(( الـريـم ))

[متعب آل حشيان]

احبائي لكل نزف لغه ومفرده...... ولكم نزفي


على كف من وصال ..


***************

الريـم ماعادت كــما كانت الريــم

الريم هاذي غير ريم امس ياخي


***************

والغيمه اللي خالفت روشن الغيـم

هـامت على حبل الزلل والتــراخي


***************

لاتسألوني هـــو بقــى للغلا ديـــم

اللي اكيـد انيّ فقـدت التنـــاخـــي


***************

لا لابةٍ هــازت ولاردوّا الضــيـــم

اصحاب الاطلال ومساالامس شاخي


***************

هاذي محاصيل الشقا سينها جــيم

والذوق الاول فـ آخر الدرب باخي


***************

حاولت اجغرف واقعي بالترانيـــم

حتى تضاريسي بكـاها منــاخـــي


***************

متى تعسلج لي صدوق المفاهــيــم

واقول عاش الحق عاش التئـآخـي


***************

السالفه ماهـي ريال وملالــيــم

السالفه فرق العـذا والصباخـي


***************

هجمة معاذير ومدافع مقاسيم

وان طاح حصني مااستسغت التباخي


****************

تسرطن الشح في عروق الاكاريم

واللب في جوهر مساريه داخي

*******************

مع كل الاماني بقراءه ممتعه ،،،،


محبكم / متعب بن محمد بن زبار بن حشيان

[صالح الثبيتي]

http://www.elwfa.com/vb/upload/uploads/f84c6c4804.gif



متعب بن محمد بن زبار بن حشيان

والنعم بك

صح لسانك ولا هنت على هالقصيده الرائعه


قرأتها اكثر من مره

دمت بخير


http://www.elwfa.com/vb/upload/uploads/a6ca447aa1.gif

[نواف التركي]

عندما

نقرأ
لمتعب الحشيان


سيكون التصفيق سيد الموقف

فـ هذا الأبداع أبداً

لا يحتاج الى تعليق

دمت بخير

[عقاب النهار]

الغالى
رائعه وربى والاروع هو انت
من صاغها بحروف تشد المتذوق
للقراءه اكثر من مره
صح السانك وسلم بنانك
الى مالا نهايه
ولاهنت يالغالى

عقاب النهار

[طلال العنزي]

لاتسألوني هـــو بقــى للغلا ديـــم

اللي اكيـد انيّ فقـدت التنـــاخـــي


متعب آل حشيان ..

حضور شعري لائق بمقام المفرده والمعنى ..

تميز
جمال
انفراد

صح السانك يا متعب على هذآ الإبداع..




اخوك
طلال العنزي

[متعب آل حشيان]

صالح الثبيتي ..

لاهنت على حضورك الراقي ..

لك مني كل الود ..

[هنادي المطيري]

\
/

هاذي محاصيل الشقا سينها جــيم

والذوق الاول فـ آخر الدرب باخي

\
/


ياسلالالالام عليــك
ابدعت // وامتعت
تسلم لنا قريحتك على هالنص الرائع

صح لسانك مدد

دمـت ،

[متعب آل حشيان]

نواف التركي ..

لاهنت على حضورك وتشريفك الغالي ..

لك مني كل الود ..