تسجيل الدخول

مشاهدة النسخة كاملة : لاتبالي


عبدالله التميمي
02-07-2017, 09:41 AM
الحال نفس الحال يازين ياشين
من هو رضى بالحال قلي ياغالي

ربي يزينها على كيف ماتزين
ماغيره الله نطلبه خير والي

اطلب من الدنيا رضا بس الاثنين
ابوك وامك والبقيه زوالي

والدين لاتبطي على صاحب الدين
سدد ولا يلحقك بالقبر مالي

ماهو فقير اللي فقير الملايين
الفقر من هو عن خمس دوم سالي

والكذب قلة مرجله يعمي العين
وماعاش من يتبع دروب الظلالي

ومن خاف مايسلم من لسان باقين
يبقى جبان وذبحته ذا حلالي

الفالح الفالح مع الشده ايبين
ماهو مثل رجلن باللسان طالي

والخير قدامك ولو مرت اسنين
خلك بربك واثق ولاتبالي








عبدالله التميمي

رشا عرابي
02-07-2017, 10:07 AM
حكمة في بردة بوح تنثال نوراً


لك التّحايا سامقات

سلسبيل
02-07-2017, 04:14 PM
بعض الشعر نور نهتدي بحكمته

جزيت الخير

نادرة عبدالحي
02-09-2017, 11:09 PM
كتبت وأبدعت ووصيت وأصبت
شعر فيه من الحكمة نصيب ...وفيه من الواقع شي كثير
سلمت يالشاعر وسلم فكرك النير .وأمد الله بعمرك ،

علي القرني
02-10-2017, 12:40 PM
والخير قدامك ولو مرت اسنين
خلك بربك واثق ولاتبالي

صح لسانك ياعبدالله جزله من جزل
لاهنت