تغريدات شعراء وشاعرات أبعاد /تويتر

[بندر الصقر]

آخر هجوس المسا وأول دروس الصباح؟
ما كن غيرك بلوحي يا بعيد انكتب!

اللي تخبره بقلبي لك عتقته وراح
وانت اطلب العفو عن جملة جحودك و تب

يا حظ من موت إحساسه معك واستراح
ولا كشف عن غطا اقلامه بيوم وكتب

ماني معاتب لأني مانويت السماح
انا ليا عفت لي حاجة رفعت العتب

[محمد علي الثوعي]

النخله اللي بليا عذوق
من هو قطف تمرها الحالي

اللي زرع صاير" مسبوق
واللي حصد داله" سالي

محمد الثوعي

[بندر الصقر]

دوّر على رقمي اذا اشتقت تلقاه
عندك مع اللي ( لم يرد عليها )

لي حد مقدر يالحبيب اتعدّاه
وانته حدودك عزتي لا تجيها

ما دون لمسك للكرامة بلعناه
عشان عينك يمكن يبين فيها

واليوم عفنا الوصل منك وقطعناه
حديتنا لـ اقفايةٍ مانبيها

[عبدالله العتيبي]

هو ليه إسمك غير كل الأسامي.؟!!
او هو مجرد طيف عابر من النور.؟!!

[عبدالله العتيبي]

منت ابد مجبور في رد السلام .؟!!
كان هو واجب ترى الواجب علي
|"|
إنت يكفي لو تبسم إبتسام .؟!!
لأن بسمة ثغرك تساوي هلي

[بندر الصقر]

القلوب اللي خواها مخليها قبور
قربها تضييق خاطر وفرقاها سعة


والغياب أحيان يغنيك عن شبه الحضور
والعزيز ليا نوى صد ما تفرق معه

[ياسر إبراهيم خليفه]

ياليل العنا هذا القلب ماوده
يجرح قلوب صعب النوم يداويها

ياليل العنا ما أطولها المده
بين رمشة عين والدمع تاليها

ابي رياض الروح من نور جده
ومن اسيوط الصوت ناطق بيها

[بندر الصقر]

وش تحفظ الذاكرة عقبك و وش تحرق
غير انكسار ومعالم شيب و غياب


وإن جت طعوني بيدك وطحت. ماتفرق
كثرت سكاكين والا كثروا أصحاب