مليتــ .. ابي المسرا [الأرشيف] - منتديات أبعاد أدبية

عون القحطاني

12-29-2006, 03:30 AM

http://mr3o0on.jeeran.com/حزينه.jpg

حزينه هـ المصابيـــح ..
ونورها خافتـ ..
مــاالومها لو توارتـ .. اجزعتـ .. خافتـ
من الشارعـ المهجور .. حزن الرصيفـ / السور
مــاالومها لو توارتـ
وعيوني ماشافتـ ..
يوم قلبي يطيــــــح ..
حزينه هالمصابيـــح

عون القحطاني

12-29-2006, 03:36 AM

يالطريق ..

كل مامرت الايام

لقيتك .. بعيني
تـضــــــــيق ..

عون القحطاني

12-29-2006, 05:29 PM

هذا القلم وهاج .. وهاج
يجلي ظلام الورق
بشمعتين وسراج ..
يكتب للزمان الغابر
وشلون قلبه الصابر
رغم هذي الجروح
يبتسم ..
عـــــين ... وحجاج

عون القحطاني

12-29-2006, 05:36 PM

.
.

اركـض على ســطور الـورق
. . . . . مقفي من همــوم السنيـن
اركض حـــزن ..واركض ارق
. . . . . خطوات من جـرح وانيـن
خطوات عمري الـ .. انسرق
. . . . . اهات قلبي اللـي حزيـن
.

.

عون القحطاني

12-29-2006, 05:42 PM

انفاسك عطر ..
يشدني ..
وانا يســرقني العمر ..

.

.

حبيب عمري ردني
ارجع احبك مـ الصفر

عون القحطاني

12-29-2006, 05:43 PM

.
.

حبيبي اذا ابتسم ..

سبحان

اللي خلق

واللي رسم ..

عون القحطاني

12-29-2006, 05:48 PM

.
.

كتبتك ..
في سطور الحب كلمة
رسمتك..
في شفاه العمر بسمه
وغنيتك فرح
في ليلة عيد ..
الين اطربت بك عذب القصيد

.

.

عون القحطاني

12-29-2006, 05:52 PM

الليل قلب
والنجوم عروق ..
تمرها انفاسك
حنين وشوق ..
تسهر مع رمشك
الين يغفى ..
ويعلن الفجر للشمس الشروق ..

.
.
وقتـــ ـ ـ ـ ـــها
.

قلب الليل يوقف
والنجوم تطفى ..

عون القحطاني

12-29-2006, 05:53 PM

.

قلبي ..
مثل طفلٍ مشى
فوق الاشواك حافي ..
صاح وبكى .. يدور امه
تجي تضمه بحضنها الدافي
و تداوي جروحه ودمه ..

.

.

عون القحطاني

12-29-2006, 05:55 PM

.

.

حبيبتي ..
هذا الشعر مغرور وعنيد ..
ابسألك ..
من وين باكتب لك قصيد ..
وكل اللي بقى فيني وداع
ودمعتين ن ن ن ن ن ن .. وتلويحة ايد

..

..

عون القحطاني

12-29-2006, 05:56 PM

.

.

وين اشتكيك
حبيبتي ..
وعيون العتب امست سهارى
حيارى .. تتوجد وتبكيك
وين اشتكيك
هذا نصيبي منك .. سود الليالي
لحالي .. وقلب يناديك
ننتظر طلة النور .. وصوت عصفور
ينشد سنا الشمس .. للباب والسور
وحزن الشبابيك ..
حبيبتي ..
وين اشتكيك .

.

.

عون القحطاني

12-29-2006, 05:57 PM

.

.

لو شكيت الليل ..
عن صوتي الساري
في عتيم الكلام ..
عن هذا الرحيل .. وجفن الدمع عاري
ماكساه الظلام ..
مابرت روحي .. من جروحي ..
وينك حبيبي
لا تختفي ارجوك ..
من لي انا بعدك .. لو خانني وعدك
كل الدروب بغيبتك شوك ..

لو شكيت الصبح ..
لحلمي المقتول
في صدر السهر .
عن سطوة الجرح .. عن هذا الذبول
فـ اغصان الزهر ..
مابرت روحي .. من جروحي ..
وينك حبيبي
لا تختفي ارجوك ..
من لي انا بعدك .. لو خانني وعدك
كل الدروب بغيبتك شوك ..

