قـطــوف متـفـرّقـة..

[عبدالله العويمر]

الليل برد ، وفوانيسي :هواجيسي

،،،،،،،،،،،،،،،،،، والنار : طاريه ، وايديني تهليبه!



وان جيت اباطفي من الضيقه فوانيسي


،،،،،،،،،،،،،،،،،،،،،،،،،،،،، تجمع الضيق والطاري مع الغيبه!



اغنّي الليل ، والآهه مراويسي!

،،،،،،،،،،،،،،،،،،،،،،،،، واجر لحن ٍ يودي الهم ويجيبه!


يالشعر والله ماانت اجمل قواميسي

،،،،،،،،،،،،،،،،،،،،،،،،، لامن فتحتك اشوفك قبر ، ومصيبه!

[عبدالله العويمر]

من قصيده قدييييمه:

ماعلينا من سواليف الرخوم

ــــــــــــــــــــ الـرخوم ارخوم من دون الكلام

لو تغنّت بالسوالف ماتقوم

ــــــــــــــــــــ كيـف يـرجي من فقد مشيه قيام؟!

من عرفنا العلم ماسدّوا لزوم

ــــــــــــــــــــ مخـطي ٍ منهـو بهـم شدّ الحزام

صاحبي والهرج ماهدّ العزوم

ـــــــــــــــــــ مـرّني يـاصـاحـبي مـرّ الـسلام

ماني اللي لاسمع هرجه يلوم

ـــــــــــــــــــ مـرتـفـع عـنهـم كمـا بعـد الغمام

[عبدالله العويمر]

قصيده قديمه كتبتها :

على ذاك الرصيف اللي تشوفه صارت حكايه=كتبها عاشق ٍ وافي..ختمها قلب مايوفي



تبي تعرف ؟ أجل إسمع حكايتنا من بدايه=على ذاك الرصيف اللي تشوفه إنتصر خوفي



ثلاث سنين ..لاأكثر00رضاها كان لي غايه=أجيها فارس العالم..تجردني من سيوفي



أجيها ترتسم فيني معاني الشوق بشفايه=واسلّمها مفاتيح الغلا في راحة كفوفي


أقول : اهلاً ..تقول: أهلاً بحب ٍ سبّب بكايه=إذا في يوم ماشفته همومي أجمل ضيوفي



ثلاث سنين..لا أكثر..وانا ماشي وبعمايه=لك الله كيف كنت ارضى عيون الغير هي شوفي


على العاده وصل قلبي قبل ماتاصل خطايه=حسبت العامريّه مثلما هي دايما ً توفي


تخيّل ..كنت متوقّع اجي واسمعلها روايه=وفي آخر روايتها أشيل الحب بكتوفي


وكان بداخلي هاجس يعزف لداخلي نايه=على انغامه أخاف ألقى خيانتها مع ظروفي


وفعلا ً صار ماخفته وماعادت لي بنايه=بأعلاها أطلّ القى عيون ٍ ترقب طيوفي



على ذاك الرصيف ألقى خيانه جنبها بدايه=على ذاك الرصيف اسمع أهازيج طلبت خوفي


عرفت اللحين قصتنا من بدايه إلى نهايه؟؟=تخيّل صرت اشك اني كسيت الكذب بحرووفي




تعال اجلس ..نبي نحكي من اول..اسمع حكايه=حكاية قلبي اللي ماعرف في يوم لي يوووووفي[/quote]

[عبدالله العويمر]

قديمه أيضَا ً


الورد يصدف تلتقي دونـه الـشوك

،،،،،،،،،،،،،،،،،،،،،،،،،،،،،،،،، والـشـوك مـاعمـره وقف دونه الورد

والطيب ماعوّد مع الحِـسد مشروك

،،،،،،،،،،،،،،،،،،،،،،،،،،،،،،،،، أرض الحسد جردا من قـلوبـها الجرد


والحقد مايخفى بكلمة : "وانا اخوك"

،،،،،،،،،،،،،،،،،،،،،،،،،،،،،،،،، والقـصـد مايخفـيه تـطويلة السرد


والكذب ماعوّد على الناس بصكوك

،،،،،،،،،،،،،،،،،،،،،،،،،،،،،،،،، لاتـرمي افكـارك مـثل رمية النــرد




ياهـاجسي حولـك ملايين هنّـوك

،،،،،،،،،،،،،،،،،،،،،،،،،،،،،،،،، وصوت الجـماعه ماكسر رايه الفــرد

وش عاد لو جالك من الخلق صعلوك

،،،،،،،،،،،،،،،،،،،،،،،،،،،،،،،،، يـبي يتذرّا مـن ورا سـورك البــرد


/

/

/
خله بحقـده ياكـل الغـيظ والـشوك

،،،،،،،،،،،،،،،،،،،،،،،،،،،،،،،،، ومـنهو يبيـلك خـير تهـديـله الورد

[عبدالله العويمر]

بعض الزعل مالك معه غير حيله:

،،،،،،،،،،،،،،،،،،،،،،،، ابعد عن اصحابه ولو هم ينادووون



لاصارت نفوس الاوادم "قتيله"


،،،،،،،،،،،،،،،،،،،،،،، مااظن لو تشرح لهم شي يحييوووون!

