سفينة نوح

[عبدالرحمن العتيبي]

فمان الله ياحبن مضى كله الم وجروح=فمان الله ياخلن سكن في قلبي وعيني
ابركب قبل لاغرق في بحر حبك سفينةنوح=عساي اسلم بروحي بعد مازدت الوجع فيني
اببعد عنك ياللي كنت ساكن قلبي المجروح=ابرحل عنك لديارن غلاها في شراييني
ابي ذيك الديار اللي غلاها في سماي يلوح=عساي القى بها بعض الحنان اللي يسليني
مادام ان الهوى كذبه وحبك تاليته مزوح=ابدور على غيرك حبيبن عنك يغنيني
بعد خليتني عايش جسد لكن بليا روح=وانا اللي كنت احسب انك من جروحي تداويني
غلطت وقلت لك عادي هجرت وقلت لك مسموح=قسيت وقلت يمكن لانظر عبراتي يليني
تهون المشكله لو هي غلط واقول لك مدموح=لكن المشكله جرحن حصل بين المحبيني
بعد ذاك الفراق اللي حصل ياقلبي المذبوح=انا الغلطان ياقلبي ترى جرحك من ايديني
انا ماكنت اثق فالحب لكني عجزت ابوح=امانه لاتحاسبني ترى مافيني يكفيني
مادام الحب صار اليوم لعب وتسليه ومزوح=مادام اللي شريته باعني ماعاد يغليني
ابرحل للديار اللي تداوي علة المجروح=عساي القى بها حبن من احزاني ينسيني

[فاطمة المالكي]

صعب لا كثرت المشاريه واداويها بشاش سموح
صعب لا خابت هقواتي في اللي كان رجاي يداريني


صح منطوقك عبدالرحمن .
عسى تلقى الديار اللي تداوي علة جروحك ،

تقديري ..

[عبدالإله المالك]

رحيلك زاده بوحك الشعري
وإلى أبعادك أدبية
أبيات جادت بها
حبكة شاعر ...
ومشاعر والهٍ لا يكابر
عبدالرحمن
تقبل خالص الود والتحية والتقدير

:)

[ساره عبدالمنعم]

جميل هذا البوح
دمت بكل الخير

[إبتسام محمد]

"
.
.



منَاجَاةُ شَوقْ لـِ أحْضَانِ ذِكْرَى وَعِتَابْ مُنْكَسِرْ عَلَى شُرُفَاتِ حِنين
صَح بُوحَكـ أُسْتَاذِي الفَاضِلْ ..

مَودتِي ..

[بلقيس الرشيدي]

مرَارةُ الفِراقْ تَستقطبُ كُل إبداعْ كيْ يكتُبنَا حُزناً مُمتعاً !
صح يِمِينك ياعَبدالرحمن ولكَ كُل التقدِير

http://www.albrens.com/vb/uploaded/4563_1251393963.gif (http://www.albrens.com/vb/uploaded/4563_1251393963.gif)

[أنور السيفي]

الاخ الكريم عبد الرحمن العتيبي

هُنا وداعيه عتابيه

وقلب كريم

لكن


رغم التضحيات

الا ان المحب

اختار مايزيد من ألم


قلب عبد الرحمن

فقرر ذلك القرار

وهو البعد


عسى ان يجد القلب

مايسليّه..


شكرا ً

تقديري

[عبدالرحمن العتيبي]

صعب لا كثرت المشاريه واداويها بشاش سموح
صعب لا خابت هقواتي في اللي كان رجاي يداريني


صح منطوقك عبدالرحمن .
عسى تلقى الديار اللي تداوي علة جروحك ،

تقديري ..

القديره فاطمه المالكي
كل الشكر لك على تشريفك لي بتواجدك الكريم
الذي ازدان به متصفحي المتواضع ودمتي بخير