وديعك الله

[رحيل عواد]

وديعك الله ياجميل الوصايف=انت الوحيد اللي عيوني بِكنه
هلت دموعي فوق خدي ذرايف=مثل المطريوم العيون انثرنه
واصبحت للعيشه من اليوم عايف=والقلب نيران ألفراق احرقنه
ياصاحبي مالَك ومال المصايف=جو الهوى وياك يازين فنه
مادامني وياك كنا ولايف=عطفك ولطفك والغلا لاتمِنه
غيرك من الزينات ماني بشايف=حتى ولو ان العيون انظرنه
أعشق صدى صوتك وهمس الشفايف=يوم انت قربي عايشٍ وسط جنه
من يوم غبت وخافقي صار خايف=باح الكنين وجر له ألف ونه
لو باتحسف ماتفيد الحسايف=من ينصف المغرم الياخاب ظنه
إ رجع ترى صارت حياتي كسايف=وامسح دموعٍ من بكاه أغرقنه

[ميــرال]

قصيده ممتعه
كل الشكر يارائع الحضور
مبدع واكثر

[عبدالإله المالك]

جو الشعر وإياك يا رحيل يازين فنه
قصيدة أكثر من رائعة
وإن كان مطلعها يجبرك على التدقيق والقراءة لأكثر من مرة

تقبل الود والتحية

[بدرية البدري]

رحيل عواد ..

قصيدة تنساب كالماء الرقراق من بدايتها لنهايتها

فائق تقديري

[رحيل عواد]

الاخت وا لشاعره ميرال الف شكر على هذا
الإطراء بارك الله فيكي تسلمين

[رحيل عواد]

الاخ والمشرف العام (عبد الإله مالك)تسلم لي
يااستاذي العزيز وأعدك بالأفضل انشاء الله

[رحيل عواد]

الأخت (بدريه البدري)شهادتك وسام على صدري
تسلمين على هذا الشعور حول القصيده
فوالله لن استغني عن منتدى ابعاد لسبب
واحد وهو اخلاق المشرفين والقائمين عليه

[صالح العجيمي]

رحيل عواد .....

صح لسانك ... نص جميل جداً

[عبدالله بن مستور الحارثي]

رحيل عواد
صح قلبك
نص ممتع
لاهنت

[رحيل عواد]

الاخ الشاعر /صالح العجيمي تسلم على هذه
المشاعر الصادقه الله يبارك فيك ياغالي.

[منتهى القريش]

رحيل عواد

نص شعري جميل استمتعت بقراءته ..

شكراً لروحك ..

ود وورد ..