[عبدالله العويمر]

كم لي وانا اقول باكر تمطر ايامي

،،،،،،،،،،،،،،،،،،،،،،،،، والعمر راح وسنيني ماغشاها مطر


يالعمر كافي تفاؤل ، ملّت اوهامي


،،،،،،،،،،،،،،،،،،،،،،،،،،، منّي ، وقلبي من الواقع تراه انشطر!

[عبدالله العويمر]

قديمه

وللحفظ وُضِعت هُنا








الـشـعـر عـرش الفـقـير ودمعـة عـيـونه

............................... والعـذر ذعـر الـنوايـا دامهـا شانت

والـصدق قـصد الصـريـح ، وأول ظنونه

............................... والعـين نعي الـكلام الـكاذب ان بانت

والهجر جهر الخفوق ان عـاف مـضنونه

............................... والقرب قبر المشاعر يومها هانت

والـدرب بـيـني وبـيـنـك بــرد00 يـاهـونه

............................... رفـيـق مـاني فـقـيـر وسـالفه كانت

لاخـذتـني قـلـب قـبـل اخــذك ، وتـصـونه

............................... أخذتك الحور ، دام الروح لك دانت

لاصـرت رحـب الـبـحـر يالخافـق وكـونه

............................... أصيـر لـك كل لـحـظـه بالوفا زانت

أما هـوى00أو هـوى حـبك على مـتونه

............................... للنفس عزة00تعز الروح ماانهانت

والـزلـة الـلي بوقـت الهـزل00مـدفـونه

............................... نـمـوت مانعـتـرف بـ/تـمـون أو مانت

تقـل عـنـدي 00لاقـلت الـحـب وجـنونه

............................... يـقبـل خـطايا ، وقـبلي ناس ماعانت

أنا كذا00والشعر عـرشي 00ولعـيونه

............................... مـااخـلّي البحر رحب لناس قد شانت

[عبدالله العويمر]

الغيم فوق ونابح الحي تحته

،،،،،،،،،،،،،،،،،،،،، والله رفع غيمي عن الـ(.......) ، وادري:


إن الشعر باب ٍ لو انّي فتحته


،،،،،،،،،،،،،،،،،،،،،،،، هب العظيم اللي صغر تحت قدري


ودرس التجاهل لو لغيري شرحته


،،،،،،،،،،،،،،،،،،،،،،،،،،،، اعرف به ناس ٍ بها "الجهل" يسري

[عبدالله العويمر]

قـديـمـه!!









http://www.alweeam.com/news/newsm/11249.jpg
معلمه تموت في آخر ايام الدراسه!!
وماأكثر حوادث المعلمات والمعلمين
كيبورديّه:


ياوزير العلم قلي كيف حالك= أنت قلي عن عيونك وش تشوف؟

المعلم في دروب العلم هالك=الوظيفه صارت اقسى من الظروف!

ياوزير العلم قلي وش بقالك=لاركبت بموترك والدرب خوف

والله ان يرخص بعينك كل مالك=عند كل حادث بها الطرقه تطوف

اعتبرنا يالوزير اقرب عيالك= كيف خوفك ؟كيف قلبك به يروف؟

كل يوم تموت نفس بدرب سالك=للمدارس والوزاره في وقوف!

لوهو الجندي وصل مااعجز خيالك= من سكن واعزاز مايعجز حروف

كلنا متنا لوطنا..وهو حلالك =ياوطنا النوم في راحة كفوف

يامعلم لو تشوف الموت جالك= اعتبر موتك حكايه من ألوف

يعني موتك لويجي ومااحد ٍ وفالك =اعتبر علمك ودمك كبش خوف!

ويالوزير العذر منك كيف حالك؟= ياعساك بخير ..وحنا بك نشوف

[عبدالله العويمر]

قديمه ، كُتبت بأحد منتديات المعلمين وتخص الدرجة المستحقه

هُنا للحفظ:

قم لـلـمـعلم ، وقـله يسـكـب آمـاله



،،،،،،،،،،،،،،،، على رْمال الأماني ،، والظمى فينا


الـحـق مـاعـاد بالـتعـليـم مـنـزاله


،،،،،،،،،،،،،،،، شفنا هلكنا وحنّا بين امانينا!!!


