الشماليه ..

[مرضي البلوي]

موحش الليل ، والاجواء شتويه=ذكرت قلبي اللي كنت أبنساها
ذكرياتي مع ذيك [ الشماليه ]=تدمي القلب ما بالك بذكراها !
كانت وكنت يوم قلوبنا حيه=من قبل لا تموت أجمل مزاياها
كلنا عطف .. واشواق .. ومحنيه=لكن المشكله في يوم فرقاها
لحظة شوي : عذراً ( للأهميه )=أدري البنت تبغاني وأنا ابغاها
بس في وقتها وش كان بيديه ؟=غير أناظر واقول الله يرعاها
لني أيقنت فعلاً ماهي بـ ليه=راحت بدربها .. مارحت وياها
أمنياتي لها في عش زوجيه=فيه رجال يسعدها ويحماها
ولا أنا حالتي ميتين .. بالميه=سيئه والظروف ظروف .. ماقواها
( سيئه جداً ولاهي طبيعيه )=أنجبرت ابتعد والقلب يهواها
ضايقه فيني ارجاء السعوديه=في جميع المدن لو رحت بلقاها
أفتكر .. للمحت رجال وابنيه=عيني ، ولا يوقف عندها ماها
[ يالدموع الغزيره ] كفي شويه=يكفي الصدر ينبع ضاق برجاها
وين ابدله ووين اسوق رجليه !!=وين أبلقى وأنا مرضي حلاياها
يقطع الحُب .. وجوائه .. وطاريه=والدروب الذي لجله مشيناها


موحش الليل ، والأجواء شتويه=ذكرت قلبي اللي كنت أبنساها

[عبدالإله المالك]

يا مرضي لقد أرضيت الذائقة
بهذه الأبيات الرقيقة الوجدانية
ولكنني لم أستسغ هذا البيت في آخر كلمة في صدره
كلنا عطف ...

[وليد الفالح]

رائع أيها الشمالي
تقديري

[ساره عبدالمنعم]

جميلة جدا
موحش الليل ، واﻷ‌جواء شتويه=ذكرت قلبي اللي كنت أبنساه

[فهد الغبين]

الرائع مرضي

بل موحش الشعر الذي لا يمر بنا من دهاليز روحك الرائعه

ما أجملك من مبدع

[وداد الجابري]

مرضي البلوي
قصيده رائعه
سلم بوحك ودام قلمك
سجل اعجابي
اختك وداد

[إيمان محمد ديب طهماز]

أجل والله يامرضي :

موحش الليل ، والأجواء شتويه=ذكرت قلبي اللي كنت أبنساها

لامست قلبي قصيدتك

رائع يا مرضي

سلمت الأنامل

[الرَّنْد]

يقطع الحُب .. وجوائه .. وطاريه=والدروب الذي لجله مشيناها

السخط على الذكرى لا الحُب الحُب جميل يُضاهي جمال هذه الإنسكابه المُغريه,والمُدهشه .
سلم الإلهام وفآئق التقدير