سعد المطلق
12-25-2006, 09:34 PM
الشال الابيض والمساء والمقادير=والليله اللي مات من هو نساهـا
البنت هذي غير نعناعهـا غيـر=عشقتها عشق النجـوم لسماهـا
يالعنبوها جت تسـوق التباشيـر=جتني وانا اللي ميتٍ من ضماهـا
خيال ماادري حلم ماادري تفاكير=بس الوكاد اني سبحـت بفضاهـا
تشيلني وارقى على الغيم واطيـر=لا الارض تقضبني ولااصل مداها
رسمتها في غيمتيـن ونواويـر=وهي ارسمتني ضحكتين بسناهـا
حاولـت ادور للسعـاده تفاسيـر=لقيت حتى الـورد ينبـت وراهـا
يسعد صباحك يا صباح العصافير=لا غردت والكون يضحك معاهـا
يا كيفها كيف الـدلال المباهيـر=بيدين من هم هايميـن بغلاهـا
الذ من شربـة حليـب المغاتيـر=واشهى من الرمان مزة شفاهـا
لحظة سكوت وودعتني على خيـر=ولولا الحياء رجلي تسابق اخطاها
راح الكلام وضاع صدق التعابير=كله مـن النعنـاع ذاب وخذاهـا
البنت هذي غير نعناعهـا غيـر=عشقتها عشق النجـوم لسماهـا
يالعنبوها جت تسـوق التباشيـر=جتني وانا اللي ميتٍ من ضماهـا
خيال ماادري حلم ماادري تفاكير=بس الوكاد اني سبحـت بفضاهـا
تشيلني وارقى على الغيم واطيـر=لا الارض تقضبني ولااصل مداها
رسمتها في غيمتيـن ونواويـر=وهي ارسمتني ضحكتين بسناهـا
حاولـت ادور للسعـاده تفاسيـر=لقيت حتى الـورد ينبـت وراهـا
يسعد صباحك يا صباح العصافير=لا غردت والكون يضحك معاهـا
يا كيفها كيف الـدلال المباهيـر=بيدين من هم هايميـن بغلاهـا
الذ من شربـة حليـب المغاتيـر=واشهى من الرمان مزة شفاهـا
لحظة سكوت وودعتني على خيـر=ولولا الحياء رجلي تسابق اخطاها
راح الكلام وضاع صدق التعابير=كله مـن النعنـاع ذاب وخذاهـا