ماهي بعيدة باكر نشوف الرجولة بالحريم ..!؟

[ياسر عبدالرؤوف]

الراوية فك الرواية وابتدى نزف الصميم = والبال يسعى بأرضها وإلا يجوب آفاقها
والحلم حلمك ياعظيم الحلم واحلم ياحليم = مهما (الحقيقة) تختفي مايختفي براقها
مافيه داعي نفتح الموضوع ونعيد القديم = الناس مربوط ٍ بقاها في بقى أخلاقها
صحيح عاشت واستعاشت لكن بواقع أليم = تجر حبل الخيبة اللي ماسك ٍ بأعناقها
يوم المسيكين الضعيف (بدنيته) ماله نديم = يموت حظه فالدروب ولاينول (أرزاقها)
والبنت لاهزت (خصرها) تنقض العهد اليتيم = يوم الرجل يروي ضماها كثر زود إغراقها
والتاجر اللي يوصفوه الأمس بالشي العظيم = تصحى على قولة (نهب خير الطيور وباقها)
وش حيلة اللي من هداه الرب وده يستقيم = لاصار (مهر البنت) أول من يبيح افراقها
ماهي بعيدة باكر نشوف الرجولة فالحريم = دام المراكب سارية غصب ٍ على سواقها

[وليد الفالح]

ياسر عبدالرؤوف
أهلا بك في أبعاد
أسعدني كوني أول المتصفحين لهذا النص الرائع
دمت متألقا
تقديري

[فهد الماجدي]

يعين الله

صح السانك ولاهنت يالغالي ياسر

وهلابك والله والف هلا

التحيه والاحترام
,

[عبدالإله المالك]

ياسر عبدالرؤف

حييت أهلا وسهلا و مرحبا

وبعدا متألقا

[ميــرال]

ياسر عبدالرؤوف

مثل هذه النصوص الهادفه والغاضبه تبقى باالذاكره
شكرا لهذا المساء الماطر بك
والف اهلاً وسهلاً

[علي الحسني]

مرحيا يا ياسر تراحيب المطر

سعداء بحضورك الأجمل

وقصيدة لاتحتاج إلى تعليق هي تتكلم عن واقع

دام تألقك

[ناصر العلي]

شاعر عذب ومبدع ياياسر
تشرفت الابعاد بوجودك

[ياسر عبدالرؤوف]

.
.

القدير / وليد الفالح ..

توجتني شرفا بإطلالتك ..

دمت بود ..

ولاعدمناك ..

.
.

[ياسر عبدالرؤوف]

.
.

القدير / فهد الماجدي ..

شكرا لهذا المرور / النور ..

دمت بود لا ينفك ..

ولا عدمتك ..

.
.