عون القحطاني

12-29-2006, 05:58 PM

ياقلبي المسكين ..
الى متى تشكي الحزن ؟
الى متى تشكي الانين ..؟
هذا العتب موت .. والصوت
اخر مداه سكوت ..
حرفٍ مات بشفاهي ..
ودمعه على خد الحزين
ياقلبي المسكين

ياقلبي المسكين ..
من غررك بالحب .. هذه السوالف كذب
حكاية المجهول .. وارجوحة الايام
لو الليالي تطول .. كل الليال احلام
واوهام .. غرتك ياقلبي ..
وغرت معاك العين
ياقلبي المسكين ..

عون القحطاني

12-29-2006, 06:00 PM

.
.

ناي ..
ياعازف الناي ..
ليه انغامك حزينه ..
عزفك .. زوّد ابكاي
واظهر جروحن دفينه
كافي..
حزن كافي ..
لا تجر الوتر .. كافي ..
اوجعت قلبي .. يافتى .. الى متى
الى متى ؟
نور البدر طافي ..
والظلام يجتاح المدينه ..
الى متى ؟
ياعازف الناي ..
وانت انغامك حزينه .

.

عون القحطاني

12-29-2006, 06:00 PM

شاعر ولا لي بالشعر اي حاجه
ياكود جرحٍ بين الاضلاع وادمى

.

.

جرحٍ عطيب وين ابلقى علاجه
من حرّته اسـري ليـــاليه ظلما

عون القحطاني

12-29-2006, 06:05 PM

.

.

نسيم الليل
حبيبي
.. اذا مريت بانفاسه
وسهر رمشه ..
مع انسامك .. ولا نامك
وبيح لك من احساسه
مايغني عن احلامك ..
نسيم الليل
حبيبي
.. اذا مريت بانفاسه
بلغه السلام .. وقله
احبه حيل ..
وبوسه لي على راسه

.

عون القحطاني

12-30-2006, 01:38 AM

مشتاق انا لصوتك ..
والله ودي اسمعه .. خلي قلبي يذوب ..
الين ما اقدر اجمعه
ياللي انفاسك شجن ..
تقول لقلبي : تمّن
وكل المشاعر تتبعه

عون القحطاني

12-30-2006, 01:51 AM

غابت مراسيله
وغاب ..
والمدى يشكي حنينه ..
يشكي لمداهيله ..
الغياب ..
والرسائل من يدينه
هاجر ..
ومات صوتٍ بالحناجر ..
هاجر ..
وطاح دمعٍ مـ المحاجر ..
هاجر ..
وماترك لي الا العذاب ..
وروح .. تشكي مـ الغبينه
غابت مراسيله
وغاب
والمدى يشكي حنينه

عون القحطاني

12-30-2006, 03:15 AM

.

الأرض جدبا .. وقلبي اليوم ضامي
...................يبست عروقه .. في رجاء شربة الما

.
.

عون القحطاني

12-30-2006, 03:23 AM

/
\

اشعل قناديل المساء
واذوب .. اطراف الظلام ..
واحرك العتمه عسى
يطير من صوتي حمام ..
اطيره فوق .. مع الريح تسريبه
واحمله شوق .. قلب زاد تعذيبه
وكلما اتعبني سواد الليل
وسهرني طرفي ..
وبكاني حرفي ..
اشعل قناديل المساء .

/

عون القحطاني

12-30-2006, 03:24 AM

.
ابـــتسم وجه الصبـاح
...................... طاح من عيني نـجم
وانقضى ليل الجــراح
...................... ليل حزنــي والنـدم
واكتسى النور البراح
...................... يجلي الضيء العتم

:

:

:

عون القحطاني

12-30-2006, 03:26 AM

\
-
/

حبيبتي ..
لايذهلك كثر حزني
فيني سخط .. كل السنين الضاميه ..
فيني وجع .. كل الجروح الداميه
متراميه ..
متبعثره بكل جسدي .. حتى يدي
احسّها
تنزف
الم
:
:

.

.

عون القحطاني

12-30-2006, 03:28 AM

/
\

اطالع لمرايتي ..
واشوف الصوره مجروحه ..
اشوف حكايتي .. على الوجهين مشروحه
ياوجهي الميت على صدر مرايتي
نفس الملامح
اللي على وجهي الحي ..
شمس وسموم ولا بقى به فيء
وقت قسى .. وخل نسى
نفس الملامح .. ملامح اسى
اشوفها يامرايتي .. وكيف الصوره مجروحه
اشوف حكايتي

على الوجهين
م
ش
ر
و
ح
ه

:
:

عون القحطاني

12-30-2006, 03:32 AM

يــوم صار الهوى بـيــدك..
ليــه..تخلــف مواعـــيدك..

