عبدالله بن سعد السهلي

[عبدالله السهلي]

https://www.youtube.com/watch?v=nSvyFSZ7TmQ

فـ عذراً رسول الله عذراً .. إذا بتنا عروشاً خاويات

[عبدالله السهلي]

https://www.youtube.com/watch?v=WL0ENWfl3_k


أنا شوف عيني وكر حر تحت بومه

[عبدالله السهلي]

يقـولـون مــال للعـبـد بــدٍ عــن المـقـسـوم وانـا اقـول صــح ويقـنـع العـبـد مقسـومـه
عسـى الله يعيـن اللـي توافـد عليـه هـمـوم هـمـوم تـخـلـي طـبـلـة الـــراس منـجـومـه
تـــرى والله انـــه مـايـكـدر عـلـيـك الــنــوم سوا كلمة مـن بعـض الاصحـاب مسمومـه
إلى جـت مـن الغاليـن والا الرخـوم رخـوم ولا امحـق مـن الغالـي ليـا شانـت علـومـه
ضعـاف الروابـع تبتلـش والـقـروم تـشـوم ولا هـيـب لا شـامـة مــن الشـيـن مليـومـه
ولا ازين من القـاع الخـلا والوجيـه سلـوم ولا رفـقــة مـــع طـــول الايـــام مـلـغـومـه
ولا الذ من عشرة شريفن من اقصى القوم يـبـادلـك فـعــل الـطـيـب مـعـنـاه وسـلـومـه
ولا شفت في جـو الصداقـه غبـش وغيـوم عطيت الدروب اللي مع الارض مرسومـه
ولا مثـل عـز النفـس لــو مامـعـك مطـعـوم وعن اهـل الشماتـه خـل الاسـرار مكتومـه
معي لو سمحت شوي عقبـن عـداك اللـوم ابعطـيـك عــن بـعـض الرياجـيـل معـلـومـه
ترى اللاش لو وقف معك فـي حياتـه يـوم تـشـوف الــردى متبـيـن فـيـه مــن يـومــه
وانــا اقــول لــو ان فــي وجـيــه الـرخــوم وسوم عرفنا نمييـز قيمـة النـذل بوسومـه
علشـان نجلـس مـع رجـال الوفـاء ونـقـوم ونبعـد مـن الـلـي عـنـد الاجــواد مذمـومـه
انا اسمع مع اهـل التجربـه فالحيـاة علـوم بعضها صحيـح وبعـض الاخبـار موهومـه
يـقـولـون وكـــر الـحــر مايعتـلـيـه الــبــوم وانـا شـوف عينـي وكـر حــر تـحـت بـومـه

للشاعر راجح العجمي

[عبدالله السهلي]

لا تعجب من علوج توطتها علوج والله أن الشر للشر أحيانا علاج

[عبدالله السهلي]

أجتمع العرب على الا يجتمعوا

[عبدالله السهلي]

قصيدة للشاعر فلاح السبيعي اعجبتني واحببت نقلها لمدونتي

حنا خلقنا الله علي العز والطيـب=والمرجله ما كـل رجلـن كفلهـا
لا نظلم الغايب ولا نعلـم الغيـب=لا شك نعرف جدها مـن هزلهـا
بعض الخطايا توجع القلب وتصيب=وبعض الخطايا طيبنـا يحتملهـا
والكلمه اللي قلتها باالظهـر عيـب=لا شفتني حزم ضلوعـك وقلهـا
خل السوالف مال لمثلك مطاليـب=مايعتنـي باالسالفـه مـن جهلهـا
والخطوه اللي دربها وعر وصعيب=شوري عليك ان طولت تعتزلهـا
لا صار مالك باالمراجل مقاضيب=اترك حمول الطيب واترك جملهـا
ان جيت اقدر عذري السن والشيب=والا انت قدرك في مواطي هملهـا
يوم القصايد نظمها يصيب ويخيب=جتني القصايد ترتجف من خجلهـا
وان كان لجزال القصايد معازيـب=حنا معازيـب القصايـد واهلهـا

[عبدالله السهلي]

إن الله الذي في السعودية ..
هو الله الذي في مصر والسودان ..
بل في كل مكان ..
مقص الرقيب الذي يخفينا دائما ..
عند منعنا مما نراه خارج هو أكبر دلا لة على التمسك الديني ..
وهناك تختبر القلوب الذهب والقلوب الصدئة ..

[عبدالله السهلي]

(( الـمـعـركـه ))


الحرب لا صارت ما بين ( ملوك ) .. يرتاح القزم ..!
........................قدام أجي .. و أحط خشمه / تحت رجلي .. و أفركـه
بالمختصر .. و المسألة / قدر .. و مقامات .. و عزم
..........................اللي ما هو قدّ ( الملك ) .. مـا هـو بقـدّ المعركـه
حتى الرعـاع اللـي معيشتهـا علـى مسـح الجـزم
............................صـارت تعـرف الفرنكـه .. وتجيـد فـن الفبركـه
ياهيه .. يامال العمـى اللـي يخـزم عيونـك خـزم
.........................شفني عدل .. واسترجع الماضي معي .. واستدركـه
ركزّ .. وفكّر .. فـي حيـاة الأنبيـاء أولـي العـزم
........................وأنت تعـرف فـرق النفـوس المؤمنـه و المشركـه
واللي خلقك بـلا ظهـر .. بتمـوت ماقيـل احتـزَم
..................مواقفك وش هي ؟ بلا ضعف .. ونفـاق .. وجمركـه
مـا أنـت بولـد عـمٍ قفـا .. ولا ولـد عـمٍ لـزم
......................سلعـه تروجهـا الصحافـه فـي زمـان الأمـركـه
فغصـبٍ عليـك تراعـي حـدودك .. وفيهـا تلتـزم
......................ويلك لو اسمع لك نفَس .. ويلك لـو اشـوف حركَـهْ
ياسخريـة الأقـدار .. وشلـون الجمـل حـنّ ورزم
......................وهـو علـى ماقيـل فمـراح امهـاتـه .. مبـركـه
لكّن خذها من لسان اللـي اليـا راغـوا .. جـزم !!
.............................خذ الصحيح .. وغيره ذلـك صـد عنـه .. واتركـه
( الأمعه ) في كل حاجه .. مـا انتصـر ولا انهـزَم
............................خـارج حسابـات العقـول الواعـيـه والمـدركـه
والرجـل لاقّفـا شبـابـه .. لا ذبــح ولا عــزم
.........................مثل "...." وأردا شوي .. مافيه خيـر ولا بركـه !!
لأجل كذا .. خلـك هنـاك بعيـد .. وأرتـح ياقـزم
.........................قدام أجي .. واحط خشمك تحـت رجلـي .. وافركـه

قصـيدة الـشـاعـر : مـحـمـد جارآلله السـهـلـي

منقول