تُسْلب رواتب وراع المال أولاله


،،،،،،،،،،،،،،،، يبكي ويسأل:من اموالي تزكّينا؟!!


في هالزمن صار حق الخلق بنخاله


،،،،،،،،،،،،،،،، وصرنا نشكّ ونقول الكذب كاسينا!!


ياامير والوقت ينشد :منهم ابطاله؟


،،،،،،،،،،،،،،،، عندك بقت كل هقوه ، منْك تدنينا؟!


يوم الرجا فيك بعد الله ،،وحباله


،،،،،،،،،،،،،،،، تِعْقَد ! لنا احقوق واسأل:منت معطينا؟


الأمر ماهو صعيب ، وكل موّاله:


،،،،،،،،،،،،،،،، "اعطوا المعلم حقوقه " منك ترضينا



واذا المعلّم هَلَك ، والموت لآماله


،،،،،،،،،،،،،،،، الله يرحم زماني وانت به "فينا"

[عبدالله العويمر]

الوقت هذا عـظيـم الدور

........................ يعطيك تعليم وش كثره

اما انْتـعلم بـليـا شور

........................ والا انجبرنا بما نكره

يوم الصـداقه كساها زور

........................ صرنا نتمرد على الفطره

والصـادق اللي يبيلك نور

....................... صار الطبيعي :بتحتقره

لامال ، لاجاه والموفور :

........................حـبه .. نخليه للطفره

واللي دعـاني بليا سرور

........................ خليت قدره على وكره

ماهيب مـره وهو مشكور

........................ومانيب لايم ولا أشره

والحـب ربي ملاه صدور

.......................والكره كل ٍ وله صدره

لاصار صدره وصله كسور

.......................يْقول والقول هو جبره

والصمت والخافي المستور

......................ماني مدور ورا ستره

والماضي اللي ملاه قصور

......................نسيت ماضيه مع قصره

اللي مقـصر وهو معذور

.....................واللي مقصر معه عذره

واليوم والدور نفس الدور

.......................أصحاب والحب ياصغره!!

[عبدالله العويمر]

الشعر ضيق ، ويحسبونه وسيعه

،،،،،،،،،،،،،،،،،،،،،،،،،،،، وانا الوسيعه ضيق ، والضيق شعري!!


تعبت أزيف ضحكتي ، والخديعه

،،،،،،،،،،،،،،،،،،،،،،،،، أخدع بها نفسي ، والاحساس : قبري



هم بايعوني :شاعر ٍ ، بس بيعه


،،،،،،،،،،،،،،،،،،،،،،،،،،،، مافرحتني ، زوّدت ضيق صدري!!


والدمعه اللي تشتكيلي :قطيعه

،،،،،،،،،،،،،،،،،،،،،،،،،، يصدها عمري ، وشوفي ، وقدري!



التجربه : حزن ٍ بصدرك وديعه


،،،،،،،،،،،،،،،،،،،،،،،،،، وياشينها لاانكرت ، والكل : يدري!!

[عبدالله العويمر]

الاهداء إلى: عبدالمجيد عبدالله العويمر
.


يارابع أفراحي حضرت ..وتبخترت


،،،،،،،،،،،،،،،،،،،،، حسيت بـ ان العمر مافيه ضيقه

.
.
.
.....

في جيّتك شفت الأماني وأبصرت

،،،،،،،،،،،،،،،،،،، وكني فريد ومعجب ٍ هالخليقه

[عبدالله العويمر]

ياسوريا وانتي بلاد الشجاعه
,,,,,,,,,,,,,,,,,,,,,,,؛؛؛؛؛؛؛ الطفل في ارضـك يخيف السلاطين
تبقين رمز ، وهالدول للوضاعه
,,,,,,,,,,,,,,,,,,,,,,,,؛؛؛؛؛؛ ويـبقى الدعا فـينا وحـنا مصلين

ياسوريا وانتي زرعتي القناعه :

,,,,,,,,,,,,,,,,,,,,,,,,,,؛؛؛؛؛؛؛؛ إن النسا والطفل قوة ميادين

وان الحكي لامن نزل باندفاعه

،،،،،،،،،،،،،،،،،،،،،،؛؛؛؛؛؛؛ يطيح حاكم والحكي بك موازين!

[عبدالله العويمر]

حنا لهينا بلعبة الشعر والطيش
ــــــــــــ ؛؛؛؛؛؛ وفي سوريا لاهين في لعبة الموت!

لاالشعر وقف دم ، ولاجايب العيش
ــــــــــــ ؛؛؛؛؛؛ ولاالموت حرك دم في مجلس الصوت!

[عبدالله العويمر]

أصد عن ضيقي وانا اقول لاباس
ويطق كتفي ضيق والحزن فانوس!!
مر العمر ومدوّر الود عساس
والناس ظُلْمه والخطا مدة نفوس!