::

انـتـظـرتـك..ليلــة البــــارح
حتــى مـلّــني المـوعـد..
وذابـت نجــوم السمـاء بعـيـنــــي

انـتـظـرتـك..والشوق جارح
ولاجـيـتي على الموعـد..
وضاعـت دروب العشق فـيـنـــي

::
رحــت انـادي..
لآخـر مـدى..وبصـوتـي العالــــي..
ويــنك يامحـبوبـــي
مالــقـيـتـك..
بس الصدى..أو كـنـي الحـالـــي..
اســاير ذنــوبـــــي

امشــي عكس اتجاه الريـــــــح
مره اقـوم.. ومــرات اطيـــــــح
ضـيـعـتـني دروبـــــي ..
وضـاق بـي ثوبـــــي..

عون القحطاني

12-30-2006, 03:36 AM

ناحت حمامه..
..على غصن الجفاء والمواجع
وقتها..والليل هاجع
مرت غمامه حزن..
وانحدر غزر المدامع
وانطفى نور الشوارع...
اظلمت كل المدينه.. بعيني
ونامت الدنيا حزينه..بيديني
وبقيت انا صاحي..
اداري اجراحي
واللي حصل من غرامه
وقتها..والليل هاجع
ناحت حمامه ..

جرحني ولليل الظلام
ولا بقى..على الدنيا سلام
يوم تاهت خطوتي...
واختنق فيني الكلام
عرفت ان الغلا بعينه رخيص
وعرفت انه على الفرقى حريص
وعرفت انه سراب الوقت..
..كلما اشربه اظما
وعرفت انه ظلام الليل..
..كلمااسهره اعمى
ويجيني الصبح وانا ما نمت
افكر في كلامه..
واللي حصل من غرامه
وقتها..والصبح راجع
..ناحت حمامه

عون القحطاني

12-30-2006, 03:40 AM

صقلت من صمت الكـــلام سيـــوف
..................وجمعت من جــيش الهمـوم ارمـــاح
وسريت في ظلما .. عمى مااشوف
..................صوتي غضب .. قلبي تعب ماارتاح
وجه الزمن شاحب ..عذاب وخـوف
..................وعين الندم .. تبكــي علـى مـاراح

عون القحطاني

12-30-2006, 03:42 AM

.

.
احزاني ..
وهمومي ركايب ..
ربعت بين المحاني ..
ترعى من عشب قلبي ..
كل مااقبل الليل .. ولفاني
وين انت .. ياحادي العيس
وين انت .. ؟
افزع .. الحق ركايبك لاهنت ..
اجلها عني .. قبل يظهر هالنهار
اجلها عني .. مابقى فيني خضار ..
وش بقى مني ..
جرهدي الظلع .. ومعاليقي قفار ..
وعج وغبار .. هذي مباركها
وانت تاركها ياحادي العيس
وين انت ..
افزع .. الحق ركايبك لاهنت ..
ربعت بين المحاني ..
ترعى من عشب قلبي ..
كل ماأقبل الليل ولفاني .

.

عون القحطاني

12-30-2006, 03:44 AM

شيءٍ غريب
وماعرفته ..
امر ٍعجيب
ومافهمته ..
مدري ليه ..
عقول الناس مختّله
مدري ليه ..
قلوب الخلق معتّله
مدري ليه اشوف احساسه الميت
بالله تكفى ياصاحبي خله
يكتب على كيفه ..
يشرح تواصيفه ..
عن برده وصيفه..
يجحد احساسي هناك
ويكتب احساسي هنا ..
ياهو انا ..
شيءٍ غريب
وما عرفته ..
امر ٍعجيب
وما فهمته ..

ما طلبنا شوفت
عيونه وقده المياس ..
ولا اختفينا بيوم عن عيون الناس ..
ولا تواعدنا غرام ..
ولا تقابلنا هيام ..
شاشه .. كيبورد .. فاره
حروف .. واصابعٍ محتاره ..
وقلب ظالم ..
ياهو واهم ..
ياهو حالم ..
بالله تكفى ياصاحبي خله
يكتب على كيفه ..
يشرح تواصيفه ..
عن برده وصيفه ..
ينكر احساسي هناك
ويكتب احساسي هنا ..
ياهو انا
شيءٍ غريب
وما عرفته ..
امر ٍعجيب
ومافهمته ..

