دايم انا والليل اطرب ْواغنّي !

[فهد الماجدي]

للتواصل مع التحيه والاحترام

,


ياعيـن .. نامـي .. لاتحاتيـن.. ياعـيـن
دايم .. انـا ..والليـل.. اطرب..ْواغنّـي

. مدموحـة ٍ زلاتهـم.. كــل .. غالـيـن
اللـي ..بذكراهـم .. احـن .. ويحـنّـي

. بالله هانت .. عشرتي عمـر .. وسنيـن
احاشم.الغالـي.. بـهـا .. ويحشمـنـي

. اجاري احساسه على العطـف .. والليـن
وانا ادري انـه.. فـي مزاجـه.. معنّـي

. مبطي من اول.. بالغـلا ..مـو بهالحيـن
فـي روضـة .. الخـلان.. يامـا.. سكنّـي
,،

,،

شخبطت لوّنت .. البحـر لـك .. دواويـن
غيّمت ..ونجوم .. الدجى .. قـرب منّـي .

. دوّنت.. جففّت .. النهـر لـك ..عناويـن
والليـل .. سـاده .. والليـال ..اخذلـنّـي

. وحمامة الودي..بكـت .. ناحـت ..اِيليـن
طـارت .. معاهـا . سـرب.. ماودعـنّـي

. هو ليه دايم لاخطـى.. الغالـي.. الزيـن
نيران ..واجروح.. اِن ..كوّني .. كوّنـي

. او ليه ..انا.. حسـاّس.. مـن بد..الفيـن
دايم ... تخيّب.. هقوّتي .. حسن ..ظنـي

. اكبر خطيّه .. والجفـا .. لـه .. زمانيـن
لـو بالجفا..قصدك..عمـد .. تمتحـنـي

. والله .. يلم..قلـوب.. شمل..العزيـزيـن:
اللي مـن .. الفرقـا ..يـوّن .. ويغنّـي

. هذي .. قصيده قلتها ..الخاطر.. وعيـن
من خاطري ..بس .. الدموع ..افضحّني !!


,

[ميــرال]

شعر بموسيقاه يتقاطر عذوبه
شكرا لهذا المساء ونسماته اللطيفه بحرفك

[فهد الدقيس]

مبطي من اول.. بالغـلا ..مـو بهالحيـن
فـي روضـة .. الخـلان.. يامـا.. سكنّـي

وحمامة الودي..بكـت .. ناحـت ..اِيليـن
طـارت .. معاهـا . سـرب.. ماودعـنّـي



اي ابداع هذا .؟

ليس بغريب _ ما دام النص يحمل أسم " الماجد

صباحك شعر .. وصح كلكـ

[منتهى القريش]

الله الله يا فهد ..

كـ دائماً حرفك يمطر عذوبة ..
ولا غرابة أن ينسكب هذا الجمال من روح شفيفة كـ روحك ..

لك الود والورد

[فهد الماجدي]

العذب مرورك يالغاليه ميرال الف شكر لك والله

وجهك ابيض

التحيه والتقدير
,

[محمد الحجري]

اخي فهد

دائما ما تطربنا ابياتك

لحرفك ذوق خاص

وفقك ربي

[فهد الماجدي]

السمي الفهد لاعدمناك والله على المرور الطيب يالطيب الغالي

التحيه والتقدير
,

[عبدالله بن مستور الحارثي]

فهد الماجدي
نص يجمع بين الموسيقى والإحساس الصادق وهذا هو الشعر
صح كلك على هكذا نبض
كن بخير