ولهان لك وبغيبتك صدق عانيت ..

[أحمد عبيد العدواني]

مساء الخير ..
لقلوبكم

ياقلبي اللي كل فرح(ن) يطوفك
خطاك يوم انك بطيبك تماديت

ودّع همومك مع هواجيس خوفك
ياما خواطر لجلها حيل داريت

البارحه يافارق(ن) في وصوفك
حاير ولاتستغرب اني تباطيت

دمعي ليا زارت عيوني طيوفك
من نار شوقي والوله والتناهيت

البرد بعدك والدفا يوم اشوفك
وانا ليا منّي دفيتك تهنيت

من بعد غيبه سببّتها ظروفك
من قلبي المشتاق لك حيل ناديت

محتاج لك مشتاق روعة حروفك
لو اوصف احساسي فلاظن وفّيت

مشتاق لملامس كفوفي كفوفك
ولهان لك وبغيبتك صدق عانيت

يفداك من ودّه بقلبي يعوفك
اللي يحسب اني دلهت وتناسيت

ياللي مجنني بروعة وصوفك
لاجيت شف تأثير قربك ليا جيت

[نادرة عبدالحي]

. ولهان لك وبغيبتك صدق عانيت .


والغياب إن زار الديرة ودخل بيت الولهان
يأتي رفيق الدرب إلهام لا يغيب يجعل من الغياب جنة

[عبدالله البطي]

لاجيت شف تأثير قربك ليا جيت...
..قرأتها وحفظتها جميلة لاتنسى
صح لسانك .

[عبدالإله المالك]

بوح شعري رائع وجميل
وغنائية آخاذة

تقبل الود .. أحمد العدواني

[صالح الحاتمي]

احمد العدواني

يامن سكنت بشعرك في ظلال الابداع

والعذوبه

صدقني لقد عشت هنا بين جنبات روحك النقيه


استطعمت شعرا حقيقيا هذا الصباح الجميييل


تقبل مروري البسيط