أبيات يتيمة ,, { صفحة لكل قافية يتيمة }

[عبدالله صلال العساف]

سولف التاريخ لكن ماروانا
وأبعد ايدوّر بشر من مستواه
سولف اللي قبلنا ...بس الورانا
وش يسولف عننّنا للي وراه ؟؟

عبدالله صلال العساف

[النايفة]

الهم والهوجاس صاروا لي اصحاب
ودموع~ وأحزان ~وحمولن ثقيله

ما عاد لي قدرة على شرح الاسباب
ولا عاد لي حي(ن) ~اروح ألتجيله


البيد

[رشا عرابي]

إنته بي دِنيا ـــــــــــــــــــــــــــــــــــــــ وأنا منك اغتراب

يا شجون ويا فتون ويا ألم

لو دَريت إنّي بحسبانك سراب

كِنت بمشي لا حسافة ولا ندم

[همس الطيف]

ماعادت الدنيا بـ عيني وسيعة
................ وماعدت اميز أرضها من سماها
كبرالحزن في خاطري ما استطيعه
............... والعين غرقى في سواليف ماها

[فيْصَل الصَقّار]

📌
نركض لها.. توقف لنا.. ترجع.. نطيح ..!
حياتنا بصبح الفرح حزن ممسى .......//

وش كبر عذري / غلطتي .. بس أنا ريح ..
وهذا الورق لا اذكر ولا اعرف ولا انسى ...!

[أحمد المالكي]

لملم بقايا الليل لا جيت مقفي
ما عآد لي في تالي الليل حاجه

لا يارفيق الهم والحزن يكفي
نام القمر وسهيل طفى سراجه

أحمد المالكي

[بدر عتيق الحربي]

لروحه التي ترفرف في أعماقي

اشتقت لأيامك وطيفك ونجواك
واشتقت لاخبارك ولو هي قليله
لاغمضت عيني اناديك والقاك
في "الحلم" والا رجعتك مستحيله

رحمك الله اخي الغالي

بدر الحربي

[سلطان عتيق الحربي]

الكامل الله والخطا طبع الانسان
والعذر واجب والقدر شي محتوم

كل (ن) معرض للخطا وين ماكان
ولحدٍ من الزلات محمي ومعصوم

سلطان الشوق