عون القحطاني

12-30-2006, 03:47 AM

.

ياأجمل أسرار الحياة ..
قلت لك اني اسير
لعيونك والهدب ..
ماهمني .. مهما حصل
وماهمني مهما يصير
لو ادروبك تعب ..
مالي انا عنك غناهـ
ياأجمل أسرار الحياهـ ..

صعـــب .. اوصف لك غرامي
صعب / مــــا يكفّــــي كلامي
ماتكفّيني الحروووووف
ولا تكفّيني الاســــــامـي
في وصف حبك يالمهاهـ
ياأجمل
أسرار الحياهـ

عون القحطاني

12-30-2006, 03:49 AM

الامل ليس مجرد كلمة ..
ليس مجرد جملة ..
بل عالم من الكلمات والجمل

/

ooOO( أمــــــل )OOoo

\
/
\
/
\
/

على نفس الطريق ..

ونفس الخطى

رمش عينه غريق ..

جرح وخطا

والسراب اللي على ارض قزاز ..

والامل مايقتله غيرالبطا

وذكريات العشق واسباب الهيام ..

والدروب اللي مغتشيها الظلام

وش عاد يجبر خاطره ..

والحزن ينهك ناظره ..

وجرح .. من قديم الازل ..

ضيعه جد وهزل ..

تعب يرتب هالجمل ..

امل ..

لا بل

ملل ..

نفس القيود

نفس الحدود

ونفس يسكنها الوجل

حتى بدا له نور ..

فجأه بدون شعور ..

ولحظه اعتراها الخجل ..

كّن السحاب يبرق من مقاديمه ..

الغيث همال المطر هتان ديمه ..

وارض القزاز ..

سقاها مزنٍ نزل ..

نبت زهر المحاني

واختفى ذاك السراب ..

رجع صوت الاماني

يسقى صفحة كتاب ..

رجع يرتب هالاجمل

امل

لا

بل

امل

عون القحطاني

12-30-2006, 03:52 AM

الورد ..
مايجرح الورد
والشتاء ..
لو خانه البرد
وزار حضنك ..
ومال غصنك ..
من زمان البرد

.
.

انا ادفاك بوهج حبي
رمشٍ غفاك .. بوسط قلبي
فـ الليالي المقفيه ..والشرد
والورد
مايجرح الورد ..

عون القحطاني

12-30-2006, 03:56 AM

البارحة ..
نبش صدري رمش طرفك
ونثرت حزني على كفك ..
وبيحت لك ذكرى قديمه ..
جارحه ..
وحب عتيق .. تعب من غيابك
واعتابك .. ومن طول الطريق
تعب .. ومن الظلام اختفت
ملامحه ..
البارحة ..
بيحت لك ذكرى قديمه ..
جارحه ..

.

عون القحطاني

12-30-2006, 03:58 AM

.

اهـ .. يافرق الاسامي عن بعضها
.................... اهـ .. ياكثر الجروح اللي تشابه

عون القحطاني

12-30-2006, 04:00 AM

تدرين ..

اني على مر السنين ..

واقف على دروب الامل

واقف ..

انتظر .. يمكن تجين

.

.

عون القحطاني

12-30-2006, 04:01 AM

.

.

.

السهر ..
صوتٍ بااخر السكه ينوح ..
يصرخ .. ينادي
على المواجع
على الحزن .. على الجروح
وانا ..
اما جاوبته عيوني
جاوبته الروح ..
لبيه يـ منادي
لبيه يـ منادي

.

.

عون القحطاني

12-30-2006, 04:03 AM

.

اصطفق .. مثل البحر من حر مابي
. . . . .وانتثر .. فوق الرمل جرح وحسافه

.

عون القحطاني

12-30-2006, 04:05 AM

.

.

.

جفت عروقي ..
ومافي الارض قطرة ندى
وبح صوتي ..
ومافي البيد صرخة صدى
وتاهت اخطاي .. بهالصحاري
تايه .. مضيع الوجّهه ..
ماصرت ادري وين غادي
لـ وين هالروح متجهه ..
جاوبيني ياعيونه
ودلني الدرب ..ياوجهه
ضايع ..
انا ضايع فـ هالمدى
جفت عروقي ..
ومافي الارض قطرة ندى
وبح صوتي ..
ومافي البيد صرخة صدى ..

.

.

