سلة وجع .؟!!

[عبدالله العتيبي]

ياصعبها بعض المواقف على الروح
وياقوّ صكات الزمان بجبيني.؟!!
|"|
إحساس عابر لكن إحساس مجروح
تؤلم حقيقة واقع الوقت فيني.؟!!
|"|
حاولت اجاري حزن الأيام بالبوح
لكن لقيت الصمت يلوي يديني
|"|
ياعين ابوي الهم من وين ماروح
ألقاه في روحي كذا محتويني
|"|
صحيح عايش لكن القلب مذبوح
وفي كل ابو حال الحزن مبتليني
|"|
آوّآآآه ياصدري من الهم والنوح
كن الليالي بالحشاء تكتويني
|"|
واحة مشاعر خاطري مابها دوح
إلا عليها طير من حزن عيني.؟!!
|"|
وسلة وجع عمري محاصيلها سفوح
ترجد شخاليله على مسمعيني
|"|
واصيح ويقول الزمن صيح مسموح
مدام حظك مات ربك يعيني.؟!!
|"|
من تبحر أحلامه على قطعة اللوح
ماعاد يمدي لو يشوف السفيني
|"|
فيني ألم وآهات وهموم وجروح
من وين ابقلبها فرح ياضنيني!!
|"|
لا لاح في بعض الصدف بارق فروح
يمسي سواد الليل بينه وبيني.؟!!
|"|
وأرجع على عمياي متعب ومطروح
فوق التوجّد والعناء والحنيني.؟!!

[عبدالإله المالك]

كتلة من المشاعر
وسلة أوجاع

ودوحة عبق شعري
وتألق بوح ذات

أبيات رائعة جدا
قصيدة تعانق عنان السماء يا عبد الله

لك من الود حتى ترضى
:)

[مريم النقبي]

أبدعت في سرد تفاصيل ذلك الوجع يا عبدالله ..


صح فكرك وإحساسك ..

[ساره عبدالمنعم]

صح إحساسك
وروعة الحرف
جمال بحد ذاته

[نادرة عبدالحي]

سلامة قلبك من الوجع شاعرنا الكريم
تفاصيلل الألم صعبة
وقد عجبت لهذا الالم كيف يطيل عمره

[عبدالله العتيبي]

كتلة من المشاعر
وسلة أوجاع

ودوحة عبق شعري
وتألق بوح ذات

أبيات رائعة جدا
قصيدة تعانق عنان السماء يا عبد الله

لك من الود حتى ترضى
:)

تسلم أخي الغالي عبدالإله ومسائك فرح

وصح بدنك مدد لا عدد ياجميل

وعاطر مودتي