جمادى الاخـــــــــــــــره

[عبدالله التميمي]

كن الاجازة ياصحيبي دقيقه=راحت وكن الروح راحت معاها
هذي حقيقه او حلم او حقيقه=هذي تواليها وهذا بلاها
يازين فرحتها من اول حريقه=ضل الرماد ومابقى غير صدها
والهاجس اللي كان محداً يعيقه=كل القوافي بشعر احتواها
يتعب على الجزله وسالك طريقه=والشين والهزله برجله وطاها
والصحبه اللي زادت الضيق ضيقه=في سيرة الخوه قليلاً عطاها
كل الليالي بالاجازه شريقه=والنور بيّن كل عله ودواها
والصاحب اللي من سلاله عريقه=كل الدروب الغانمه قد مشاها
مثل الذهب باقي ولامع بريقه=لو به جوايز بالمراجل خذها
وقت الصعيبه مايخلي رفيقه=روحه يغلّفها بكفه هداها
عدّا جماد اخر ومن هو يعيده=جانا رجب ياصاحبي ثم نهاها





حبيس الهاجس

[عبدالناصر السديري]

تسلم يا التميمي قصيدة واقعية جميلة

[نوف سعود]

،

مـثـل الـذهـب بـاقـي ولامـــع بـريـقـه
لـــو بـــه جـوايــز بالـمـراجـل خـذهــا

،
صح لسانك الأخ القدير: عبدالله،
امتناني وتقديري.