عون القحطاني

12-30-2006, 04:08 AM

البارحه ..
اشتقت انا لجروحي ..
نفضت ..
غبار الصمت عــن روحي ..
حكيت ..
و غنيت ..
شكيت ..
و بكيت
ورجعت احضن
دمعي ونوحي ..
البارحه ..
ياليتني مااشتقت لجروحي ..

عون القحطاني

12-30-2006, 04:09 AM

.

وهذي الدروب
احساس ..
ياحالي .. يا مّر ..
تختار الدروب
الناس ..
تمشي عليها .. تمّر
يم الغياب .. او الوصل
واللي حصل ..
انها خذتها دروبها .. يم الغياب
اللي نست محبوبها ..
للحزن .. وسنين العذاب
على الدروب
قلبه يذوب .. بغيابها المّر

عون القحطاني

12-30-2006, 04:15 AM

.

نثرت لك .. ياصاحبي دمي
................حرف الشجن.. والهجر واوجاعه
ناديت لك صوت ملى فمي
................روحي ..ترى مـ البعد ملتاعـــه
ليتك تجاوبني وتجـي يمـي
................تعطيني من العمـر لـو ساعـــه

عون القحطاني

12-30-2006, 04:17 AM

..

.

بالي طويل ...
انشهد ان بالي طويل ..
كم لي وانا صابر على قلبي العليل ..
وصابر على جروحي ..
وعلى حزن هالليل ..
وذكرى .. وسّمت روحي .. من حزن هالليل
عشقت انا الصمت ..
واخترت الغياب
ورحلت للفرقى .. ولسنين العذاب
ولخاطرٍ طاب ..
بهمي وشجوني
واصابع هالندم ما ملت سنوني
تعودت ..
على عضة الناب .. والحظ البخيل
بالي طويل
انشهد ان بالي طويل ..

.

.

عون القحطاني

12-30-2006, 04:25 AM

.

اتنفسك ..ياعطــري الفــواح
...........يكتظ بك ..عرقـي وشريانـي
اطلقك ..للدنيا وانــا مرتــاح
...........همــسٍ يغنّينـي مـن الحــانـي
اشعل بك ..الانفاس والارواح
...........اطرب بك القاصي مع الدانـي

.

.

عون القحطاني

01-02-2007, 01:13 AM

.
.

اكتبينا يالمشاعر ..
عشاق .. نعشق هالجروح
واحنا والله لو نسافر ..
لآخر الدنيا ونروح
مابرح هم .. ولانزح غم
ولا سلمنا من الجروح ..

اعزفينا يالاغاني ..
للوتر .. واطراف الاصابع
للبحر .. وحزن المواني
لكل جرحٍ للوجع راجع ..
للمواجع ..
للتمني والاماني
لكل قلب ..وكل روح
حاولت انها تسافر
لآخر الدنيا .. تروح
ولا برح هم .. ولانزح غم
ولا هي سلمت مــ الجروح

.

.

عون القحطاني

01-02-2007, 01:18 AM

سهرتك ..
ليلة ظلما
ادور لك قمر ونجوم
ولكن .. خانت الظلما
عثرت ..ولا قدرت اقوم
..
ضميتك ..
ياغدير الما
عطش .. يالهفة المحروم
عطش ..
لو اشربك اضما
مدام انك حزن وهموم

عون القحطاني

01-02-2007, 01:21 AM

اقراك
بين الضلوع ..واستلهمك
احساس طاغي ..
وارسمك

من ناثر الغره .. الى قدمك

عون القحطاني

01-02-2007, 01:25 AM

جيت ..
ادور لك كلام
عمره مامر الشفاه
واصالحك
.

.

.
مالقيت الا الملام
واصل اخر مداه
وجارحك

عون القحطاني

01-02-2007, 01:36 AM

نصبح على وضح النقا
احباب ..
ونسري على دروب الشقا
اغراب ..
.
قلوبنا تشتاق
. .و ..
ارواحنا تشتاق
.. و ..
حروفنا تشتاق
.
واذا الدمع
بمحاجرنا رقا .. نرتاب ..
.
ونختار دربٍ غير الوصل
ونختار دربٍ غير الغياب ..

عون القحطاني

01-02-2007, 01:46 AM

.

فيـ غيابك ..
انتثرتي في حنايا الروح شوق
وما قدرت اجمعك ..
فيـ غيابك ..
احساسي رحل .. كل مافيني رحل
كأنه يتبعك ..
اخذيني معك ..
ماصرت اقوى رحيلك
اخذيني معك ..
لا تتركيني لسهر ليلك
ولـ عتابك ..

