رفيق الرخى ...

[وليد بن رشيد التميمي]

السلام عليكم ورحمة الله وبركاته

وأسعد الله صباح الجميع بالخير والعافيه ،
ولاجديد غير الشعر .....

،،

،


فات الاوآن وفات وقت إنتقادي
ياما بضميري وايقن الخفايات

،،

زمان يجرح بالحشا والفؤادي
وإن جيت أعدل مايله زاد ميلات

،،

ماشالت الجنحان طير الهدادي
طير السعد بماكره اليوم مابات

،،

مامن وفا .. يندى خبيت الدوادي
وقت ٍ به الوافين تشوف المضّرات

،،

من عاش بالدنيا عديم المبادي
حيء ٍ نعدّه ميت ٍ ضمن الأموات

،،

لو ما سلك درب الوفا والسدادي
بعْ رفقته من قبل تفوت الافوات

،،

من يأمنه بوقت الرخى يقال غادي
مامن ورى قربه خير وبالضيق مثنات

،،

مثل الحلم بالليل ليا خطرف سهادي
من يقضبه بالصبح لاشك ملهــات

،،

رافق عزيز ٍ بالمعزّه يفادي
رأيه حكيم ويفصله بالمهمات

،،

يرفى الخمال ولايهزه إمعادي
كريم وطبع الطيب فيه مشهات

،،

هذاك خلّه عن يمينك وكادي
وأبعد عن الشكه ترى مابه مروات

،،

وبرق ٍ نشأ مزنه لاح بالبيادي
شعوف برق الصيف مامعه مويهات

،،

مايميز الجاهل علوم ومبادي
مدام بالمعرفه جاهل .. سلامات

،،

هذا ونا همي ماينجلي زادي
ساعه يفوت حاضر العقل هفوات

،،،

،،
،

وسلامتكم جميع ..

[نوف سعود]

،
،
وعليكَ السلام ورحمة الله،

:
رافق عزيز ٍ بالمعزّه يفادي
رأيه حكيم ويفصله بالمهمات
:
صح لسانك القدير: وليد،
امتنان وتحايا.

[بلقيس الرشيدي]

..

أمتَعتَ اللَّحظَة لِذَّة الإنصَات !
سَلمت يَمينكَ يَامطر

.

[رشا عرابي]

لله كم في الشعر من سحرٍ يأسر

طوبى لحكمة تختال في لبّ أبياتك شعرا

لك التّحايا من وريد العِطر جوري

[سلسبيل]

جزالة وحكمة
مبارك أنت

صح لسانك وبيانك
حفظك الله

[نادرة عبدالحي]

فصاحب المبادئ يدرك كيف يحقق مبتغاه ويسير ثابتا لطريق الصحيح حتى لو سار بزحام الفوضى .
من عاش بالدنيا عديم المبادي
حيء ٍ نعدّه ميت ٍ ضمن الأموات

وصية غالية فرفيق الخير يجلب معه الخير .

رافق عزيز ٍ بالمعزّه يفادي
رأيه حكيم ويفصله بالمهمات