته
________ ضيافةٍ لك يوم جيت المدينه .!
والبيت يوم انك رجعت وآنرته
________ عقب الآسى صارت حياته سكينه
والوقت يوم الوقت جابك شكرته
________ وحبيت من شأن اللقا بك جبينه !
مستقبلي / واغلا طموحي آسرته
________ والنفس مابين المخاليق شينه
ودمعي وعيني والغلا لك رهنته
________ والحب صرت انت العضيد ويمينه
والمشكله .! صدري إذا اني سألته
________ بين البشر تسمع صداه وآنينه
والموت ! لاجاني سؤال وسفهته .؟
________ من عاذلي لاقال صاحبك وينه.؟
كم لي وطيفك في غيابك سرحته
________ والشعر تسهر لك من الشوق عينه
وكم لي ودربك لاشعوري سلكتّه
________ حزين من شانك دروبه حزينه !
إنسان لو ماجيت يمّه واخذته
________ من يرأف بحاله ويأخذ يدينه ..؟
وإحساس لو صرت بمكاني وعشته
________ إمن الوله قد باح حتى كنينه !
تعال ! قل للناس داري سكنته
________ وخلّ الوصل ضيفٍ لفى عازمينه
وقلي : وش اللي من تصديك نلتّه
________ وخذني معك دايم بقايا رهينه !




خروج !

انساك لا والله ابّد مقدر انساك
ولو انّها بكيفي نسيت وجفيتك

يوم الشعر يقراك والناس تقراك
وكنّي من ( الفقْده ) كتبت ورثيتك !



وسلامتكم


.
.

[سعيد الموسى]

الصديق الأنيق : عبدالرحمن العطاوي
في كل حضور لك أرتقب الشعر وأتتبع أثره حتى أصل لماءك العذب هذا وأرتوي ..
جميل والله ياعبدالرحمن في كل حضور , تروينا ونتبلل بينابيع شعرك .
أشكرك ياصديقي

[سعد الجميلي]

الشعر شفني في حضورك ذبحته
________ ضيافةٍ لك يوم جيت المدينه .!
والبيت يوم انك رجعت وآنرته
________ عقب الآسى صارت حياته سكينه
والوقت يوم الوقت جابك شكرته
________ وحبيت من شأن اللقا بك جبينه !


نص يتميز بالصدق والمشاعر الجياشة


والعذوبة في كل مافيه وهذا ليس غريبا على عبدالرحمن


دمت شاعرا مبدعا

[هـيـفـااللاّفـي]

.
.
نص جميل وحضور مدهش
صح احساسك ياشعر

شكرا كثيرا

[عبدالإله المالك]

عبدالرحمن

رافقناك في رحلتك الشعرية ..
فلم تردنا إلا بجميل الشعر ..
زادًا نزداد منه عبقًا عذبًا ..
فشكرًا

[وردة نجد]

والوقت يوم الوقت جابك شكرته
________ وحبيت من شأن اللقا بك جبينه !
مستقبلي / واغلا طموحي آسرته
________ والنفس مابين المخاليق شينه
ودمعي وعيني والغلا لك رهنته
________ والحب صرت انت العضيد ويمينه


عبدالرحمن العطاوي ...

قصيده عذبه من شاعر متمكن
صح لسان الشعر فيك .

[عطاالله ممدوح]

مستقبلي / واغلا طموحي آسرته
________ والنفس مابين المخاليق شينه
ودمعي وعيني والغلا لك رهنته
________ والحب صرت انت العضيد ويمينه
والمشكله .! صدري إذا اني سألته
________ بين البشر تسمع صداه وآنينه


جميل يابو مازن
صح لسانك على هذا الحضور الرائع
لاهنت

[إيمان محمد ديب طهماز]

عبد الرحمن :

ليه السفر .! اهداك بحره سفينه

لازلت هنا أردد هذا الشطر

أقرأ القصيد وأعود الى هنا أردده فأطرب وأنتشي

رائع والله أيها الشاعر

جزاك الله كل خير

[عبدالرحمن مازن العطاوي]

.
.

القدير شاعرنا سعيد
الف حياك انت وإطلالتك وصح كلك يامبدع







لاعدمتك والله


.
.

[فهد الغبين]

ما اجملك ايه الصديق الصدوق


جميل هو حرف والا جمل منه نقائك يامبدع


لله درك

[عبدالرحمن مازن العطاوي]

.
.

الجميلي سعد
والأعذب تواجدك وردك ياوفّي









تحيتي لك

.
.

[شقران الزيادي]

وعليك السلام ورحمة الله وبركاته/


إنسان لو ماجيت يمّه واخذته
________ من يرأف بحاله ويأخذ يدينه ..؟

الرجل قبل الشاعر / عبدالرحمن مازن العطاوي
لا يختلف اثنين على شاعريتك ونصوصك عيد للذائقة تحتفل في كل مره تصافح جديدك
هذا النص يحتاج انسان حقيقي كي يقراء تفاصيل التفاصيل في داخل هذا النص

روح النص يا عبدالرحمن ملائكية
تشبه النور وقلبك

باقات ورد

همسة/
هنا تكمن قيمة الشعر الحقيقية

شقران الزيادي

[عبدالرحمن مازن العطاوي]

.
.

هيفاء اللافي
شكرآ لك ولتواجدك ، وصح بدنك






تحيتي لك

.
.

[عبدالرحمن مازن العطاوي]

عبدالرحمن

رافقناك في رحلتك الشعرية ..
فلم تردنا إلا بجميل الشعر ..
زادًا نزداد منه عبقًا عذبًا ..
فشكرًا


ومااجمل اللقاء بك في معرض الكتاب
وديوانك المطبوع يامبدع ، سلمت يادكتّر والجمال بحضرتك






تحيتي لك

.
.

[أمجاد محمد]

نص مملوء بالجمال والعذوبه
شكرآ لك 

[عبدالرحمن مازن العطاوي]

.
.


وردة نجد

وصح بدنك ولاهنتي

تحيتي لك

.
.