البعد بعض احيان يصبح سعاده ..

[أحمد عبيد العدواني]

مساء الخير ..




البعد بعض احيان يصبح سعاده
بعدك عن اللي شوفته تجلب الهم

نقّال حكي وكل هرجه نكاده
حاسد ولاسرار المخاليق يهتم

دايم علومه قابله للزياده
طبع التشفّي فيه يمشي مع الدم

من طبعه المكشوف وش استفاده
لاكافح بطيبه ولازادنا غم

ماهو من اللي لاتضايقت ناده
اللي ليا احتجته على لازم(ن) تم

وانا ماني مسلوب عزم وإراده
الصمت اخير من التفاهات والذم

ما كل من سولف لقى له اشاده
والهرج يسمج لاوصل غيبه ونم

ناس(ن) تفرّق ماتحب الركاده
وناس(ن) تبي لقلوب الاصحاب تلتم

كلن يبي يجني ويلقى حصاده
ولادامت الفرحه ولا دايم(ن) هم

[عبدالإله المالك]

شعر رصين
يدلل على معتقد صاحبه

تقبل التحية والود .. أحمد العدواني

[فهد الماجدي]

صح السانك ولاهنت يالغالي

يعين الله

التحية والتقدير
’

[جمال اللميع]

صحيح ماقلت

وصح لسااانك


رائع