بدرية البدري
02-29-2016, 08:02 PM
[ تخيّل ]
تخيّل لو تفارقنا
تخيّل بسّ طعم الصبْح من دوني
تخيّل قهوتك مُرّة
بلا خبزة من يْديني
ولا وجهي
ولا رقة صباح الخير في صوتي
وتالي الليل ما تقلق؛ مسجْ مني يقلّك:
وين؟ واحشني
ولا تلبس لجل عيني برمسة ثوبك البني
تخيل عطري الطاغي
سوالفنا
صدى ضحكاتنا المجنون
عصافير الوله تنقر على شبّاكنا الدافي وهو باخْلاصنا مفتون
تخيّل بسّ هذا (الحبّ)
ما يوسعْه هذا الكون
تخيّل ابتعد وامشي
ــــــــــــــ تناديني ولا أسمع
يوقّف دمعي بْرمشي
ــــــــــــــ وتعجز خطوتي ترجع
حسافة صار لي نعشي
ــــــــــــــ طريقٍ كان بك يوسع
وصار اضيق
من انّه يحتمل ضعفي
يواسيني
يسلّيني
وانا أقضم أظافر غيبتك وابكي
طويلة هالسكيك اللي بدت قفرا
بلا غيمة
ولا صحرا
تصلي للمطر وتعود
قبل ما ينحني عمري
تخيّل وانْت تتخيّل
بان الواقع المؤلم
مفارقني/ وانا وحدي
قريب الواحدة لكن معانقني السهر بالحيل
ــــــــــــــــــــــــــ وآخر فرصةٍ للنوم لاحت لي قبلْ عشره
نزفت من الوجع نصفه قبل ما ينتصف هالليل
ــــــــــــــــــــــــــ وباقي النصّ من حزني يسابقني إلى بُكره
تعبت أسرد حكاياتي واواسي ظلّة القنديل
ــــــــــــــــــــــــــ وادوّر عن سبب للبعْد أو إنّي به انْتظره
أنا أدرى بأن الحزن ما يشفع له المنديل
ــــــــــــــــــــــــــ إذا لوّح وهو ماشي وخانه بالوفا عذره
تخيّل لو تفارقنا
تخيّل بسّ طعم الصبْح من دوني
تخيّل قهوتك مُرّة
بلا خبزة من يْديني
ولا وجهي
ولا رقة صباح الخير في صوتي
وتالي الليل ما تقلق؛ مسجْ مني يقلّك:
وين؟ واحشني
ولا تلبس لجل عيني برمسة ثوبك البني
تخيل عطري الطاغي
سوالفنا
صدى ضحكاتنا المجنون
عصافير الوله تنقر على شبّاكنا الدافي وهو باخْلاصنا مفتون
تخيّل بسّ هذا (الحبّ)
ما يوسعْه هذا الكون
تخيّل ابتعد وامشي
ــــــــــــــ تناديني ولا أسمع
يوقّف دمعي بْرمشي
ــــــــــــــ وتعجز خطوتي ترجع
حسافة صار لي نعشي
ــــــــــــــ طريقٍ كان بك يوسع
وصار اضيق
من انّه يحتمل ضعفي
يواسيني
يسلّيني
وانا أقضم أظافر غيبتك وابكي
طويلة هالسكيك اللي بدت قفرا
بلا غيمة
ولا صحرا
تصلي للمطر وتعود
قبل ما ينحني عمري
تخيّل وانْت تتخيّل
بان الواقع المؤلم
مفارقني/ وانا وحدي
قريب الواحدة لكن معانقني السهر بالحيل
ــــــــــــــــــــــــــ وآخر فرصةٍ للنوم لاحت لي قبلْ عشره
نزفت من الوجع نصفه قبل ما ينتصف هالليل
ــــــــــــــــــــــــــ وباقي النصّ من حزني يسابقني إلى بُكره
تعبت أسرد حكاياتي واواسي ظلّة القنديل
ــــــــــــــــــــــــــ وادوّر عن سبب للبعْد أو إنّي به انْتظره
أنا أدرى بأن الحزن ما يشفع له المنديل
ــــــــــــــــــــــــــ إذا لوّح وهو ماشي وخانه بالوفا عذره