عون القحطاني

01-14-2007, 02:08 AM

_ 1 _

ليه انا ؟
محرومه عيني من الهنا ..
ليه انا ؟
قلبي مسافات العنا ..
وليه هذا القلم يجري
في خبايا الروح يجري ..
من هنا الى هنا ..
كلما لقى جرح جديد .. قام وكتب
على ضلوع الورق .. هم .. آهات وعتب
كنه يقول:
صاحبي ياصاحبي موتك دنا ..

.

.
_ 2 _

ليه انا ؟؟
فـ غيابكم اشقى
يامشغلين البال ..
مليت انا الفرقى
مليت مـ الترحال ..
لو غيابكم طول .. اجي انا واسئل
ادور عذر كاذب
لاجل اسئل الغايب ..
ليه غيابكم طول .. وليه الهوى ميال
لو فـي بعدكم مرتاح .. ماشكيت هم السنين
شوق وحنين .. وجراح
وظلمى ماوراها الا التعب
وماانكتب ..
على ضلوع الورق .. شعر وآهات وعتب

.

.
_ 3 _

ليه انا ؟؟
صمتى سكاكين وخناجر ..
مزقت صوتي
افواه وحناجر ..
ان حكيت .. ويش ابحكي
ان شكيت .. ويش ابشكي
ماغير دمعٍ امتلت منه المحاجر ..
وحيرة تكسي اطراف وجهي
من لمح وجهي سألني
علتك ياخوي وش هي ؟
ما درى
ان صمتي سكاكين وخناجر
مزقت صوتي
وقربت موتي
وما درى
مادرى . .
ان الوجع فاجر ...

عون القحطاني

01-14-2007, 02:18 AM

هذا القلم لـو نشـف حبـره = يطوي الورق صدق الاحساسي
العاشق اللـي شكـى صبـره =لليل يشكي / الوجـع قاسـي
لليـل ياصاحـبـي عـبّـره= تفيض مـن حـر الانفاسـي
للعشـق للهجر .. للجمـره =للمقفـي /المبعـد / الناسـي
للدمـع .. للهمـس والنبـره = لشعري وصـوت هوجاسـي

عون القحطاني

01-14-2007, 02:25 AM

تعالي ..
يااطهر .. من عرف قلبي وحبه
تعالي ..
يااصدق .. ماكتب شعري في حبه
تعالي ..
يااروع .. من سرق عقلي ولبه
شاعرك .. والله ميت ضما
تعالي ..
مثل المطر لمنه هما
من السما ..على ارض الجفاف
تعالي يأم الطهاره والعفاف
تعالي

عون القحطاني

01-15-2007, 12:12 AM

.
.

الورد ..
ياناثر الورد ..
اسقه ..قبل لا يموت ..
شف هالصحاري جرد
لو مر فيها الصوت
ماله صـــــدى او رد
صوت الفرح مكبوت ..

عون القحطاني

01-15-2007, 12:19 AM

في عيوني ..
للسهر شباك ..
للهوى .. وليل التباريح
.
.

كلما احاول اقفل الشباك
غصب (ن) علي ..
تهجّه الريح .

عون القحطاني

01-20-2007, 02:37 AM

القلب.. والشـوق بـه وقّـاد
...................والليل يشكي لـي غيابـك

عون القحطاني

04-08-2007, 04:09 AM

http://gulf.salmiya.net/songs/maddah/ram/maddah155.ram

عون القحطاني

05-28-2007, 03:34 AM

ما تضيق ..
وانت طيرٍِ بالسماء حرِ طليق
ما تضيق
.. ولك جناحٍ .. والفضا كله طريق
لا يهمك لا مباني ولا شوارع ولا مساكن
مايهمك لا مسافة ولا اتجاه ولا اماكن
تقضي ايامك سفر ..
تملى عينك بالنظر
كل هذي الارض تحتك
برها والا البحر
تعتّليها ..
وانت طيرٍ بالسما حرٍ طليق ..
ما تضيق ..
ولك جناحٍ .. والفضا كله طريق ..
.
.
تسافر ..
كل ماهبتك ريح ..
تسافر ..
لا هموم .. ولا حزن قلبٍ جريح
تسافر ..
لا حنين .. ولا غرام ولا مشاعر..
مستريح .. ماتبات الليل ساهر ..
للهوى .. والشوق .. والرمش الغريق
ماتضيق ..
وانت طيرٍ بالسما حرٍ طليق ..
ما تضيق ..
ولك جناحٍ .. والفضا كله طريق ..

