مراية الشوق!!

[فرج الشمري]

احبتي كل عام وانتم بخير ... اتواصل مع البياض بقلوبكم بنص متواضع .... شامخ بمروركم .......... ودمتم



ياريم انا بمرايـة الشـوق ابقـراك= وابكتبـك بيـن الوهـم والحقيقـه
بأحساس ما يطري على البال لولاك= ولا يمـر بخاطـري لـو دقيـقـه
كنه مزيج مـن المواجـع والأدراك= كنه فـرح والصبـح عيـا يفيقـه
متناقضٍ ما بيـن هجـرك ولقيـاك= وحزنه يكحل نظـرةٍ بـك غريقـه
مابيـن شبـاك الأمانـي وذكـراك= ومابين لوعـات الزمـان وبريقـه
ياكم شوقٍ فلـه الشـوق لرضـاك= وياكـم ليـلٍ مـده الليـل ضيقـه
وانتي على ماقيل هفت بك رشـاك= الدلو ! دلوي بـس بيـرك عميقـه

[وائل فهد]

فرج الشمري

اسعدني ان اكون اول من يصافح هذه الرائعه
كن بخير

[عون القحطاني]

ياكم شوقٍ فلـــه الشـــــوق لرضـاك
وياكـم ليـلٍ مـــده اللـــيـل ضيقــــــه

وانتـي على ماقيل هفت بك رشـاك
الدلو ! دلــوي بـــس بيـرك عميقـــــه

فرج الشمري

جميل هذا الشعر والاجمل من اتى به
لقد استمتعت بهذا الاحساس وهذه الشاعرية المميزة


صح نبضك


مودتي

[فلاح العماش]

يا الله



يا فرج



نص غااارق بالعذووبه والصدق / والعشق



شفّاف جداً


من شاعر جميل وعذب


رااائع رااائع رااائع



أعجابي ومودتي

[العـنود ناصر بن حميد]

تناقضٍ ما بيـن هجـرك ولقيـاك

وحزنه يكحل نظـرةٍ بـك غريقـه

***
مابيـن شبـاك الأمانـي وذكـراك

ومابين لوعـات الزمـان وبريقـه

***
ياكم شوقٍ فلـه الشـوق لرضـاك

وياكـم ليـلٍ مـده الليـل ضيقـه


فرج الشمري

البياض كان في حضورك الراقي

صح قلبك

ودمت بخير

[خالد صالح الحربي]

*

لهذه البساطة.. والتلقائيّة.. في الطّرح..
تُصَفّق جميع.. الأذواق.
شُكراً.. فرَج.

[فرج الشمري]

وائل فهد

اسعدني حضورك الأول..


وشكرا لما خططت في متصفحي ..


كل عام وانت بخير ..

[نواف التركي]

فرج

هذا النص معجز وممتع, قرأته أكثر من مره وفي كل مره أجده أجمل وأجمل .


صح قلبك