من قراني مانساني! ..(عرش الشعر)

[م.خالد الدوسري]

من المعتاد انك تختار الطريق الذي تمشيه وتمشيه برغبتك كيف ماشئت ولكن الادهى وامرعندما يختارك الطريق ويمشيك كيف ما شاء هكذا اتت هذه المتواضعة بين قلوبكم

http://www.asmilies.com/smiliespic/FAWASEL/072.gif

الطريق اللي مشاني رغم رفضي رغم خوفي=يبتدي مثل النهاية لاانتهى حلم بصياحي

اه...يا عتمة نهاره كنّها ظلمى الكهوفي=ظلمى كهفٍ ماتزاور فجوته شمس الصباحي

هاجسه ينبت سنابل..روسها تمسح كفوفي=تلمس الرعشة بطرفٍ فيه بات البرد صاحي

حفته من كل جانب..لين وصلت للكتوفي=مثلما حفت شكوكه فكر من كل النواحي

الحذر ماكنه الا قيد والهمة سيوفي=قيد الخطوة ولكن حدتي تطلق سراحي

والرجا يمشي الخطاوي كلما ارتب صفوفي=واتلفت مابه الا وحشة بصوت الرياحي

فجاةٍ طارت عصافير الخطر لحظة وقوفي=وانكسر غصن الامان وضاع بالظلمى سلاحي

ضمت عروقي فتات الغصن وابتلت كفوفي=وافتح الكف والاقي طير مكسور الجناحي

اقتربت وبان قصرٍ تاج محل ياخذ وصوفي=منه لكن فيه بابٍ مستحيل الانفتاحي

وحال سور الصين دونه مثلما حالت ظروفي=دون شوف الفاتن اللي ضمته تبري جراحي

وسط حصنه شع ضيٍ للقمر وقت الكسوفي=جزء غطته الغيوم..وجزء للاعيان لاحي

يجهر الاعمى ونظيري لو يشوفه مايشوفي=وانفتح بابٍ روماني نبرته تشبه صياحي

دام عيبي قو باسي وكان ذنبي (اني اوفي)=كيف ما اقدم باتجاهه؟ والعمر لا راح راحي

ماتوانى دون حلمي لو وقف دونه الوفي=(ابلغه ولا اتوفى) والله ان هذا وشاحي

لجل عينه صرت حاتم واعذب اشعارٍ ضيوفي=يكفي لامن قلت بيتٍ ذاب قطب وقطب ساحي

من قراني مانساني! بالضلوع انحت حروفي=هزت عروش المجرة لين عرش الشعر طاحي

الوكاد اني دخلت ومانظر للخلف شوفي=وشفت حورٍ تبتسم لي وابتسامتها ارتياحي

فوق ارجوحة قديمة شفتها اجمل هنوفي=واقبلت والرمش صوّب خافقي كنه رماحي

و قبل ايادينا تلامس اختفت مثل الطيوفي=وطلت بروق النهاية بالسما والرعد صاحي

وانتهى حلمي ب لا لا وعضة ابهام وحسوفي=وقمت من نومي وكفي قابض وسادة نياحي


http://www.asmilies.com/smiliespic/FAWASEL/134.gif

By:

خالد الدوسري...أو...غريب الروح

http://www.asmilies.com/smiliespic/FAWASEL/bloem_14.gif

[قايـد الحربي]

خالد الدوسري
ـــــــــــ
* * *

أهلاً وسهلاً بك في أبعاد
لن ننساك ...
لأنّك شاعرٌ رائع و وجودك أروع لنا وللشعر .

بك الترحيب : يطيب

[م.خالد الدوسري]

العملاق: قايد الحربي

حضورك الاول تتباهى به جميع حروفي

فاشكرا لك بقدر روعتك

مغليك حد الجنون:

خالد

[سلطان ربيع]

أهلاً وسهلاً بك
ياخالد الدوسري
تتشرف أبعاد أدبية يتواجدك بيننا
حضورك نور

[نواف التركي]

خالد الدوسري



حضور النور يا خالد , ألف هلابك في أبعاد أدبيه

وصح قلبك

[هدب]

أهلاً وسهلاً بك

تتشرف أبعاد أدبية بتواجدك

مصافحة اولى رائعة

لك كل التقدير

[خالد صالح الحربي]

:



خالد الدوسري:
أهلاً وَ سهلاً بك وَ لكْ..
شاعرٌ تُبشّر بالغَيْم..
وتأتي بصُحبَة المطر .

[اسعد الروابة]

خالد الدوسري:

وقد اختارت هذه الرائعة أن تمشي في قلوبنا الى أن وصلت اللب

لله درك...........واهلا بك في ابعاد