الانــاره طافــيه !!

[محمد العوّام]

ياعيـون" كـل مالـدت تشـوف=ظلمـة" كـن الانــاره طافـيـه


ان شكينا ماشتكينـا.. يالظـروف=ون تعبنا فـي تعبنـا .. عافيـه


صاحبي ليه الليالـي ماتـروف=وش بلاهـا ماتجـي متصافـيـه


كنها ترقص علـى دق الدفـوف=اللحن صخري والاقسى .. قافيـه


يالسبايب .. يالرعايب .. يالهنوف=ياعبـاة" فـوق متنـي ضافـيـه


والله والله والله .. يالـحـلـوف=ماتجـي نفسـي عليكـم هافيـه


يابعد من ضاق صدره .. مايعوف=غير (جمله) في (خبـر) يالنافيـه


هي كذا ولاكـذا يعنـي . رفـوف=شايلتلـك مـن متاعـك خافيـه


او على ماقيل وينـك يالصفـوف=دام حشد القوم اصبـح ( مّافيـه)


ليت همي رجّل ماجيلـه بخـوف=يوم (صكاتـك يابقعـاء) وافيـه


المصيبه ماعرفت اللـي يحـوف=في حمـاي وماخـذ اللـي كافيـه


حشمتك ( يارجم ) يوم انك تنوف=كيف قالو لـك علامـك جافيـه؟


هي شهادة حق ياذيك الوصـوف=والاجابـه سـرد كلمـه شافيـه


كان لدت بك عيونك وش تشوف؟=ماتشوف الا ... اناره طافيـه !!

[ميــرال]

محمد العوام
شكراً لحرفك المشرق الرقيق
قصيده اكثر من مشرقه كحضورك
يسلم احساسك

[د. السيد عبد الله سالم]

صح لسانك
لا يستغرب منك ما هو رائع وفريد
سلمت يمينك من كل سوء
و في اانتظار جديد طرحك
د. السيد عبد الله سالم
المنوفية - مصر

[عبدالإله المالك]

والطرق الصخري البحر الوافر
بحرالشوق والتوله والحزن والشجن
رغم أن هذا ليس بحر القصيدة في هذا الموضوع
الأبيات جزلة المعنى
قوية المبنى
تستحق الأشادة

[بدرية البدري]

محمد العوام ..
مصافحة للعذوبة

ود

[محمد الحجري]

صباح جميل اخي محمد

مع نغم هذه الحروف

التي تدخل الى القلوب بسرعة

رائع انت اخي

وفقك ربي

[محمد العوّام]

ميرال

هلا بك الاشراقه تواجدك

دمتي كما تحبين

[محمد العوّام]

صح لسانك
لا يستغرب منك ما هو رائع وفريد
سلمت يمينك من كل سوء
و في اانتظار جديد طرحك
د. السيد عبد الله سالم
المنوفية - مصر

مرحباً يادكتور

اسعدني تواجدك

شكرًا لك