.

عون القحطاني

07-15-2007, 07:30 AM

نواري ..
وردٍ توّج اشعاري ..
اصدق مابيّح اسراري ..
حلم ليلٍ عتيم .. يتعب في كفه القاري ..
حب قلبٍ قديم .. اجمل ماجابت اقداري ..

نواري ..
اسراب من الحمام ..
تزفها الريح فرحانه ..
تعانق مزون الغمام ..
مبسوطه .. وولهانه ..
يغازلها النسيم .. نسيم الليل والساري ...
يباريها النسيم .. حتى اخر اسواري
نواري ..

ياقبلة الروح .. واصدق ماعرف قـلبـــــــي = يازهــــــرة العمر .. يافلــــــه وريحـــــــانه
يامنوة اللي تمنى .. بالهــــوى قربــــــي = ياشـــوق عيـــــنٍ تبـــــات الـليل سهـــــرانه
يومٍ نسيم الهوى من وجـــهته غربــــــي = تعزف حــــنايا الحشا .. من صادق الحــــانه

...................................... = .......................................

عون القحطاني

07-15-2007, 07:41 AM

ياجود الحزن .. والليل قاسي = هبي رياحك وانثري بي الاغاني
دلايل اسمك للالم والمأسي = ودلال قلبك .. يستكّن الاماني
للبحر هيبه في جيمع المراسي = والقارب المجنون شوق المواني
مثل الكرم لطوق العز راسي = ومثل الهوى لغازلته المحاني

عون القحطاني

07-15-2007, 07:55 AM

يازين .. تلعب على الحبلين
وانا معك من وين :
ماودك توديني
غاوي وتغويني ..
فاتن .. ومدلع
تبعد وتجفيني
وتتركني مولع
خذيت مني القلب ..
وخذيت مني العين ..
وانا معك من وين :
ماودك توديني
يازين .. تلعب على الحبلين

عون القحطاني

07-17-2007, 02:30 AM

ياكثر مافي القلب .. من حره = وياكثر مافي العين همالي
مالي جدى ..غير اني اجره = صوت الحزن في صدر موالي
وابيّح اللي لو خفا سره = صدق الغلا اثبت به اقوالي
اعتب على الغالين واتشرّه = حيثٍ لكم بالقلب منزالي
ماارخصتكم بالحيل لو مره = ماارخصتكم بالحيل .. يالغالي
اللي يكذبني عسى يسرّه = بعد القلوب .. وفرح عذالي

عون القحطاني

07-20-2007, 04:29 AM

.

.

سجين السهر
سجّانه الليل .. وضي النجوم حراس
همومه سياج ..
ومقيد بالعتب ..واذا تعـب له حجاج
وغفت عينه .. لجت به الانفاس ..
سجين السهر ..
من القهر .. اذا كتب
اذا كتب .. من الالم ..
مابه قلم .. ولا ورق وادراج
يكتب على الجدران ..
هذا السجن احزان
وملعون هالاحساس
ملعون هالاحساس ..

عون القحطاني

07-20-2007, 04:30 AM

.
.

تمشي بالظلام ..
وفي يدك قنديل
وقلبك الخايف .. لا تهب الريح
وينطفي القنديل ..
وتتعثر اخطاك بهالسواد.. وتطيح

.

.

عون القحطاني

07-20-2007, 04:37 AM

ياهاجــس الذكرى .. عليك الملامه
درب نســيته صـــار لي عنه مــده

* *

ذكرتني الـمسرى وهديــل الحمامه
ذكــرتـنــي درب(ن) احــبــه واوده

* *

ذكرتني الشعر . .المطر و الغمامه
لعيون من عذب خفوقــي بصــده

.

.

.............

عون القحطاني

07-20-2007, 04:38 AM

.

.

احبك ..
كلمة تجري في عروقي
احبك ..
كثر ما يفضحني شوقي
احبك

عون القحطاني

07-20-2007, 04:41 AM

يقول لي سوووولف.
.:.

.

.

لو قلت لك اني خايف ..
من السوالف
.
حيل خايف
لتنطفي شمعه ..
او
اذرف الدمعه ..
على ذكرى الولايف ..

عون القحطاني

07-20-2007, 04:43 AM

حبيبتي
هذي يدها في يدي ..

