المسافه نص عمري

[فالح البريكان]

المسافه نص عمري والمحبه راس مال = وانتهى المشوار فيك وجيت بالدرب احتريك
وقمت انادي يوم طيفك مرّ ... ياعمري تعال = وانتهيت الوم نفسي .. واعتبك.. واشره عليك
كنت اكذّب كل واقع فيك واصدّق خيال = صرت ماسوا شي غير اني محبه مستويك
وطول مشواري عجزت القا جواب. !! اتفه سؤال= يوم اعرف اني مااهمك... ليش انا مهتم فيك؟
ارفعك لاعلى مكانه والبسك مثل العقال = تاج راسي.. الا راسي كان لاجلك افتديك
احترم حتى بأمانه من ملابسك الضلال = واحترم حتى مكان(ن) ياصله ممكن وحيك
كنت حبي كنت كلي كنت .. احبك في اهبال = كنت عمري والحياه اعيشها ... فيك واليك
وبعد بانت لي خطاويك الخطا فوق الرمال = مالزمك انك تجيه الا عذرته مايجيك
ماقدرت تصون قدري فيك .. مبلي ..منك .. ذال = بعتني عشرين مره وذنبي اني مشتريك
معك عشت اقشر زمان وذكريات اسواء ليال = ماتوقعت اني احبك وانت تذبحني بيديك
تدري ان اكبر مصيبه... تقهر قلوب الرجال = لاكتشف بان بحبيبه شاركه باخر شريك
يعتبرها اكبر من العدوان في ساحة اقتال = مدرك انه لو تدارك موقفه ماصبح دريك
روح ياولهان طف الشوق عند ابن الحلال = ياعسى اللي تعشقه يكرهك كره ومايبيك
صرت في عيني قبيح الشكل من بعد الجمال = ومستحيل تصون عشره دام ربك مبتليك
شعر / فالح البريكان

[قايـد الحربي]

فالح البريكان
ـــــــــــــ
* * *
ومصافحتك الثانية تُثبتُ أنّ شاعرٌ
باستطاعته أنْ يلفت النظار والأقمار .
شكراً لك ولحرفك .

[رجا المريخي]

أخي الكريم فالح البريكان

صح الله لسانك وقلبك قصيده رآئعه

سجل إعجابي لحرفك

دمت بود

[نـــجد]

المسافة بين المحبة والكرة هي الخيانة
قصيدة معبرة بعمق
صح لسانك وشاعريتك

[وائل فهد]

صح لسانك يافالح

نص رائع وراقي

كن بخير

[فالح البريكان]

فالح البريكان
ـــــــــــــ
* * *
ومصافحتك الثانية تُثبتُ أنّ شاعرٌ
باستطاعته أنْ يلفت النظار والأقمار .
شكراً لك ولحرفك .

ويشرفني ياقايد انك هنا

الله يسعدك ويديم عزك اخوي

تحياتي وتقديري

[فالح البريكان]

أخي الكريم فالح البريكان

صح الله لسانك وقلبك قصيده رآئعه

سجل إعجابي لحرفك

دمت بود

صح بدنك ودام عزك


تشرفت بوجودك


تحياتي

[خالد صالح الحربي]

:



شُكراً كثيراً لكَ يافالح ..
فنوافِذك كُلّها تُطِلّ على الشِّعْر الجميل ،
قرأت هذه الفاتنة فصفّقت طويلاً ..
وتأكّدت من أن موعدي معك هو موعدٌ مع الشعر .