الشوط الإضافي

[حسين البليهي]

أدري كثرتها عليكم كل يوم قصيدة اعذروني هاليومين شهيتي منفتحة على الشعر لكن عسانا بس نرضيكم
القصيدة مسندة لأخي الغالي /سليمان صفوق العنزي

سليمان بهر دلتك ياسليمان =ابتفنجل قهوتك ياالسنافي
تقدر تقول اني على البن خرمان = ماهو كبتشينو ولاهو بكافي
يشهد علي الله ياطيب الشان =قبل ابتدي بوح الوزن والقوافي
اني احبك حب من جوف الاخوان= (في الله) والله عالمٍ بالخوافي
ياخي أحسك ممتلي دين وايمان= ياخي أحسك شخص طيب وصافي
يااخي أحسك في كثير مْن الاحيان = - من غير مازكيك - رجال وافي
في عالمٍ كله عقارب وديبان= في عالمٍ فيه المساكن منافي
عالم وجيهه كل لحظة لها الوان= نوبات منْتَعْلة ونوبٍ حوافي
وانا تراني متعب و(حيل بردان)= حتى لواني قلت لك (حيل دافي)
لكن تراني راضي , وشفت الانسان= لمن سلم دينه تراها عوافي
الندْح لمن غاله الموت يافلان= وفوق القبر قامت تكوح السوافي
ماينفعه قولة فلان الفلنتان =والمشكلة مافيه شوطٍ إضافي
ياحفرةٍ فيها حيايا ونيران= ياروضةٍ فيها سعيد مْتعافي

[سعيد الدوسري]

إي والله صدقت وصح لسانك يا اخوي يا حسين


المشكلة ما فيه شوط إضافي


صح لسانك

ونعم فيك وفي سليمان العنزي

[سلطان ربيع]

هلاً أبو ريان
وربي صدقت
وعسى الله أن يحسن خواتيم أعمالنا يارب

وأتمنى منك أبو ريان
إذا أمكن رد أخونا سليمان عليها .

ودمتما بخير

[العـنود ناصر بن حميد]

أهلاً بكل ما تحمله لنا

من قصيد

حسين البليهي

صح قلبك

ودام تواصلك الكريم

[نواف التركي]

حسين البليهي



أتمنى أن أرى من يكثر ولكن بنفس طريقتك , وبنفس مواضيعك التي تعيد لنا الثقه بالشعر , مهما قلت يا حسين فلن أوفيك حقك فـ أنت يا سيدي تغرد خارج السرب , صح قلبك يا حسين ودمت بخير.