.

.

وقلبها
ابعد علي من الجدي

عون القحطاني

07-20-2007, 04:45 AM

ا ,,, حـــــ ,,,,,, بـــــــ ,,,,, هــــــ ,,,,,, ا
::
::

احبها
وكلما اذكروا لي اسمها
اتوووووه ..

:

احبها
ومن لامني في حبها
معتوووووووه ..

::
::

ا ,,, حـــــ ,,,,,, بـــــــ ,,,,, هــــــ ,,,,,, ا

عون القحطاني

07-20-2007, 04:53 AM

حبيبتي

وش اخر هالدروب السرمدية

.

ان كان قلبك خلي

.

.
انا عيوني شقيه

عون القحطاني

08-09-2007, 02:00 AM

.
.

قول لي ..
وداعنا بالله وش اخره ؟
يعني فراق ؟
نقتل ولهنا والاشواق
نهدي التعب
للروح .. والدمع للاحداق
يازين ارجع ..
فراقك القاسي ماينطاق
ابسألك ..
باسم المحبه
والاماني الطهاره
قول لي ..
وداعنا بالله وش اخره ؟

.

.

عون القحطاني

09-21-2007, 05:12 AM

كانت ليله مظلمة وظالمه
كان الظلام دامس ..
والكون اختفى .. واختفت معالمه
وكان الحزن حابس ..
قد انظره
ضيء السراج ..
واصوات الرياح الشاحبه
وكنت انا جالس ..
تحت شجره
ضجيج .. ازعاج
مثل الموسيقى الصاخبه
اسمع اصوات الرياح ..
وغصون الشجر متساويه
عاريه .. كنها رماح
بلاملامح
خاويه ..
تمر من بينها الريح
اخر اوراقها تطيح
للهاويه ..
الا غصنٍ نحيل
وفي اخر اطرافه ورقه ..
يشتكي فصل الخريف
يشتكي من الوقت .. اسرقه
يخافها تطيح ..
اخر اوراقه
على اطراف الرصيف ..
يخافه يصيح ..
بعروقه فراقه
ويعشق الجرح النزيف ..
ليه تقبل الاوراق عناق الهبايب ..
ليه صار لكل غصن جرح غايب ..
وصار الخريف حارس
قد انظره
ضيء السراج ..
واصوات الرياح الشاحبه
تمر
الغصن
وتعــــــاتبه

عون القحطاني

12-17-2007, 12:36 AM

سجنٍ .. بدون ابواب
حزنٍ.. بدون دموع
وشمسٍ .. بليا حجاب
وليلٍ .. بليا شموع
والخايفـ ..
المرتابـ ..
يلوعـ قلبه لوع
جرحٍ غدا له ناب
ينهشششـ دروبه جوع

عون القحطاني

04-11-2008, 08:45 AM

نكتب .. نعيد
مابه جديد
غير الحزن
وحظ عنيد

عون القحطاني

05-16-2008, 04:37 PM

واللي خلق بالارض مثلك

انك
عن
اهل
الارض
فارق

عون القحطاني

05-16-2008, 04:45 PM

.

يانهر .. عذبك سقى كل الضفاف .... وارتوى غصن المحبه .. يانهر

عون القحطاني

10-02-2008, 09:07 PM

ياهلا بالعيد ..
هلا بالناي والموال
وكل اللي سجع بالبال
من طيف وقصيد

عون القحطاني

11-03-2008, 02:46 AM

كم لي ..
وانا غايب
عن دفتر احزاني
اشتقت
لي والله
وجيت اقراني

عون القحطاني

11-20-2008, 02:53 AM

؛

سجين البال ..
من شدّوا على قيدك ..
وحالك حال
لا كلمة .. ولا بسمة
ولا نسمه ..
تجر بداخلك موال

.

.

عون القحطاني

12-06-2008, 01:55 PM

اعيد

واعيد

واعيد

..

.
ياهلا بالعيد ..
هلا بالناي والموال
وكل اللي سجع بالبال
من طيف وقصيد

عون القحطاني

03-14-2009, 07:51 AM

.

.

صباح الطهر .. يايمه
فديتك ..
والله بعمري
صباح الطهر .. يايمه
عسى ماضقتي من بعدي
عسى ماتعّبك بُعدى
فديتك ..
ياشذا الجنه ..
عساني ماانحرم شمه
عساك بخير ياعمري
عساك بخير يايمه

.

.